Flash News

21,75,089 കുഞ്ഞുങ്ങള്‍ക്ക് പള്‍സ് പോളിയോ നല്‍കി

January 19, 2015 , സ്വന്തം ലേഖകന്‍

helth_2015jan13ha2തിരുവനന്തപുരം: സംസ്ഥാനത്ത് പള്‍സ് പോളിയോ ഇമ്യൂണൈസേഷന്‍െറ ഭാഗമായുള്ള ഒന്നാംഘട്ട തുള്ളിമരുന്ന് വിതരണം നടന്നു. അഞ്ചു വയസ്സിന് താഴെയുള്ള 21,75,089 കുഞ്ഞുങ്ങള്‍ക്ക് തുള്ളി മരുന്ന് നല്‍കി. 30 ലക്ഷം കുഞ്ഞുങ്ങള്‍ക്കാണ് മരുന്ന് നല്‍കാന്‍ തീരുമാനിച്ചിരുന്നത്. റെയില്‍വേ സ്റ്റേഷനുകള്‍, വിമാനത്താവളങ്ങള്‍, പ്രാഥമികാരോഗ്യ കേന്ദ്രങ്ങള്‍ എന്നിവിടങ്ങളിലടക്കം 22,000ത്തോളം ബൂത്തുകളാണ് തയാറാക്കിയത്.

പരിശീലനം ലഭിച്ച ആരോഗ്യ പ്രവര്‍ത്തകരുടെ നേതൃത്വത്തില്‍ രാവിലെ എട്ടുമുതല്‍ വൈകീട്ട് അഞ്ചുവരെയായിരുന്നു വിതരണം. സംസ്ഥാനത്തൊട്ടാകെ 71,698 സന്നദ്ധ പ്രവര്‍ത്തകരുടെ നേതൃത്വത്തില്‍ 21,371 ബൂത്തുകള്‍ സജ്ജീകരിച്ചിരുന്നു. കുട്ടികള്‍ വന്നുപോകാന്‍ ഇടയുള്ള എല്ലാ സ്ഥലങ്ങളിലുമായി 637 ട്രാന്‍സിറ്റ് ബൂത്തുകളും 580 മൊബൈല്‍ ബൂത്തുകളും പോളിയോ വിതരണത്തിന് പ്രവര്‍ത്തിച്ചു.

പള്‍സ് പോളിയോ ഇമ്യൂണൈസേഷന്‍ പരിപാടിയുടെ സംസ്ഥാനതല ഉദ്ഘാടനം തിരുവനന്തപുരം ഫോര്‍ട്ട് താലൂക്ക് ആശുപത്രിയില്‍ ആരോഗ്യമന്ത്രി വി.എസ്. ശിവകുമാര്‍ നിര്‍വഹിച്ചു.നഗരസഭാ ആരോഗ്യ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ എസ്. പുഷ്പലത അധ്യക്ഷത വഹിച്ചു. ആരോഗ്യവകുപ്പ് ഡയറക്ടര്‍ ഡോ. പി.കെ. ജമീല, കൗണ്‍സിലര്‍ എസ്. ഉദയലക്ഷ്മി, ഐ.എം.എ സംസ്ഥാന പ്രസിഡന്‍റ് ഡോ. ശ്രീജിത് എന്‍. കുമാര്‍, ജില്ലാ മെഡിക്കല്‍ ഓഫിസര്‍ ഡോ. കെ.എം. സിറാബുദ്ദീന്‍ എന്നിവര്‍ പങ്കെടുത്തു. രണ്ടാംഘട്ടം ഫെബ്രുവരി 22ന് നടക്കും.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top