Day: July 7, 2022

കൊച്ചി: ഗൂഢാലോചനാ കേസ് അന്വേഷണം നടത്തുന്ന ക്രൈം ബ്രാഞ്ച് ചോദ്യം ചെയ്യാനാണെന്ന ഭാവേന തന്നെ മാനസികമായി പീഡിപ്പിക്കുകയാണെന്ന് സ്വര്‍ണ്ണ കടത്ത് കേസിലെ പ്രതി സ്വപ്ന സുരേഷ് ആരോപിച്ചു. കേസിന്റെ വിവരങ്ങളെക്കുറിച്ച് ക്രൈംബ്രാഞ്ച് തന്നെ ചോദ്യം ചെയ്യുകയായിരുന്നില്ലെന്നും, മറിച്ച് മുഖ്യമന്ത്രി പിണറായി വിജയന്റെ മകൾ വീണാ വിജയന്റെ ബിസിനസ് കാര്യങ്ങളെക്കുറിച്ചാണ് സംസാരിച്ചതെന്നും സ്വപ്ന പറഞ്ഞു. പിണറായി വിജയന്റെ മകളായതുകൊണ്ട് ബിസിനസ് നടത്താന്‍ സാധിക്കില്ലേ എന്നായിരുന്നു തന്നോട് ചോദിച്ചതെന്ന് സ്വപ്ന പറഞ്ഞു. വീണയുടെ സാമ്പത്തിക ഇടപാടിന്റെ രേഖകള്‍ കൈവശമുണ്ടോ എന്ന് ചോദിച്ചതായും സ്വപ്ന പറഞ്ഞു. എച്ച്ആര്‍ഡിഎസുമായുള്ള ബന്ധം ഉപേക്ഷിക്കണമെന്നും അഭിഭാഷകന്‍ കൃഷ്ണരാജിന്റെ വക്കാലത്ത് ഒഴിയണമെന്നും ക്രൈംബ്രാഞ്ച് ആവശ്യപ്പെട്ടു. ഇല്ലെങ്കില്‍ 770 കലാപക്കേസുകളില്‍ തന്നെ പ്രതിയാക്കുമെന്ന് ഭീഷണിപ്പെടുത്തി. താന്‍ കോടതിക്ക് നല്‍കിയ രഹസ്യമൊഴിയിലെ വിവരങ്ങളും അവര്‍ തിരക്കി. മുഖ്യമന്ത്രി എല്ലാ സ്ത്രീകളെയും പെൺമക്കളായി കാണണം. സ്വന്തം മകളെ മാത്രം നോക്കിയാൽ പോരാ.…

കാഞ്ഞിരപ്പള്ളി: എഞ്ചിനീയറിംഗ് വിദ്യാഭ്യാസമേഖലയുടെ സമഗ്രവളര്‍ച്ചയ്ക്കും സാങ്കേതിക വ്യവസായ കുതിപ്പുകള്‍ക്കും കരുത്തേകുന്നതും യുവസംരംഭകര്‍ക്ക് പ്രോത്സാഹനമേകുന്നതുമായ 1000 സാറ്റാര്‍ട്ടപ്പുകള്‍ ആരംഭിക്കുമെന്ന് കേരള കാത്തലിക് എഞ്ചിനീയറിംഗ് കോളജ് മാനേജ്‌മെന്റ്‌സ് അസോസിയേഷന്‍. അസോസിയേഷന്റെ കീഴിലുള്ള സംസ്ഥാനത്തെ 14 എഞ്ചിനീയറിംഗ് കോളജുകളിലും ഇതിനുതകുന്ന അടിസ്ഥാന സൗകര്യങ്ങള്‍ ഇതിനോടകം സജ്ജീകരിച്ചിട്ടുണ്ട്. 200 ല്‍പരം സ്റ്റാര്‍ട്ടപ്പുകള്‍ വിവിധ കാത്തലിക് എഞ്ചിനീയറിംഗ് കോളജുകളില്‍ പ്രവര്‍ത്തനനിരതവുമാണ്. ദേശീയ രാജ്യാന്തരതലത്തില്‍ കേരളത്തിന്റെ സാങ്കേതിക വിദ്യാഭ്യാസമേഖലയ്ക്ക് വന്‍നേട്ടവും സാങ്കേതിക ഗവേഷണരംഗത്ത് പുതുതലമുറയ്ക്കും പൊതുസമൂഹത്തിനും ഏറെ പ്രതീക്ഷകളും പ്രോത്സാഹനങ്ങളും നല്‍കുന്ന വിവിധ സാങ്കേതിക വിദ്യാഭ്യാസ പദ്ധതികളുടെ ഉദ്ഘാടനം കേരള കാത്തലിക് എഞ്ചിനീയറിംഗ് കോളജ് മാനേജ്‌മെന്റ്‌സ് അസോസിയേഷന്‍ പ്രസിഡന്റ് റവ.ഡോ. മാത്യു പായിക്കാട്ട് നിര്‍വഹിച്ചു. കൂവപ്പള്ളി അമല്‍ജ്യോതി എഞ്ചിനീയറിംഗ് കോളജില്‍ നടന്ന ചടങ്ങില്‍ അസോസിയേഷന്‍ സെക്രട്ടറി റവ.ഡോ.ജോസ് കുറിയേടത്ത് അദ്ധ്യക്ഷത വഹിച്ചു. എക്‌സിക്യൂട്ടീവ് സെക്രട്ടറി ഷെവലിയാര് അഡ്വ.വി.സി.സെബാസ്റ്റ്യന്‍ സാങ്കേതിക വിദ്യാഭ്യാസമേഖലയിലെ വിവിധ വിഷയങ്ങളെക്കുറിച്ചും സാങ്കേതികവളര്‍ച്ചാ പദ്ധതികളെക്കുറിച്ചും…

