Day: October 3, 2022

തിരുവനന്തപുരം: കിളിമാനൂരിൽ ദമ്പതികളെ ചുറ്റിക കൊണ്ടടിച്ച് പെട്രോളൊഴിച്ച് തീ കൊളുത്തി കൊലപ്പെടുത്തിയ കേസിലെ പ്രതി കിളിമാനൂർ മടവൂർ സ്വദേശി ശശിധരൻ നായര്‍ മരിച്ചു. ശനിയാഴ്ചയാണ് അയല്‍‌വാസിയായ പ്രഭാകരക്കുറുപ്പിയെയും ഭാര്യ വിമലകുമാരിയെയും ഇയാൾ ചുറ്റിക കൊണ്ട് തലയ്ക്കടിച്ച് പെട്രോളൊഴിച്ച് കത്തിച്ചത്. ആക്രമണത്തില്‍ ഇയാള്‍ക്ക് 85 ശതമാനം പൊള്ളലേറ്റിരുന്നു. തുടര്‍ന്ന് തിരുവനന്തപുരം മെഡിക്കൽ കോളേജിൽ ചികിത്സയിലായിരുന്നു. വെന്റിലേറ്ററിൽ ചികിത്സയിലിരിക്കെയാണ് ശശിധരൻ നായർ മരിച്ചത്. ഗൃഹനാഥനും ഭാര്യയും വീട്ടിൽ കയറി പെട്രോൾ ഒഴിച്ച് തീകൊളുത്തുകയായിരുന്നു.

ഫ്ളോറിഡ: മുന്‍ ആഭ്യന്തര വകുപ്പു മന്ത്രിയായും, ടൂറിസ്സം വകുപ്പു മന്ത്രിയായും, പ്രതിപക്ഷ നേതാവായും പിന്നീട്‌ പാര്‍ട്ടിയുടെ ജനറല്‍ സെക്രട്ടറിയായും പ്രവര്‍ത്തിച്ച്‌ സി.പി.ഐ.എം നെ എക്കാലത്തും മാതൃകാപരമായി നയിച്ച കൊടിയേരി ബാലകൃഷ്ണന്റെ വേര്‍പാടില്‍ ഫെഡറേഷന്‍ ഓഫ്‌ കേരളാ അസ്സോസിയേഷന്‍സ്‌ ഇന്‍ നോര്‍ത്ത്‌ അമേരിക്ക(ഫൊക്കാനാ) അനുശോചനം രേഖപ്പെടുത്തി. കമ്മ്യൂണിസ്റ്റ്‌ പാര്‍ട്ടി ഓഫ്‌ ഇന്ത്യ (എം) എന്ന തന്റെ പാര്‍ട്ടിയ്ക്കുവേണ്ടി ജീവിതം അര്‍പ്പിച്ച ഒരു മഹല്‍ വ്യക്തിയായിരുന്നു കൊടിയേരി ബാലകൃഷ്ണന്‍ എന്ന്‌ ഫൊക്കാനാ പ്രസിഡന്റ്‌ രാജന്‍ പടവത്തില്‍ തന്റെ അനുശോചന സന്ദേശത്തില്‍ അറിയിക്കുകയുണ്ടായി. സി.പി.ഐ.എം ന്റെ താഴെതട്ടില്‍ നിന്നും പ്രവര്‍ത്തനങ്ങള്‍ ആരംഭിച്ച്‌ അചഞ്ചലമായ പാംര്‍ട്ടിക്കൂറും അതുല്യമാ നേതൃത്വപാഠവും, അര്‍പ്പണ മനോഭാവവും കൈമുതലായി തന്റെ തീരുമാനങ്ങളില്‍ പതറാത്ത ഒരു മഹല്‍വ്യക്തിയായിരുന്നു കൊടിയേരി എന്ന്‌ രാജന്‍ പടവത്തില്‍ തന്റെ പ്രസ്താവനയില്‍ ഊന്നി പറഞ്ഞു. തന്റെ രോഗബാധയെപോലും വകവെയ്ക്കാത്ത സി.പി.ഐ.എംനുവേണ്ടി തന്റെ ജീവിതം തന്നെ ഉഴിഞ്ഞുവെച്ച…

