Flash News

‘മിത്രാസ് നാട്യശ്രീ ഓഫ് അമേരിക്ക’ 2015 അവാര്‍ഡിന് അപേക്ഷ ക്ഷണിക്കുന്നു

April 1, 2015 , ജോര്‍ജ് തുമ്പയില്‍

DSC_0011അമേരിക്കയിലെ ഏറ്റവും മികച്ച ശാസ്ത്രീയ നൃത്തകലാകാരന്‍മാര്‍ക്കുള്ള ‘മിത്രാസ് നാട്യശ്രീ ഓഫ് അമേരിക്കാ’, പുരസ്‌കാരത്തിന് അപേക്ഷകള്‍ ക്ഷണിക്കുന്നതായി മിത്രാസ് ബോര്‍ഡ് മെംബേഴ്‌സ് അറിയിച്ചു.

അമേരിക്കയിലുള്ള കലാകാരന്‍മാരുടെ ശാസ്ത്രീയ നൃത്ത അഭിരുചിയെ വളര്‍ത്തുന്നതിന് ഏര്‍പ്പെടുത്തിയിരിക്കുന്ന ഈ അവാര്‍ഡിന് 2014ല്‍ തിരഞ്ഞെടുക്കപ്പെട്ടത് നാട്യശ്രീ സുനന്ദ നായരാണ്. കാഷ് അവാര്‍ഡും പ്രശസ്തിപത്രവും അടങ്ങിയ ഈ അവാര്‍ഡിന് 18 വയസിന് മുകളിലുള്ള, അമേരിക്കയില്‍ താമസിക്കുന്ന ഏതൊരാള്‍ക്കും അപേക്ഷ സമര്‍പ്പിക്കാവുന്നതാണ്. അപേക്ഷകര്‍ അവരുടെ ഭരതനാട്യം, മോഹിനിയാട്ടം, അഥവാ കുച്ചിപ്പുടി നൃത്തത്തിന്റെ വീഡിയോ സി ഡി അപേക്ഷയോടൊപ്പം നല്‍കേണ്ടതാണ്. അപേക്ഷാഫോറത്തിനും വിവരങ്ങള്‍ക്കും മിത്രാസിന്റെ ഫെയ്‌സ്ബുക് പേജായ mitrahs സന്ദര്‍ശിക്കുകയോ mitrahs.usa @gmail.com or mitrrahs.mitrahs.com എന്ന ഇമെയിലില്‍ ബന്ധപ്പെടുകയോ ചെയ്യുക. പൂരിപ്പിച്ച അപേക്ഷകള്‍ സ്വീകരിക്കുന്ന അവസാന തീയതി ജൂലൈ 15.

അമേരിക്കയിലുള്ള കലാകാരന്മാരെ വളര്‍ത്തികൊണ്ടുവരുന്നതിന് വേണ്ടി 2011ല്‍ സ്ഥാപിതമായ മിത്രാസ് ആര്‍ട്‌സ് ചുരുങ്ങിയ കാലംകൊണ്ട് തന്നെ നല്ലൊരു കലാസംഘടനയായി അമേരിക്കയില്‍ പേരെടുത്തു. ഇന്ത്യന്‍ കലകളുടെയും സംസ്‌കാരത്തിന്റെയും പ്രോത്സാഹനവും സമന്വയിപ്പിക്കലും പുരോഗതിയും ലക്ഷ്യമിടുന്ന മിത്രാസ്, കഠിന പരിശീലനത്തിലൂടെയും പ്രദര്‍ശനങ്ങളും പ്രോഗ്രാമുകളും അവതരിപ്പിക്കുകയും ചെയ്യുന്നതിലൂടെയും സമൃദ്ധമായ ഇന്ത്യന്‍ കലാപാരമ്പര്യത്തിന്റെ ദൃശ്യചാരുതയും പ്രാധാന്യവും ലോകത്ത് വെളിപ്പെടുത്തുവാന്‍ തങ്ങളുടെ സേവനങ്ങളെ സമര്‍പ്പിച്ചിരിക്കുന്നു.

പരമ്പരാഗതവും അതേസമയം സമകാലികവുമായ വ്യത്യസ്ത കലാരൂപങ്ങള്‍ക്കുവേണ്ടിയുള്ളൊരു ഷോകേസാണ് മിത്രാസ് ഒരുക്കുന്നത്. കലാകാരന്റെ കഴിവുകളെ പരിശീലിപ്പിക്കുകയും വെല്ലുവിളിക്കുകയും പ്രോത്സാഹിപ്പിച്ച് വളര്‍ത്തുകയുമൊക്കെ ചെയ്യുന്നതിലൂടെ അതിനെ ഊര്‍ജസ്വലമാക്കുക തങ്ങളുടെ കടമയാണെന്ന് മിത്രാസ് കരുതുന്നു.

Mitrahs2014DancerAwardPhotoCreditMargaretVerghese


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top