Day: October 5, 2022

പാലക്കാട്: എറണാകുളം മുളന്തുരുത്തി ബസേലിയസ് സ്‌കൂളിൽ നിന്ന് വിദ്യാർത്ഥികളുമായി പോയ ടൂറിസ്റ്റ് ബസ് വടക്കാഞ്ചേരിയില്‍ കെഎസ്ആർടിസി ബസിൽ ഇടിച്ച് ഒമ്പത് പേർ മരിച്ചു. ടൂറിസ്റ്റ് ബസിൽ 42 വിദ്യാർത്ഥികളും അഞ്ച് അദ്ധ്യാപകരുമാണ് ഉണ്ടായിരുന്നതെന്ന് പോലീസ് പറഞ്ഞു. 47 യാത്രക്കാരിൽ 36 പേർക്ക് പരിക്കേറ്റു. പരിക്കേറ്റവരിൽ 12 പേരുടെ നില ഗുരുതരമാണ്. വ്യാഴാഴ്ച പുലർച്ചെ 12ന് ശേഷമായിരുന്നു അപകടം. കെഎസ്ആർടിസി ബസിൽ 49 യാത്രക്കാരാണ് ഉണ്ടായിരുന്നത്. മരിച്ചവരിൽ കെഎസ്ആർടിസി ബസ് യാത്രക്കാരനും അദ്ധ്യാപികയും ഉൾപ്പെടുന്നു. ടൂറിസ്റ്റ് ബസിൽ എറണാകുളം മാർ ബസേലിയോസ് സ്‌കൂളിൽ നിന്ന് ഊട്ടിയിലേക്ക് വിനോദയാത്ര പോയ സംഘമായിരുന്നു. ബസ് അമിത വേഗതയിലായിരുന്നുവെന്ന് ദൃക്‌സാക്ഷികൾ പറയുന്നു. കെഎസ്ആർടിസി ബസും ടൂറിസ്റ്റ് ബസും കൂട്ടിയിടിച്ചാണ് അപകടം. ആലത്തൂർ, വടക്കാഞ്ചേരി ഫയർഫോഴ്‌സ് യൂണിറ്റും നാട്ടുകാരും ചേർന്നാണ് രക്ഷാപ്രവർത്തനം നടത്തുന്നത്. അപകടത്തിൽ നിരവധി പേർക്ക് ഗുരുതരമായി പരിക്കേറ്റിട്ടുണ്ടെന്ന് പോലീസ് പറഞ്ഞു. വടക്കാഞ്ചേരി…

കുടുംബവിളക്ക് സീരിയൽ പ്രേക്ഷകരുടെ പ്രിയങ്കരിയായി മാറിയിരിക്കുകയാണ് നടി അശ്വതി. സീരിയലിൽ അനന്യ എന്ന ഡോക്ടർ കഥാപാത്രത്തെയാണ് അശ്വതി അവതരിപ്പിക്കുന്നത്. ആതിര മാധവ് അവതരിപ്പിച്ച കഥാപാത്രം മാറിയതോടെയാണ് അശ്വതി അഭിനയിക്കാൻ തുടങ്ങിയത്. വളരെ പെട്ടെന്ന് തന്നെ പ്രേക്ഷകരുടെ ഇഷ്ടം നേടിയെടുക്കാൻ താരത്തിന് കഴിഞ്ഞു. അതേസമയം സോഷ്യൽ മീഡിയയിലൂടെ പങ്കുവെച്ച ഗ്ലാമറസ് ഫോട്ടോഷൂട്ടിന് വിമർശനങ്ങൾ നേരിടേണ്ടി വന്നെന്നാണ് അശ്വതി ഇപ്പോൾ പറയുന്നത്. എം.ജി. ശ്രീകുമാർ അവതാരകനായ ‘പറയാം നേടാം’ എന്ന പരിപാടിയിൽ അതിഥിയായിരുന്നു അശ്വതി. എം.ജി.യുടെ ചോദ്യത്തിന് മറുപടി പറയവെയാണ് മോശം കമന്റുകളെ കുറിച്ച് അശ്വതി പറഞ്ഞത്. ചിലർക്ക് ഗ്ലാമറസ് ഫോട്ടോ ഷൂട്ടുകൾ ഇഷ്ടമല്ല. ചിലർക്ക് നാടൻ പെൺകുട്ടികളെയാണ് ഇഷ്ടം. വീട്ടിൽ അച്ഛനും അമ്മയുമായി ഒരു പ്രശ്നവുമില്ലെങ്കിലും ഞങ്ങളുടെ അടുത്ത ബന്ധുക്കളുടെ എതിർപ്പുണ്ട്. കുടുംബത്തിലുള്ളവർ ഇത്തരം കമന്റുകളുമായി വരാറുണ്ടെന്നും അശ്വതി പറയുന്നു. അടുത്തിടെ ഞാൻ റെഡ് കാർപെറ്റ് തീമിൽ ഒരു…