ഗുരുസ്ഥാനീയന്‍ ഇ കെ നായനാരുടെ ഭൗതിക ശരീരം ചുമലിലേറ്റി പിണറായി വിജയൻ അന്ന് മുൻ നിരയിൽ ഉണ്ടായിരുന്നു. നായനാരുടെ ഭൗതികശരീരം വഹിച്ച് അസാമാന്യമായ അനുഭൂതിയോടെ അദ്ദേഹം നടന്നു നീങ്ങിയത് അദ്ദേഹത്തിന്റെ സ്നേഹസ്മരണകളും ഓർമ്മകളും മരണത്തിന്റെ ദുഃഖവും നെഞ്ചിൽ അലയടിക്കുമ്പോഴാണ്. പതിനെട്ട് വർഷങ്ങൾക്ക് ശേഷം പയ്യാമ്പലത്തെ സാഗരതീരം സമാനമായ ഒരു സങ്കടകരമായ കാഴ്ചയ്ക്ക് സാക്ഷ്യം വഹിച്ചു. 2004 മെയ് 19 ഇ കെ നായനാർ എന്ന ഏറമ്പാല കൃഷ്ണന്‍ നായനാര്‍ രാഷ്ട്രീയ കേരളത്തിൽ നിന്ന് വിട്ടുപോയ ഒരു ദുഃഖ ദിനമായിരുന്നു. ലക്ഷക്കണക്കിന് സാധാരണക്കാരാണ് വിയോഗത്തിന്റെ ഞെട്ടലിൽ നെഞ്ചിടിപ്പോടെ നിന്നത്. മൃതദേഹം ഡൽഹി എയിംസിൽ നിന്ന് വിമാനമാര്‍ഗം തിരുവനന്തപുരത്ത് എത്തിച്ചു. സെക്രട്ടേറിയറ്റിലെയും എകെജി സെന്ററിലെയും പൊതുദർശനത്തിനു ശേഷം മൃതദേഹം വിലാപയാത്രയായി സ്വദേശമായ കണ്ണൂരിലെത്തിച്ചു. വഴിയിലുടനീളം, “ഇല്ല ഇല്ല, മരിക്കുന്നില്ല, ജീവിക്കുന്നു ഞങ്ങളിലൂടെ” എന്ന ഹൃദയഭേദകമായ മുദ്രാവാക്യം വിളികള്‍ ഉയര്‍ന്നു. മുമ്പെങ്ങുമില്ലാത്തവിധം…

