ഗുരുഗ്രാം: ഇരുന്നൂറിലധികം വരുന്ന ജനക്കൂട്ടം ഗ്രാമത്തിലെ മസ്ജിദ് അടിച്ചുതകർക്കുകയും അകത്ത് പ്രാർത്ഥിച്ചുകൊണ്ടിരുന്നവരെ ആക്രമിക്കുകയും ഗ്രാമത്തിൽ നിന്ന് പുറത്താക്കുമെന്ന് ഭീഷണിപ്പെടുത്തുകയും ചെയ്തു. ബുധനാഴ്ച രാത്രി ഭോര കലൻ ഗ്രാമത്തിൽ നടന്ന സംഭവത്തിൽ പോലീസ് എഫ്‌ഐആർ രജിസ്റ്റർ ചെയ്തിട്ടുണ്ട്. എന്നാൽ, വ്യാഴാഴ്ച വൈകുന്നേരം വരെ ആരെയും അറസ്റ്റ് ചെയ്തിട്ടില്ല. സുബേദാർ നജർ മുഹമ്മദ് നൽകിയ പരാതി പ്രകാരം, ഭോര കാലൻ ഗ്രാമത്തിൽ നാല് മുസ്ലീം കുടുംബങ്ങളാണുള്ളത്. ബുധനാഴ്ച രാവിലെ രാജേഷ് ചൗഹാൻ എന്ന ബാബു, അനിൽ ബഡോറിയ, സഞ്ജയ് വ്യാസ് എന്നിവരുടെ നേതൃത്വത്തിൽ ഇരുന്നൂറോളം പേരടങ്ങുന്ന ഒരു ജനക്കൂട്ടം പള്ളി വളയുകയും പ്രാർത്ഥനാ ഹാളിൽ പ്രവേശിച്ച് ഗ്രാമത്തിൽ നിന്ന് പുറത്താക്കുമെന്ന് ഭീഷണിപ്പെടുത്തുകയും ചെയ്തതോടെയാണ് സംഘർഷം ആരംഭിച്ചതെന്ന് അദ്ദേഹം പറഞ്ഞു. രാത്രി വീണ്ടും ഞങ്ങൾ പള്ളിയിലെ പ്രാർത്ഥനാ ഹാളിൽ പ്രാർത്ഥിച്ചുകൊണ്ടിരിക്കുമ്പോള്‍ ജനക്കൂട്ടം വന്ന് നമസ്ക്കരിച്ചുകൊണ്ടിരുന്നവരെ ആക്രമിക്കുകയും പ്രാർത്ഥനാ ഹാൾ പൂട്ടുകയും ചെയ്തു.…
ഗുരുഗ്രാമിൽ ആൾക്കൂട്ടം പള്ളി അടിച്ചു തകര്‍ത്തു; നമസ്ക്കരിച്ചുകൊണ്ടിരുന്നവരെ ആക്രമിച്ചു; ഗ്രാമത്തില്‍ നിന്ന് പുറത്താക്കുമെന്ന് ഭീഷണിപ്പെടുത്തി
