വരാമോ തിരിയെ
ഞങ്ങടെ പൊന്നരിവാളമ്പിളിപ്പാട്ടുകാരാ,
മതിയായതില്ലാ,
നീ പകര്‍ന്ന സാരസായുജ്യം,
മുകര്‍ന്നു തീര്‍ന്നില്ലാ സാരജ്ഞേ
അനാഥമീത്തറവാടിനി,
തിരിയെ വരൂ
ഞങ്ങടെ പൊന്നാത്മ ഗായകാ..

അനന്തമാം നക്ഷത്രപ്പൊട്ടുകള്‍ തേടി
അനഘമാം ഗഗന വീഥിയിലാടാന്‍
അനന്താത്മാവിലേക്കിത്ര തിടുക്കത്തില്‍
അനന്തജിത്തേ, പ്രിയ കവേ, പോയതെന്തേ?

നീ തീര്‍ത്തതാം ഗാന കാവ്യ സുധാദ്രിയില്‍
അനുവേലം മുങ്ങിക്കളിച്ചൂര്‍ജ്ജം നിറച്ച്,
നീ കാട്ടിയ വിശ്വത്തെയറിഞ്ഞു പിച്ചവച്ചോരാം
മലയാളമക്കള്‍ക്കിനിയാരുണ്ട്?

അഗ്നിച്ചിറകുകളനന്തം കൊളുത്തി കാക്കുന്നു
നീയിനിത്തിരികെ വരും കാലൊച്ച കേള്‍ക്കാന്‍,
ചാരുകില്ലീത്തറവാട്ടുവാതില്‍,
നീ വാരാതെതീരുകില്ലീ യശ്രുപൂജ.