ന്യൂയോര്‍ക്ക്: ഇന്ത്യാസ് ഡോട്ടര്‍ (ഇന്ത്യയുടെ പുത്രി) ഇന്ന് അമേരിക്കയില്‍ പ്രദര്‍ശിപ്പിക്കും. ഓസ്‌ക്കാര്‍ ജേതാക്കളായ മെര്‍ലിന്‍ സ്ട്രീപ്പും, ഫ്രീദ പിന്റോയും പ്രകാശന ചടങ്ങില്‍ പങ്കെടുക്കും. ഇന്ത്യയില്‍ ഡോക്യുമെന്ററി നിരോധിച്ച സാഹചര്യത്തിലാണ് പിന്തുണയറിച്ച് ഇവര്‍ പ്രകാശന ചടങ്ങിനെത്തുന്നത്. ഇന്ത്യയുടെ എതിര്‍പ്പ് മറി കടന്ന് ഈ മാസം നാലിന് ഡോക്യുമെന്ററി ബ്രിട്ടന്‍ സംപ്രേഷണം ചെയ്തിരുന്നു. സ്വിറ്റ്‌സര്‍ലന്‍ഡ്, കാനഡ, നോര്‍വേ തുടങ്ങിയ രാജ്യങ്ങളിലും ഡോക്യുമെന്ററി ഉടന്‍ തന്നെ പ്രദര്‍ശിപ്പിക്കും.

അതേസമയം ഡോക്യുമെന്ററിക്കെതിരെ പീഡനത്തിന് ഇരയായ പെണ്‍കുട്ടിയുടെ മാതാപിതാക്കള്‍ രംഗത്തെത്തി. ഡോക്യുമെന്ററിയുടെ അന്തിമഭാഗം തങ്ങളെ കാണിച്ചിട്ടില്ലെന്ന് ചൂണ്ടിക്കാട്ടിയാണ് ഇവര്‍ സംപ്രേഷണത്തെ എതിര്‍ക്കുന്നത്. മകളെ അപകീര്‍ത്തിപ്പെടുത്തുന്ന വിധത്തിലുള്ള പ്രതിയുടെ വാക്കുകള്‍ക്കെതിരെയും ഇവര്‍ ശക്തമായ പ്രതിഷേധമറിയിച്ചിരുന്നു.