മസ്കിറ്റ് (ഡാളസ്) : സെന്റ് പോള്‍സ് മാര്‍ത്തോമാ യുവജനസഖ്യത്തിന്റെ ആഭിമുഖ്യത്തില്‍ വാര്‍ഷിക കണ്‍‌വെന്‍ഷന്‍ സംഘടിപ്പിക്കുന്നു. ഒക്ടോബര്‍ 23, 24 തിയ്യതികളില്‍ വൈകീട്ട് 7 മണി മുതലും ഒക്ടോബര്‍ 25 രാവിലെ വിശുദ്ധ കുര്‍ബാനയോടനുബന്ധിച്ചും നടത്തപ്പെടുന്ന കണ്‍‌വെന്‍ഷനില്‍ സുവിശേഷകന്‍ സജി റാന്നി വചന പ്രഘോഷണം നടത്തും.

‘ബ്ലൂം വെയര്‍ യു ആര്‍ പ്ലാന്റഡ്’ എന്നതാണ് കണ്‍‌വെന്‍ഷനില്‍ പ്രധാന വിഷയമായി തിരഞ്ഞെടുത്തിരിക്കുന്നത്. യോഗത്തിലേക്ക് ഏവരെയും സ്വാഗതം ചെയ്യുന്നതായി ഭാരവാഹികള്‍ അറിയിച്ചു.

കഴിഞ്ഞ 28 വര്‍ഷങ്ങളായി സുവിശേഷ പ്രവര്‍ത്തനങ്ങള്‍ക്ക് നേതൃത്വം നല്‍കിവരുന്ന സാമുവേല്‍ റ്റി. ചാക്കോ (സജി റാന്നി) കാമ്പസ് ക്രൂസേഡ് ഫോര്‍ ക്രൈസ്റ്റ് എന്ന സംഘടനയില്‍ 23 വര്‍ഷം പ്രവര്‍ത്തിച്ച ശേഷം ഇപ്പോള്‍ ബാംഗ്ലൂര്‍ ഹോപ് മിനിസ്ട്രിയില്‍ സിറ്റി കോ ഓഡിനേറ്ററായി പ്രവര്‍ത്തിക്കുന്നു.

കൂടുതല്‍ വിവരങ്ങള്‍ക്ക്: റവ. ഷൈജു പി. ജോണ്‍ – 972 226 0976, അജു മാത്യു (സെക്രട്ടറി, യുവജനസംഖ്യം) – 214 554 2610, ബാബു പി. സൈമണ്‍ (കണ്‍‌വീനര്‍) – 972 226 0976.