ന്യൂജെഴ്‌സി: അനുഗ്രഹീത വചനപ്രഘോഷകനും, അറിയപ്പെടുന്ന ധ്യാനഗുരുവും, കപ്പൂച്ചന്‍ സഭാംഗവുമായ ബഹു. ഫാ. അലക്സ് വാച്ചാപ്പറമ്പില്‍ നയിക്കുന്ന ത്രിദിന നോമ്പുകാല കുടുംബ നവീകരണ ധ്യാനം സോമര്‍സെറ്റ് സെന്റ് തോമസ് സീറോ മലബാര്‍ കാത്തലിക് ഫോറോനാ ദേവാലയത്തില്‍ മാര്‍ച്ച് 27, 28, 29 തിയ്യതികളിലായി നടത്തപ്പെടുന്നു.

മാര്‍ച്ച് 27-ാം തിയ്യതി വെള്ളിയാഴ്ച വൈകീട്ട് 7 മണിക്കുള്ള കുരിശിന്റെ വഴിയും, വിശുദ്ധ യുദാശ്ലീയായുടെ നെവേനയും തുടര്‍ന്ന് 7:30നുള്ള വിശുദ്ധ ദിവ്യബലിയോടെ ആദ്യ ദിവസത്തെ ധ്യാനത്തിന് തുടക്കം കുറിക്കും.

മാര്‍ച്ച് 28-ാം തിയ്യതി ശനിയാഴ്ച 9 മണിക്കുള്ള വിശുദ്ധ ദിവ്യബലിക്കുശേഷം 10 മണിമുതല്‍ രണ്ടാം ദിവസത്തെ ധ്യാനം വൈകീട്ട് 4 മണിയോടെ സമാപിക്കും.

മാര്‍ച്ച് 29-ാം തിയ്യതി ഞായറാഴ്ച രാവിലെ 9 മണിക്ക് ഓശാന തിരുനാളിന്റെ തിരുക്കര്‍മ്മങ്ങള്‍ നടക്കും. തുടര്‍ന്ന് ആഘോഷമായ ദിവ്യബലിക്കുശേഷം 10:30 മുതല്‍ ധ്യാനം ആരംഭിച്ച് വൈകീട്ട് 4:30ന് സമാപിക്കും.

കുടുംബനവീകരണം, ആത്മവിശുദ്ധീകരണം, രോഗശാന്തി എന്നീ മേഘലകളില്‍ വചനശുശ്രൂഷകള്‍ നടക്കും.

ചിക്കാഗോ സെന്റ് തോമസ് സീറോ മലബാര്‍ രൂപത അദ്ധ്യക്ഷന്‍ മാര്‍ ജേക്കബ് അങ്ങാടിയത്തിന്റെ കല്പന പ്രകാരം 2014 ഡിസംബര്‍ 25 മുതല്‍ 2015 ഡിസംബര്‍ 25 വരെ രൂപതയുടെ കീഴിലുള്ള ഇടവകകളിലും, മിഷനുകളിലും കുടുംബവര്‍ഷം ആചരിച്ചുവരുന്ന ഈ അവസരത്തില്‍ ദേവാലയത്തില്‍ നോമ്പിനോടനുബന്ധിച്ചു നടത്തപ്പെടുന്ന വാര്‍ഷിക ധ്യാനത്തില്‍ എല്ലാ ഇടവകാംഗങ്ങളും പങ്കെടുത്ത് ആത്മീയ ഉണര്‍‌വ്വ് നേടാന്‍ സ്നേഹപൂര്‍‌വ്വം സ്വാഗതം ചെയ്യുന്നതായി ബഹു. വികാരി ഫാ. തോമസ് കടുകപ്പിള്ളി അറിയിച്ചു.

നോമ്പിനോടനുബന്ധിച്ച് കുട്ടികള്‍ക്കും, യുവാക്കള്‍ക്കുമായുള്ള ധ്യാന ക്ലാസ്സുകള്‍ കഴിഞ്ഞ ദിവസങ്ങളിലായി ദേവാലയത്തില്‍ നടത്തപ്പെട്ടു.

കൂടുതല്‍ വിവരങ്ങള്‍ക്ക്: തോമസ് ചെറിയാന്‍ പടവില്‍ (ട്രസ്റ്റി) 908 906 1709, ടോം പെരുമ്പായില്‍ (ട്രസ്റ്റി) 646 326 3708, മിനേഷ് ജോസഫ് (ട്രസ്റ്റി) 201 978 9828, മേരിദാസന്‍ തോമസ് (ട്രസ്റ്റി) 201 912 6451.

വെബ്: www.stthomassyronj.org