Flash News

ഐ.പി.സി ഫാമിലി കോണ്‍ഫറന്‍സ്‌ ഒരുക്കങ്ങള്‍ പുരോമിക്കുന്നു; രാജു തരകന്‍ മീഡിയ കോര്‍ഡിനേറ്റര്‍

April 6, 2015 , ജോയിച്ചന്‍ പുതുക്കുളം

imageഒക്കലഹോമ: പതിമൂന്നാമത്‌ ഐ.പി.സി ഫാമിലി കോണ്‍ഫറന്‍സിന്റെ ഒരുക്കങ്ങള്‍ പുരോഗമിക്കുന്നു. നോര്‍ത്ത്‌ അമേരിക്കയിലെ ഐ.പി.സി വിശ്വാസികളുടെ ദേശീയ സമ്മേളനമാണ്‌ ജൂലൈ 16 മുതല്‍ 19 വരെ ഒക്കലഹോമ, നോര്‍മന്‍ എംബസി സ്യൂട്ടില്‍ നടക്കുന്നത്‌. ഇന്ത്യയില്‍ നിന്നു കടന്നുവരുന്ന പാസ്റ്റര്‍ പ്രതാപ്‌ സിംഗും, മറ്റ്‌ ദൈവദാസന്മാരുമാണ്‌ ഈകോണ്‍ഫറന്‍സില്‍ വചന പ്രഘോഷണം നിര്‍വഹിക്കുന്നത്‌. ഐ.പി.സി കുമ്പനാട്‌ ജനറല്‍ കണ്‍വന്‍ഷനില്‍ അനുഗ്രഹീത പ്രഭാഷണം നിര്‍വഹിച്ച്‌ ജനഹൃദയങ്ങളില്‍ സ്വാധീനം ലഭിച്ച പാസ്റ്റര്‍ പ്രതാപ്‌ സിംഗ്‌ അമേരിക്കയില്‍ മലയാളി സമ്മേളനങ്ങളില്‍ ആദ്യമായിട്ടാണ്‌ പ്രസംഗകനായി കടന്നുവരുന്നത്‌.

യുവജനങ്ങള്‍ക്കായി ക്രമീകരിച്ചിരിക്കുന്ന സമ്മേളനങ്ങളില്‍ പാസ്റ്റര്‍ ക്രിസ്സ്‌ യസ്റ്റര്‍ഡയാണ്‌ പ്രസംഗിക്കുന്നത്‌. സ്വദേശത്തും വിദേശത്തും യുവജനങ്ങളുടെ ഇടയില്‍ അറിയപ്പെടുന്ന കണ്‍വന്‍ഷന്‍ പ്രാസംഗികനാണ്‌ പാസ്റ്റര്‍ ക്രിസ്സ്‌. പ്രശസ്‌ത ഗായകനും സംഗീത സംവിധായകനുമായ ജാരറ്റ്‌ ആന്‍ഡേഴ്‌സണും സംഘവും അവതരിപ്പിക്കുന്ന ലൈവ്‌ ഓക്കസ്‌ട്രയും ഈ കോണ്‍ഫറന്‍സിന്റെ മറ്റൊരു പ്രത്യേകതയാണ്‌. സഹോദരിമാര്‍ക്കും, യുവജനങ്ങള്‍ക്കും, കുട്ടികള്‍ക്കും പ്രത്യേകം യോഗങ്ങളും സ്‌പോര്‍ട്‌സ്‌, സെമിനാര്‍, ബൈബിള്‍ സ്റ്റഡി തുടങ്ങിയ വൈവിധ്യങ്ങളായ പ്രോഗ്രാമുകളാണ്‌ കോണ്‍ഫറന്‍സില്‍ പങ്കെടുക്കുന്നവര്‍ക്കായി ഒരുക്കിയിരിക്കുന്നത്‌. ഗള്‍ഫ്‌, ഇംഗ്ലണ്ട്‌, ഓസ്‌ട്രേലിയ, ഇന്ത്യ തുടങ്ങിയ രാജ്യങ്ങളില്‍ നിന്നുള്ള സഭാ നേതാക്കന്മാരും സഭാ പ്രതിനിധികളും ഈ സമ്മേളനത്തില്‍ പങ്കെടുക്കുന്നതാണ്‌. പാസ്റ്റര്‍ അലക്‌സ്‌ വെട്ടിക്കല്‍ (നാഷണല്‍ കണ്‍വീനര്‍), ജോയ്‌ തുമ്പമണ്‍ (നാഷണല്‍ സെക്രട്ടറി), ശാമുവേല്‍ യോഹന്നാന്‍ (നാഷണല്‍ ട്രഷറര്‍), വെസ്‌ലി ആലുംമൂട്ടില്‍ (നാഷണല്‍ യൂത്ത്‌ കോര്‍ഡിനേറ്റര്‍), സിസ്റ്റര്‍ സോഫി വര്‍ഗീസ്‌ (ലേഡീസ്‌ കോര്‍ഡിനേറ്റര്‍) എന്നിവര്‍ അടങ്ങുന്ന വിവിധ കമ്മിറ്റികളാണ്‌ കോണ്‍ഫറന്‍സിന്‌ നേതൃത്വം വഹിക്കുന്നത്‌.

വിശദവിവരങ്ങള്‍ക്ക്‌ ബന്ധപ്പെടുക: പാസ്റ്റര്‍ അലക്‌സ്‌ വെട്ടിക്കല്‍ (405 596 0681), ജോയ്‌ തുമ്പമണ്‍ (832 971 3761) www.ipcfamilyconference.org


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top