Day: November 12, 2022

തിരുവനന്തപുരം: 27ാമത് ഐഎഫ്എഫ്‌കെയുടെ ഡെലിഗേറ്റ് രജിസ്‌ട്രേഷൻ വെള്ളിയാഴ്ച തുടങ്ങി. ഡിസംബർ 9 മുതൽ 16 വരെ തിരുവനന്തപുരത്താണ് മേള. www.iffk.in എന്ന വെബ്സൈറ്റിൽ നൽകിയിരിക്കുന്ന ലിങ്ക് വഴി ഡെലിഗേറ്റ് രജിസ്ട്രേഷൻ നടത്താം. ജനറൽ വിഭാഗത്തിന് 1000 രൂപയും വിദ്യാർത്ഥികൾക്ക് 500 രൂപയുമാണ് ഡെലിഗേറ്റ് ഫീസ്. മേളയുടെ പ്രധാന വേദിയായ ടാഗോർ തിയേറ്ററിലെ ഡെലിഗേറ്റ് സെൽ വഴിയും നേരിട്ട് രജിസ്‌ട്രേഷൻ നടത്താം. മേളയിൽ വിവിധ രാജ്യങ്ങളിൽനിന്നുള്ള 180 ഓളം ചിത്രങ്ങൾ പ്രദർശിപ്പിക്കും. 14 തിയേറ്ററുകളിലായാണ് പ്രദർശനം. ഏഷ്യൻ, ആഫ്രിക്കൻ, ലാറ്റിനമേരിക്കൻ രാജ്യങ്ങളിൽനിന്നുള്ള സിനിമകളുടെ അന്താരാഷ്ട്ര മത്സരവിഭാഗം, സമകാലിക ചലച്ചിത്രാചാര്യന്മാരുടെ ഏറ്റവും പുതിയ സിനിമകൾ, മുൻനിര ചലച്ചിത്രമേളകളിൽ അംഗീകാരങ്ങൾ നേടിയ സിനിമകൾ എന്നിവ ഉൾപ്പെടുന്ന ലോക സിനിമാ വിഭാഗം, ഇന്ത്യൻ സിനിമ ഇപ്പോൾ, മലയാളം സിനിമ ഇന്ന്, മാസ്റ്റേഴ്‌സിന്റെ വിഖ്യാത ചിത്രങ്ങൾ ഉൾപ്പെടുത്തിയ റെട്രോസ്‌പെക്ടീവ് വിഭാഗം, ഹോമേജ് വിഭാഗം എന്നീ…

ഷെബി ചൗക്കട്ട് സംവിധാനം ചെയ്ത “കാക്കിപ്പട” സമകാലിക സംഭവങ്ങളുമായി വളരെ പ്രസക്തമായ ഒരു വിഷയമാണ്. പോസ്റ്റ്-പ്രൊഡക്ഷൻ സമയത്ത് പ്രസിദ്ധീകരിച്ച ചില വാർത്തകളുമായി ഈ കഥയ്ക്ക് അടുത്ത ബന്ധമുണ്ടെന്ന് അറിഞ്ഞതോടെ ഈ ചിത്രത്തിന്റെ അണിയറപ്രവർത്തകർ അങ്കലാപ്പിലാണ്. യഥാർത്ഥത്തിൽ സംഭവിച്ചതിനേക്കാൾ ഒരു പടി മുകളിലാണ് സിനിമയെന്ന് തിരക്കഥാകൃത്തും സംവിധായകനുമായ ഷെബി ചൗക്കത്ത് അഭിപ്രായപ്പെട്ടു. പ്ലസ് ടു, ബോബി എന്നീ ചിത്രങ്ങൾക്ക് ശേഷം ഷെബി ചൗക്കട്ട് രചനയും സംവിധാനവും നിർവ്വഹിക്കുന്ന “കാക്കിപ്പട” എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പ്രകാശനം ചെയ്യുന്ന ചടങ്ങിലാണ് അദ്ദേഹം ഈ അഭിപ്രായം പ്രകടിപ്പിച്ചത്. എസ് വി പ്രൊഡക്ഷൻ സിന്റയുടെ ബാനറിൽ ഷെജി വലിയകത്ത് നിർമ്മിച്ചിരിക്കുന്ന “കാക്കിപ്പട” പൂർണ്ണമായും ത്രില്ലർ മൂഡിലാണ് അവതരിപ്പിച്ചിരിക്കുന്നത്. തെളിവെടുപ്പിനായി കൊണ്ടുവരുന്ന ഒരു പ്രതിയെ അനുഗമിക്കേണ്ട സായുധരായ എട്ട് പോലീസ് ഉദ്യോഗസ്ഥരുടെ കഥയാണ് ചിത്രം പറയുന്നത്. പോലീസുകാരുടെയും പ്രതികളുടെയും മാനസികാവസ്ഥയും രാജ്യത്തോടുള്ള അവരുടെ…

കണ്ണൂര്‍ : അമിതമായി മൊബൈല്‍ ഫോണ്‍ ഉപയോഗിക്കുന്നത് ശ്രദ്ധയില്‍ പെട്ട വീട്ടുകാര്‍ അതേക്കുറിച്ച് ചോദ്യം ചെയ്തത് ഇഷ്ടപ്പെടാതെ വിദ്യാര്‍ത്ഥിനി ആത്മഹത്യ ചെയ്തു. കണ്ണൂർ ആലക്കോട് സ്വദേശി ബിജു-ലിസ ദമ്പതികളുടെ മകൾ ഫ്രാഡിൽ മരിയയാണ് മരിച്ചത്. വിഷം കുടിച്ചതിനെ തുടർന്ന് ഗുരുതരാവസ്ഥയിലായ മരിയയെ ആശുപത്രിയില്‍ പ്രവേശിപ്പിച്ചിരുന്നു. ലാബ് ടെക്നീഷ്യൻ വിദ്യാർത്ഥിനിയായിരുന്നു. അമിതമായി ഫോൺ ഉപയോഗിക്കുന്നത് വീട്ടുകാർ വിലക്കിയതിനെ തുടർന്ന് മൂന്ന് ദിവസം മുമ്പാണ് വീട്ടിൽ വെച്ച് എലിവിഷം കഴിച്ചത്. ഇതേത്തുടർന്ന് പരിയാരം മെഡിക്കൽ കോളേജിൽ പ്രവേശിപ്പിച്ചു. എന്നാല്‍, ചികിത്സയിലിരിക്കെ ഇന്ന് വൈകുന്നേരമാണ് മരിച്ചത്.

