മാഞ്ചി ബിജെപിയിലേക്കോ? മോഡിയുമായുള്ള കൂടിക്കാഴ്ചയ്ക്ക് മാഞ്ചി ഡല്‍ഹിയില്‍

.wന്യൂഡല്‍ഹി: ബീഹാര്‍ രാഷ്ട്രീയത്തില്‍ മാറ്റങ്ങളുണ്ടാകുമെന്ന് വ്യക്തമായ സൂചനകള്‍ നല്‍കി ജെ.ഡി.യു പുറത്താക്കിയ ബീഹാര്‍ മുഖ്യമന്ത്രി ജീതന്‍ റാം മാഞ്ചി പ്രധാനമന്ത്രി നരേന്ദ്ര മോഡിയുമായി കൂടിക്കാഴ്ച നടത്തുന്നതിനായി ഡല്‍ഹിയിലെത്തി. നീതി ആയോഗിന്റെ പ്രഥമ യോഗത്തില്‍ പങ്കെടുക്കാനാണ് മാഞ്ചി ഡല്‍ഹിയില്‍ എത്തിയതെങ്കിലും ബിജെപി നേതാക്കളെ കാണാന്‍ മാഞ്ചി തയ്യറാകുന്നു എന്നുള്ള റിപ്പോര്‍ടുകള്‍ക്ക് വലിയ പ്രാധാന്യമുണ്ട്.

ഇന്നലെ രാത്രിയിലാണ്‌ മാഞ്ചി ഡല്‍ഹിയിലെത്തിയത്‌. ബിജെപി നേതാക്കളുമായി കൂടിക്കാഴ്‌ച നടക്കുമോ എന്ന കാര്യത്തില്‍ മാഞ്ചി ഇതുവരെ മനസു തുറന്നിട്ടില്ല. അതേസമയം നിയമസഭാകക്ഷി നേതൃസ്‌ഥാനത്തു നിന്ന്‌ ജെഡിയു പുറത്താക്കിയെങ്കിലും മാഞ്ചി ഔദ്യോഗികമായി രാജി പ്രഖ്യാപിച്ചിട്ടില്ല. നിതീഷ്കുമാറിന്റെ നേതൃത്വത്തില്‍ സര്‍ക്കാരുണ്ടാക്കാന്‍ ജെഡിയു നീക്കം തുടങ്ങിയതോടെ ബിജെപിയെ കൂട്ട് പിടിച്ച് സര്‍ക്കാരുണ്ടാക്കാനാണ് മാഞ്ചി നീക്കം നടത്തുന്നത്.

അതേസമയം ദളിത്‌ നേതാവിനെ ചാക്കിടാന്‍ ബിജെപി ഒരുങ്ങിക്കഴിഞ്ഞതായും വിവരമുണ്ട്‌. മഹാദളിത് വിഭാഗക്കാരനായ മാഞ്ചിയെ ഒപ്പം നിര്‍ത്തിയാല്‍ ബീഹാറില്‍ നേട്ടമുണ്ടാക്കാമെന്നാണ് ബിജെപി കണക്കുകൂട്ടുന്നത്. തന്റെ കൂടെയുള്ള എം‌എല്‍‌എമാരുമായി മാഞ്ചി ബിജെപിയില്‍ ചേരുമോ എന്നാണ് ഇനി കണ്ടറിയേണ്ടിയിരിക്കുന്നത്.

Print Friendly, PDF & Email

Please like our Facebook Page https://www.facebook.com/MalayalamDailyNews for all daily updated news

Leave a Comment