തിരുവനന്തപുരം: നിയമസഭയ്ക്കു അകത്തും പുറത്തും സംഘര്‍ഷം. ഇടത് ഉപരോധം അക്രമത്തിലേക്കു കടക്കുന്നതായി സൂചന. പ്രവര്‍ത്തകര്‍ ബാരിക്കേഡുകള്‍ തകര്‍ക്കാൻ ശ്രമിച്ചു. പൊലീസ് ലാത്തി ചാര്‍ജ് നടത്തി. കണ്ണീര്‍ വാതക ഷെല്ലുകള്‍ പ്രയോഗിച്ചു. പിഎന്‍ജി ജംഗഷനില്‍ വന്‍ സംഘര്‍ഷമാണ് നടക്കുന്നത്.

പിണറായി വിജയന്‍ അടക്കുമുള്ള നേതാക്കളെ പ്രവര്‍ത്തകര്‍ മുന്‍ നിരയില്‍ നിന്നും മാറ്റി. എന്നാല്‍ സിപിഎമ്മിന്‍റെ ജില്ലാ നേതാക്കളടക്കം സമരത്തിന്‍റെ മുന്‍ നിരയിലുണ്ട്. പൊലീസ് ലാത്തി ചാര്‍ജ് തുടരുകയാണ്. സമാധാനപരമായി സമരം ചെയ്യണമെന്നു നേതാക്കള്‍ പ്രവര്‍ത്തകരോട് ആവശ്യപ്പെട്ടു.

കല്ലേറ് അവസാനിപ്പിക്കണമെന്നു നിര്‍ദേശം. എന്നാല്‍ നിയമസഭയ്ക്ക് പുറത്ത് സംഘര്‍ഷം തുടരുകയാണ് യുവനേതാക്കള്‍ക്കും പ്രവര്‍ത്തകര്‍ക്കും പരിക്കേറ്റിട്ടുണ്ട്. രണ്ടുതവണ പിരിഞ്ഞുപോ‍യ പ്രവര്‍ത്തകര്‍ പിന്നീട് കൂട്ടമായി എത്തി പൊലീസിനു നേരെ കല്ലേറു നടത്തുകയായിരുന്നു.