തൃശൂര്‍: സ്പോട്ട് അഡ്മിഷനുമായി ബന്ധപ്പെട്ട പ്രശ്നത്തില്‍ ഗവ. ലോ കോളജ് പ്രിന്‍സിപ്പാളിനെ കെ.എസ്.യു നേതാക്കള്‍ പൂട്ടിയിട്ടു. പ്രിന്‍സിപ്പാള്‍ മേഴ്സി തെക്കേക്കരയെയാണ് വിദ്യാര്‍ഥികള്‍ പൂട്ടിയിട്ടത്. വിവരം അറിയിച്ചത് അനുസരിച്ച് പൊലീസ് എത്തി മുറി തുറന്നു. പ്രിന്‍സിപ്പളിനെ പുട്ടിയിട്ട കെ.എസ്.യു യൂനിറ്റ് ഭാരവാഹികളായ നിഖില്‍ ദാമോദരന്‍, വിഷ്ണുപ്രസാദ് എന്നിവരെ കോളജ് അങ്കണത്തില്‍ നിന്നും പുറത്താക്കിയാണ് സ്പോട്ട് അഡ്മിഷന്‍ നടപടികള്‍ പൂര്‍ത്തീകരിച്ചത്.

അവശേഷിച്ച നാല് സീറ്റുകള്‍ക്ക് വേണ്ടിയാണ് അഡ്മിഷന്‍ നടന്നത്. രാവിലെ 10 മുതല്‍ അഞ്ചുവരെയാണ് അഡ്മിഷന്‍ സമയം. ഈ സമയത്തിനുള്ള എത്തുന്ന യോഗ്യത സര്‍ട്ടിഫിക്കറ്റുകള്‍ ശെകവശമുള്ള അര്‍ഹരായവര്‍ക്കാണ് അഡ്മിഷന്‍ നല്‍കേണ്ടത്. രാവിലെ എത്തിയവരില്‍ നിന്ന് മാര്‍ക്കിന്‍െറയും മറ്റും അടിസ്ഥാനത്തില്‍ പ്രിന്‍സിപ്പള്‍ ലിസ്റ്റ് തയാറാക്കി. തുടര്‍ന്ന് ലിസ്റ്റില്‍ ഉള്‍പ്പെട്ട സര്‍ട്ടിഫിക്കറ്റുകളും മറ്റും കൈവശമുണ്ടായിരുന്ന മൂന്ന് പേര്‍ക്ക് അഡ്മിഷനും നല്‍കി. നാലമാനായ കുട്ടിക്ക് യോഗ്യത ഉണ്ടായിരുന്നുവെങ്കിലും സര്‍ട്ടിഫിക്കറ്റുകള്‍ കൈവശം ഉണ്ടായിരുന്നില്ല. വൈകീട്ട് അഞ്ചിന് ഓഫീസ് സമയം അവസാനിച്ചിട്ടും മജിസ്ട്രേറ്റിന്‍െറ മകനായ ഈ കുട്ടിക്കായി പ്രിന്‍സിപ്പാള്‍ കാത്തിരുന്നതാണ് പ്രശ്നത്തിന് ഇടയാക്കിയത്.

അഞ്ചുമണി കഴിഞ്ഞിട്ടും ഇയാളെ കാത്തിരുന്നതിനെതിരെ തുടര്‍ന്ന് ലിസ്റ്റിലുള്ള കുട്ടിയും ഇവരും ചോദ്യം ചെയ്തു. തുടര്‍ന്ന് രണ്ട് മണിക്കുര്‍ കഴിഞ്ഞിട്ടും ഓഫീസ് നടപടിയുമായി മുന്നോട്ട് പോയ പ്രിന്‍സിപ്പാളിനെ പൂട്ടിയിടുകയായിരുന്നു.

പൊലീസിന്‍െറ സാന്നിധ്യത്തില്‍ നിഖില്‍ ദാമോധരനെയും വിഷ്ണുപ്രസാദിനെയും കാമ്പസില്‍ നിന്ന് പുറത്താക്കിയ ശേഷം മജിസ്ട്രേറ്റിന്‍െറ കുട്ടിക്ക് അഡ്മിഷന്‍ നല്‍കിയെന്നാണ് നേതാക്കള്‍ ആരോപിച്ചു. ഈ വിഷയത്തില്‍ നിയമപരമായി നടപിടി എടുക്കുമെന്നും ഇരുവരും വ്യക്തമാക്കി.