മെഗാസ്റ്റാർ ചിരഞ്ജീവി കൊനിഡേലയ്‌ക്കൊപ്പമുള്ള ചിത്രം സോഷ്യൽ മീഡിയയിൽ പങ്കുവെച്ച് നടിയും മോഡലുമായ ഉർവശി റൗട്ടേല. ഇൻസ്റ്റാഗ്രാമിലൂടെയാണ് നടി ചിത്രം പങ്കുവെച്ചത്. തിളങ്ങുന്ന പിങ്ക് പാന്റുമായി ജ്വലിക്കുന്ന ഓറഞ്ച് ഷർട്ടിലും ചിരഞ്ജീവി വെളുത്ത ടി-ഷർട്ടും കറുത്ത ജീൻസും ധരിച്ച് താര ജോഡികളായി കാണപ്പെട്ടു. സംവിധായകൻ ബോബി കൊല്ലിയുടെ വരാനിരിക്കുന്ന ആക്ഷൻ എന്റർടെയ്‌നർ ‘വാൾട്ടർ വീരയ്യ’യിൽ ചിരഞ്ജീവിയും രവി തേജയും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിലാണ് ഉർവ്വശി അഭിനയിക്കുന്നത്. ഉർവ്വശിയെ അവതരിപ്പിക്കുന്ന ഒരു പ്രത്യേക ഗാനം ചിത്രത്തിലുണ്ടാകും. ഒരു കൊമേഴ്സ്യല്‍ സിനിമയ്ക്കു വേണ്ട എല്ലാ ചേരുവകളും ഉൾക്കൊള്ളുന്ന ഒരു മാസ്-ആക്ഷൻ എന്റർടെയ്‌നറായി ബിൽ ചെയ്തിരിക്കുന്ന ഈ ചിത്രം നവീൻ യേർനേനിയും വൈ. രവിശങ്കറും ചേർന്നാണ് നിര്‍മ്മിക്കുന്നത്. ജി കെ മോഹൻ സഹനിർമ്മാതാവാണ്. ആർതർ എ വിൽസൺ ക്യാമറ ചലിപ്പിക്കുമ്പോൾ, നിരഞ്ജൻ ദേവരാമന്‍ എഡിറ്ററും, എ എസ് പ്രകാശ് പ്രൊഡക്ഷൻ ഡിസൈനറും,…

കോഴിക്കോട്: അവകാശം, ആത്മാഭിമാനം, സാമൂഹിക നീതി എന്ന ആശയങ്ങളെ അടിസ്ഥാനമാക്കി ന്യായമായ പങ്കാളിത്തവും പ്രാതിനിധ്യവും എന്ന തലക്കെട്ടിൽ മൂവ്മെൻറ് സംസ്ഥാന കമ്മിറ്റി കോഴിക്കോട് അൽ ഹറമൈൻ ഇംഗ്ലീഷ് സ്കൂളിൽ വെച്ച് നടത്തുന്ന റിസർവേഷൻ സമ്മിറ്റ് ആരംഭിച്ചു. സംവരണത്തെ ആധികാരികമായി വിശകലനം ചെയ്യുന്ന ഇന്ത്യയിലെ ആദ്യത്തെ പരിപാടിയായ റിസർവേഷൻ സമ്മിറ്റ് യു ജി സി മുൻ ചെയർമാൻ ഡോ. സുഗതോ തൊറാട്ട് ഉദ്ഘാടനം നിർവഹിച്ചു. സംവരണത്തെ കുറിച്ചുള്ള പൊതു ധാരണകൾ എത്രമാത്രം ദുർബലമാണെന്ന് തൊറാട്ട് വ്യക്തമാക്കി. പൊതുമേഖലയിൽ മാത്രമല്ല സ്വകാര്യ വിദ്യാഭ്യാസ, ഉദ്യോഗ മേഖലകളിലും സംവരണം സ്ഥാപിച്ചെടുക്കേണ്ടതുണ്ട് എന്ന് അദ്ദേഹം അഭിപ്രായപ്പെട്ടു. നിർഭാഗ്യവശാൽ ഇന്ത്യയിലെ വൈവിധ്യങ്ങൾ പോലും വിവേചന വൽക്കരിക്കപ്പെട്ടിരിക്കുന്നു എന്ന് വിലയിരുത്തുകയുണ്ടായി. ഇന്ത്യയിലെ രാഷ്ട്രീയ പാർട്ടികൾക്കും സംഘടനകൾക്കും സംവരണത്തെ അഡ്രസ്സ് ചെയ്യുവാനുള്ള ധൈര്യമില്ല. നിലവിൽ ഉണ്ടായിട്ടുള്ള സാഹചര്യത്തെ മറികടക്കാൻ ഇന്ത്യയിൽ ഓൾ ഇന്ത്യ കാസ്റ്റ് മൂവ്മെൻറ് കൊണ്ട്…