തിരുവനന്തപുരം: സ്കൂള്‍ വിദ്യാര്‍ഥിനിയെ പ്രണയം നടിച്ച് പാട്ടിലാക്കിയശേഷം തട്ടിക്കൊണ്ടുപോയ കാമുകനും ഓട്ടോ ഡ്രൈവറും പിടിയില്‍. വള്ളക്കടവ് ബോട്ടുപുരക്ക് സമീപം നിസാര്‍ അഹമ്മദ്, മുട്ടത്തറ പരുത്തിക്കുഴി സ്വദേശി റിയാസ് എന്നിവരാണ് വലിയതുറ പൊലീസിന്‍െറ പിടിയിലായത്.

വിദ്യാര്‍ഥിനിയെ റിയാസിന്റെ ഓട്ടോയില്‍ കയറ്റിക്കൊണ്ടുപോകുകയായിരുന്നു. കുട്ടിയെ കാണാനില്ലന്ന രക്ഷാകര്‍ത്താക്കളുടെ പരാതിയെ തുടര്‍ന്ന് പൊലീസ് നടത്തിയ അന്വേഷണത്തിലാണ് ശംഖുംമുഖം ബീച്ചില്‍നിന്ന് ഇവര്‍ പിടിയിലായത്. പെണ്‍കുട്ടിയെ വൈദ്യപരിശോധനക്ക് വിധേയമാക്കിയശേഷം രക്ഷാകര്‍ത്താക്കളോടൊപ്പം വിട്ടു.