ചങ്ങനാശ്ശേരി: ‘ദൃശം’ മോഡൽ കൊലപാതകത്തിൽ ബിന്ദുമോനെ കൊന്നത് താനല്ലെന്ന് പോലീസ് പിടിയിലായ മുത്തുകുമാർ. അന്ന് കൂടെയുണ്ടായിരുന്ന രണ്ടുപേരാണ് കൊല നടത്തിയതെന്ന് മുത്തുകുമാർ പറഞ്ഞു. അതിനിടെ കൂടെയുണ്ടായിരുന്ന മറ്റ് രണ്ട് പേരാണ് ബിന്ദുമോനെ വീട്ടിലേക്ക് വിളിച്ച് വരുത്തി കൊലപ്പെടുത്തിയെന്ന് മുത്തുകുമാർ മൊഴി നൽകി. വീട്ടിൽ മദ്യപിച്ചുകൊണ്ടിരിക്കെ ഫോൺ വന്നപ്പോൾ താന്‍ മുറ്റത്തേക്കിറങ്ങിയപ്പോഴാണ് കൊലപാതകം നടന്നതെന്ന് മുത്തുകുമാർ പോലീസിനോട് പറഞ്ഞു. തിരികെ വന്നപ്പോൾ രണ്ടുപേരുടെയും മർദനമേറ്റ് മരിച്ച നിലയിൽ കിടക്കുന്ന ബിന്ദുമോനെയാണ് കണ്ടതെന്ന് മുത്തുകുമാർ പറഞ്ഞു. അതേസമയം, കൂട്ടാളികളെന്ന് കരുതുന്ന കോട്ടയം, വാകത്താനം സ്വദേശികളായ ബിബിൻ, ബിനോയ് എന്നിവരെ കോയമ്പത്തൂരിൽ കസ്റ്റഡിയിലെടുത്തതായും സൂചനയുണ്ട്. കൊലപാതകത്തിന് ശേഷം അയൽവീട്ടിൽ നിന്നും തൂമ്പയും കമ്പിപ്പാരയും വാങ്ങി വരാൻ അവർ ഭീഷണിപ്പെടുത്തി. പിന്നീട് അടുക്കളയ്ക്ക് പിന്നിലെ ഷെഡ്ഡിൽ കുഴിച്ചിട്ട് കോൺക്രീറ്റ് ചെയ്തുവെന്നും മുത്തുകുമാർ പറഞ്ഞു. ബിന്ദുമോന് ക്രൂരമായ മർദ്ദനമേറ്റിട്ടുണ്ടെന്ന് പോസ്റ്റ്മോർട്ടം റിപ്പോർട്ടിൽ പറയുന്നു. ഇയാളുടെ…

കണ്ണൂർ: സിപിഎം നേതാവ് കോടിയേരി ബാലകൃഷ്ണന്റെ സംസ്കാര ചടങ്ങുകൾ ഇന്ന് (ഒക്ടോബർ 3) നടക്കും. സംസ്കാര ചടങ്ങുകൾ ഉച്ചകഴിഞ്ഞ് മൂന്നിന് പയ്യാമ്പലത്താണ് നടക്കുക. സംസ്‌കാരത്തിനുള്ള ഒരുക്കങ്ങളെല്ലാം പൂർത്തിയായി. മൃതദേഹം രാവിലെ 11ന് സിപിഎം കണ്ണൂർ ജില്ലാ കമ്മിറ്റി ഓഫീസിലെത്തിച്ച് പൊതുദർശനത്തിന് വയ്ക്കും. പാർട്ടിയുടെ മുതിർന്ന നേതാക്കളായ സീതാറാം യെച്ചൂരിയും പ്രകാശ് കാരാട്ടും അന്തിമോപചാരം അർപ്പിക്കാൻ ജില്ലാ കമ്മിറ്റി ഓഫീസിലെത്തും. തുടർന്ന് വിലാപയാത്രയായി പയ്യാമ്പലത്തേക്ക് കൊണ്ടുപോകും. നിരവധി നേതാക്കളാണ് പയ്യാമ്പലത്ത് അന്ത്യവിശ്രമം കൊള്ളുന്നത്. മുൻ മുഖ്യമന്ത്രി ഇ കെ നായനാരുടെയും മുൻ പാർട്ടി സെക്രട്ടറി ചടയൻ ഗോവിന്ദന്‍റെയും സ്മൃതിമണ്ഡപത്തിന്‍റെ മധ്യത്തിലായിരിക്കും ശരിക്കും കോടിയേരിക്കും ചിതയൊരുക്കുന്നത്. ഇതിന് തൊട്ടടുത്തായി രക്തസാക്ഷി അഴീക്കോടൻ രാഘവന്‍റെ സ്മൃതി കുടീരവുമുണ്ട്. ഇന്നലെ രാത്രി തലശ്ശേരിയിലെ വീട്ടില്‍ പൊതുദര്‍ശനത്തിന് വച്ചപ്പോള്‍ നൂറുകണക്കിനാളുകളാണ് ആദരാഞ്ജലികൾ അർപ്പിക്കാൻ എത്തിയത്. സംസ്‌കാര ചടങ്ങുകളുടെ ഭാഗമായി ആദരസൂചകമായി കണ്ണൂർ തലശ്ശേരി മണ്ഡലങ്ങളിൽ…