തൃശൂർ: കുട്ടികൾക്ക് നേരെ നഗ്നത പ്രദർശിപ്പിച്ച നടൻ ശ്രീജിത്ത് രവിക്ക് കോടതി ജാമ്യം നിഷേധിച്ചു. മാനസികാസ്വാസ്ഥ്യമുണ്ടെന്നും മരുന്ന് കഴിച്ചിട്ടില്ലെന്നുമുള്ള വാദം തൃശൂർ പോക്‌സോ കോടതി അംഗീകരിച്ചില്ല. നടനെ കോടതി 14 ദിവസത്തേക്ക് റിമാൻഡ് ചെയ്തു. തൃശൂർ അയ്യന്തോളിലെ പാർക്കിൽ വെച്ച് കുട്ടികൾക്ക് നേരെ നഗ്നതാ പ്രദർശനം നടത്തിയെന്നാണ് നടനെതിരെയുള്ള കേസ്. സിസിടിവി ദൃശ്യങ്ങളിൽ നിന്ന് ശ്രീജിത്ത് രവിയാണ് നഗ്നതാ പ്രദർശനം നടത്തിയതെന്ന് പോലീസ് തിരിച്ചറിഞ്ഞിരുന്നു. തുടർന്നാണ് പോലീസ് ശ്രീജിത്ത് രവിയുടെ വീട്ടിലെത്തി കസ്റ്റഡിയിലെടുത്തത്. ജൂലൈ നാലിനാണ് കേസിനാസ്പദമായ സംഭവം നടന്നത്. ഇതിന് തലേദിവസവും ശ്രീജിത് രവി നഗ്നതാപ്രദര്‍ശനം നടത്തിയിരുന്നു. കുട്ടികള്‍ ഇക്കാര്യം വീട്ടുകാരെ അറിയിച്ചെങ്കിലും ആരും പരാതി നല്‍കിയില്ല. പക്ഷേ പിറ്റേ ദിവസവും ഇത് ആവര്‍ത്തിച്ചപ്പോഴാണ് രക്ഷിതാക്കള്‍ പരാതിയുമായി പോലീസിനെ സമീപിച്ചത്. സ്‌കൂൾ വിട്ട് കുട്ടികൾ വരുന്നതിന് മുമ്പ് ശ്രീജിത്ത് രവി പാർക്കിൽ എത്തിയിരുന്നു. കുട്ടികൾ വരുമ്പോൾ…

കൊച്ചി: സ്വർണക്കടത്ത് കേസ് ഒത്തുതീർപ്പാക്കാനാണെന്ന വ്യാജേന മുഖ്യമന്ത്രിയുടെ ദൂതന്‍ ചമഞ്ഞ് സ്വപ്ന സുരേഷുമായി അടുപ്പം കാണിച്ച ഷാജ് കിരൺ മൊബൈൽ ഫോണിലെ നിര്‍ണ്ണായക രേഖകൾ നശിപ്പിച്ചതായി സംശയം. ഷാജ് കിരണ്‍ മുഖ്യമന്ത്രിയുടെ ദൂതനാണെന്നാണ് സ്വപ്ന സുരേഷ് വിശേഷിപ്പിച്ചത്. ഷാജ് കിരണിന്റെ ഫോണും മൊബൈല്‍ രേഖകളും എന്‍ഫോഴ്‌സ്‌മെന്റ് ഡയറക്ടറേറ്റ് ആവശ്യപ്പെട്ടിട്ടുണ്ട്. എന്നാല്‍ ഷാജ് കിരണ്‍ അതൊന്നം ഇഡിക്ക് കൈമാറിയിട്ടില്ല. അതെല്ലാം ക്രൈംബ്രാഞ്ചിന് നല്‍കിയെന്നാണ് ഷാജ് കിരണ്‍ ഇഡിയെ അറിയിച്ചത്. എന്നാല്‍ ഫോണും രേഖകളും ക്രൈംബ്രാഞ്ച് കൈപ്പറ്റിയതിന്റെ രേഖകള്‍ ഹാജരാക്കാന്‍ ഷാജ് കിരണിന് സാധിച്ചിട്ടില്ല. സ്വർണക്കടത്ത് കേസ് ഒത്തുതീർപ്പാക്കാൻ സ്വപ്‌നയുമായി ഷാജ് കിരണ്‍ നടത്തിയ ഫോണ്‍ സംഭാഷണം വിവാദമായപ്പോൾ ഇയ്യാള്‍ സുഹൃത്തിനൊപ്പം തമിഴ്‌നാട്ടിലേക്ക് പോയിരുന്നു. സ്വപ്‌ന കേസിൽ ഷാജിനെ മാപ്പു സാക്ഷിയാക്കാൻ പോലീസ് നീക്കം നടത്തുന്നതായി റിപ്പോർട്ടുകളുണ്ട്.