കൊച്ചി: വിസ തട്ടിപ്പിനിരയായി സൗദി ജയിലില്‍ കഴിഞ്ഞ മലയാളികളടക്കമുള്ളവര്‍ തിരിച്ചത്തെി. ആറ് മലയാളികളുള്‍പ്പെടെ 53 പേരാണ് ഞായറാഴ്ച ഉച്ചയ്ക്കുള്ള സൗദി എയര്‍ലൈന്‍സ് വിമാനത്തില്‍ നെടുമ്പാശ്ശേരിയില്‍ വന്നിറങ്ങിയത്. തിരിച്ചത്തെിയവരില്‍ ആന്ധ്രപ്രദേശ്, യു.പി, രാജസ്ഥാന്‍, അസം, തമിഴ്നാട്, ഗുജറാത്ത്, മഹാരാഷ്ട്ര, ബിഹാര്‍, പശ്ചിമ ബംഗാള്‍ എന്നിവിടങ്ങളില്‍ നിന്നുള്ളവരും ഉണ്ടായിരുന്നു.

രണ്ട് ലക്ഷം രൂപ വരെ വിസക്കും ടിക്കറ്റിനുമായി നല്‍കിയവര്‍ ഇക്കൂട്ടത്തിലുണ്ട്. ഏതുവിധേനയും നാട്ടിലത്തെുന്നതിന് വേണ്ടിയാണ് ഏറെ പേരും പൊലീസിന് കീഴടങ്ങിയത്. മൂന്ന് മാസം മുതല്‍ ഒരാഴ്ച വരെ ജയിലില്‍ കിടന്നവരുണ്ട്. സൗദി സര്‍ക്കാറാണ് ഇവര്‍ക്കെല്ലാം നാട്ടിലേക്ക് മടങ്ങുന്നതിനുള്ള ടിക്കറ്റ് എടുത്തുനല്‍കിയത്. എംബസിയും മലയാളി സംഘടനകളും ആത്മാര്‍ഥമായി ഇടപെടലുകള്‍ നടത്തിയതുകൊണ്ടു മാത്രമാണ് നാട്ടിലേക്ക് ഇത്ര വേഗത്തില്‍ എത്താന്‍ കഴിഞ്ഞതെന്ന് തട്ടിപ്പിനിരയായവര്‍ പറഞ്ഞു.