കോട്ടയം: കോട്ടയം മെഡിക്കൽ കോളേജില്‍ അപൂർവ ശസ്ത്രക്രിയ നടത്തി ചരിത്ര വിജയം നേടി. മെഡിക്കല്‍ കോളേജുകളിലെ ഓറൽ ആൻഡ് മാക്‌സിലോഫേഷ്യൽ സർജറി വിഭാഗം (ഒഎംഎഫ്എസ്) സർക്കാർ മെഡിക്കൽ കോളേജിലെ ആദ്യത്തെ അതിസങ്കീർണ്ണമായ കീഴ്ത്താടിയെല്ലിന്റെ ജോയിന്റ് റീപ്ലേസ്‌മെന്റ് ശസ്ത്രക്രിയ വിജയകരമായി പൂർത്തിയാക്കി. കോട്ടയം സ്വദേശിയായ 56കാരനാണ് മെഡിക്കൽ കോളജിൽ അപൂർവ ശസ്ത്രക്രിയ നടത്തിയത്. ശസ്ത്രക്രിയയ്ക്കു ശേഷം രോഗി സുഖം പ്രാപിച്ചു വരുന്നതായി ആശുപത്രി അധികൃതര്‍ പറഞ്ഞു. ശസ്ത്രക്രിയയ്ക്ക് നേതൃത്വം നൽകിയ മുഴുവൻ സംഘത്തെയും ആരോഗ്യമന്ത്രി വീണാ ജോർജ് അഭിനന്ദിച്ചു. കീഴ്ത്താടിയില്‍ ക്യാൻസർ ബാധിച്ചതിനെത്തുടർന്ന്, കീഴ്ത്താടിയെല്ലും അതിന്റെ സന്ധിയും ശസ്ത്രക്രിയയിലൂടെ നീക്കം ചെയ്യുകയും പകരം കൃത്രിമ സന്ധി വെച്ചു പിടിപ്പിക്കുകയും ചെയ്തു. അര്‍ബുദം ബാധിച്ച താടിയെല്ല് എടുത്ത് കളഞ്ഞാല്‍ കവിള്‍ ഒട്ടിയിരിക്കും. ഭക്ഷണം കഴിക്കാനും ബുദ്ധിമുട്ടായിരിക്കും. അതിനാലാണ് കൃത്രിമ സന്ധി വച്ചുപിടിപ്പിക്കുന്നതിന്‍റെ സാധ്യത ആരാഞ്ഞത്. ചെന്നൈയിലെ ലാബില്‍ സിടി സ്‌കാന്‍…

