Flash News

‘ദൂരഗോപുരങ്ങള്‍’ പ്രവാസി ചാനലില്‍: പ്രശസ്ത എഴുത്തുകാര്‍ മനോഹര്‍ തോമസിനൊപ്പം

September 30, 2015 , സുനില്‍ ട്രൈസ്റ്റാര്‍

KVbabyManohar1പ്രവാസി ചാനലില്‍ “ദൂരഗോപുരങ്ങള്‍” എന്ന ടെലിവിഷന്‍ പരിപാടി തുടങ്ങിയിട്ട് അധികകാലം ആയില്ലെങ്കിലും അമേരിക്കയിലും, കേരളത്തിലുമുള്ള വളരെ അധികം എഴുത്തുകാരെയും, കവികളെയും , സാമുഹ്യ പ്രവര്‍ത്തകരെയും, കലാകാരന്മാരെയും കാണികള്‍ക്ക് മുമ്പില്‍ അവതരിപ്പിക്കാന്‍ ഞങ്ങള്‍ക്ക് കഴിഞ്ഞിട്ടുണ്ട് . പ്രവാസി ചാനലിന്റെ പ്രേക്ഷകരുടെ സഹകരണം ഇതിനൊരു പ്രധാന ഘടകം ആയിരുന്നു. ഓരോ ആഴ്ചയും സംപ്രേക്ഷണം കഴിയുമ്പോള്‍ ലഭിക്കുന്ന പ്രത്യേക ഇ-മെയിലില്‍ കൂടി വരുന്ന പ്രചോദനം ഒത്തിരി ആയിരുന്നു.

paul_zacharia_jpg_1708132fഇതാ വളരെ പ്രശസ്തരായ 2 എഴുത്തുകാരുടെ പ്രത്യേകം തയ്യാറാക്കിയ ദൂരഗോപുരങ്ങള്‍ പ്രവാസി ചാനലില്‍ പ്രക്ഷേപണം ചെയ്യുന്നു. ഒക്ടോബര്‍ ഒന്നാം തിയതി വ്യാഴാഴ്ച വയ്കുന്നേരം 8 മണിക്ക് കവിയും സാഹിത്യകാരനുമായ പ്രൊഫ. കെ.വി. ബേബി ആണ് അതിഥി. ” അടയിരിക്കുന്ന കിളി”, കാവല്‍ കിളി”, “ജലരേഖകള്‍”, ” മിന്നാമിന്നും മിനി മോളും” എന്നി കവിതാസമാഹാരങ്ങളും “പോക്കുവെയില്‍ പൊന്ന് ” എന്ന ഓര്‍മകളുടെ സമാഹാരവും അദ്ദേഹത്തിന്റെതായിട്ടുണ്ട്. തൃശൂര്‍ സെന്റ്‌ തോമസ്‌ കോളേജിലെ ഇംഗ്ലീഷ് പ്രൊഫസര്‍ ആയി റിട്ടയര്‍ ചെയ്ത അദ്ദേഹം എഴുത്തില്‍ തന്നെ തുടരുന്നു.

ഒക്ടോബര്‍ രണ്ടാം തിയതി വൈകുന്നേരം 8 മണിക്ക് പ്രശസ്ത വാഗ്മിയും, സാഹിത്യകാരനുമായ സക്കറിയ ‘ദൂരഗോപുരങ്ങളുടെ’ അതിഥിയായി എത്തുന്നു. ഒരു സാധാരണ മലയാളി എങ്ങിനെ ചിന്തിക്കണം എന്ന് നമ്മളെ പഠിപ്പിച്ച ആ നിര്‍ഭയനായ എഴുത്തുകാരന്‍ മലയാളിയുടെ പൊയ്‌മുഖങ്ങള്‍ വലിച്ചു കിറാനും മടി കാണിക്കുന്നില്ല. സാംസ്‌കാരിക നായകന്മാര്‍ അന്ന്യം നിന്ന് പോകുന്ന ഈ കാലഘട്ടത്തില്‍ സക്കറിയയെ പോലുള്ള ബുദ്ധിജീവികള്‍ കേരളത്തിന്‌ ആവശ്യമാണ്.

പ്രവാസി ചാനലിന്റെ ഔദ്യോഗികമായ ഉദ്ഘാടനത്തിന് ശേഷം ആദ്യത്തെ ദൂരഗോപുരം പരിപാടിയാണിത്. ലോകമെമ്പാടുമുള്ള മലയാളി പ്രേക്ഷകര്‍ ഒന്നടങ്കം നെഞ്ചിലേറ്റിയ പ്രവാസി ചാനല്‍ ഇപ്പോള്‍ ഗള്‍ഫ്‌ നാടുകളിലും ലഭ്യമാണ്.

PRAVASI final 1


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top