തിരുവനന്തപുരം: കെ.എം മാണി രാജിവെച്ച് ജുഡീഷ്യല്‍ അന്വേഷണം നേരിടണമെന്ന് സി.പി.ഐ സംസ്ഥാന സെക്രട്ടറി പന്ന്യന്‍ രവീന്ദ്രന്‍. മാണിയുടെ രാജി ആവശ്യപ്പെട്ട് പ്രക്ഷോഭം ആരംഭിക്കുമെന്നും പന്ന്യന്‍ അറിയിച്ചു.

ബാര്‍ വിഷയത്തില്‍ കോഴ ആരോപണം ഉയര്‍ന്ന സാഹചര്യത്തില്‍ കെ.എം മാണി രാജിവെക്കണം. യു.ഡി.എഫ് കോഴ മുന്നണിയായിരിക്കുകയാണ്. കേരളത്തിന്റെ സാമ്പത്തിക സ്ഥിതി കെ.എം മാണി തകര്‍ത്തു. നികുതി പിരിവ് കാര്യക്ഷമമായി നടക്കുന്നില്ല. പാവപ്പെട്ടവനുമേല്‍ അനാവശ്യമായി നികുതി ചുമത്തുന്നു.

മദ്യനിരോധനം നടപ്പാക്കാന്‍ ശ്രമിക്കുന്നത് കോഴ വാങ്ങാനാണോ എന്ന് സംശയമുണ്ട്. മാണിയുടെ രാജി ആവശ്യപ്പെട്ട് ഈ മാസം 12ന് സെക്രട്ടേറിയേറ്റ് മാര്‍ച്ച് നടത്തുമെന്നും പന്ന്യന്‍ അറിയിച്ചു.