ബ്രസൽസ് : മഹ്‌സ അമിനിയുടെ മരണത്തെത്തുടർന്ന് രാജ്യത്ത് നടക്കുന്ന പ്രതിഷേധത്തിനിടെ ഇറാനിയൻ സ്ത്രീകൾക്ക് ഐക്യദാർഢ്യം പ്രഖ്യാപിച്ച് പാർലമെന്റിൽ നടന്ന ചർച്ചയ്ക്കിടെ യൂറോപ്യൻ നിയമനിർമ്മാതാവ് തന്റെ തലമുടി മുറിച്ചു. സ്ട്രാസ്ബർഗിൽ നടന്ന യൂറോപ്യൻ യൂണിയൻ സംവാദത്തെ അഭിസംബോധന ചെയ്തുകൊണ്ട് സ്വീഡിഷ് രാഷ്ട്രീയക്കാരി അബിർ അൽ സഹ്‌ലാനി പറഞ്ഞു, “ഞങ്ങളും യൂറോപ്യൻ യൂണിയനിലെ ജനങ്ങളും പൗരന്മാരും ഇറാനിൽ സ്ത്രീകൾക്കും പുരുഷന്മാർക്കും എതിരായ എല്ലാ അക്രമങ്ങളും നിരുപാധികവും ഉടനടി അവസാനിപ്പിക്കണമെന്ന് ആവശ്യപ്പെടുന്നു.” “ഇറാനിലെ സ്ത്രീകൾ സ്വതന്ത്രരാകും വരെ ഞങ്ങൾ നിങ്ങളോടൊപ്പം നിൽക്കും,” യൂറോപ്യൻ പാർലമെന്റ് അംഗങ്ങൾക്ക് മുന്നിൽ ഒരു ജോടി കത്രിക ഉപയോഗിച്ച് മുടി മുറിക്കുന്നതിനിടയിൽ അൽ സഹ്‌ലാനി തന്റെ ട്വിറ്റർ ഹാൻഡിൽ പോസ്റ്റ് ചെയ്ത വീഡിയോയിൽ പറയുന്നു. നോർവേ ആസ്ഥാനമായുള്ള ഇറാൻ ഹ്യൂമൻ റൈറ്റ്‌സ് (ഐഎച്ച്ആർ) എൻജിഒയുടെ കണക്കനുസരിച്ച് മഹ്‌സ അമിനിയുടെ മരണത്തിൽ രാജ്യവ്യാപകമായി നടന്ന പ്രതിഷേധത്തിൽ നൂറിലധികം പേർ…

കൊല്ലം: സ്വന്തം മനസ്സിന്റെ മേൽ നേടുന്ന വിജയമാണ് ഏറ്റവും മഹത്തരമെന്നും അങ്ങനെയുള്ള വിജയമാണ് വിജയദശമിയുടെ സന്ദേശമെന്നും മാതാ അമൃതാനന്ദമയി ദേവി പറഞ്ഞു. ഉള്ളിലെ അധമ പ്രകൃതിയെ ജയിച്ച് നമ്മുടെ ദിവ്യസ്വരൂപത്തെ സാക്ഷാത്കരിക്കുന്ന അവസരമാണ് വിജയദശമിയെന്നും ഇത് സദാസമയവും നമ്മുടെയുളളിൽ സംഭവിക്കേണ്ടതാണെന്നും അമൃതപുരിയിൽ വിജയദശമി ആഘോഷത്തിൽ നടത്തിയ അനുഗ്രഹ പ്രഭാഷണത്തിൽ മാതാ അമൃതാനന്ദമയി ദേവി പറഞ്ഞു. അമൃതപുരി ആശ്രമത്തിലെ പ്രധാന ഹാളിൽ നടന്ന വിജയദശമി ആഘോഷങ്ങളുടെ ഭാഗമായി വിവിധ കലാപരിപാടികളും ഭജനയും അരങ്ങേറി. രാവിലെ നടന്ന വിദ്യാരംഭ ‘ ചടങ്ങിൽ നിരവധി കുരുന്നുകൾക്ക് മാതാ അമൃതാനന്ദമയി ദേവി ആദ്യക്ഷരം കുറിച്ചു. 300 ഓളം പേർ ചേർന്ന് ഒരേ സമയം നടത്തിയ തബല വാദനവും ശ്രദ്ധേയമായി. മാതാ അമൃതാനന്ദമയി മഠത്തിലെ അന്തേവാസികളും വിദ്യാർത്ഥികളുമടങ്ങുന്ന സംഘമാണ് മണിക്കൂറോളം നേരം തബല വായിച്ചത് . ബുധനാഴ്ച വൈകീട്ട് നടന്ന ഭജനയോടെ, അമൃതപുരിയിൽ ഒമ്പതു…