മുംബൈ: മികച്ച സൗണ്ട് ഡിസൈനിങ്ങിന് മലയാളിയായ സജിത് കൊയേരിക്ക് ഫിലിംഫെയര്‍ അവാര്‍ഡ്. മേഘ്ന ഗുല്‍സാര്‍ സംവിധാനം ചെയ്ത ‘തല്‍വാര്‍’ എന്ന ചിത്രത്തിലെ ശബ്ദലേഖനത്തിനാണ് പുരസ്കാരം. തലശ്ശേരി പുന്നോല്‍ കൊയേരി വീട്ടില്‍ സോമസുന്ദരന്റെയും രതി ഭായിയുടെയും മകനാണ് സജിത്.

16 വര്‍ഷമായി ബോളിവുഡില്‍ സജീവമായ സജിത് 60ഓളം ചിത്രങ്ങള്‍ക്ക് ശബ്ദലേഖനം നിര്‍വഹിച്ചിട്ടുണ്ട്. 2007ല്‍ ‘ഓം കാര’ എന്ന ചിത്രത്തിലെ ശബ്ദലേഖനത്തിന് ദേശീയ പുരസ്കാരം നേടി. ദേശീയ പുരസ്കാരം, ഫിലിംഫെയര്‍ (തല്‍വാര്‍, ഓംകാര-2007), പ്രൊഡ്യൂസേസ് ഗ്വില്‍ഡ് അവാര്‍ഡ്, ഇന്ത്യന്‍ സൗണ്ട് അസോസിയേഷന്റെ അവാര്‍ഡ് തുടങ്ങി 10 അവാര്‍ഡ് നേടിയിട്ടുണ്ട്. 14ഓളം നോമിനേഷനുകളുമുണ്ടായിട്ടുണ്ട്.