Flash News

കൊച്ചി മെട്രോയുടെ ഉദ്ഘാടന വേദിയില്‍ നിന്ന് ഇ ശ്രീധരന്‍, കെ‌എം‌ആര്‍‌എല്‍ എം‌ഡി ഏലിയാസ് ജോര്‍ജ്, പി.ടി. തോമസ്, കെ.വി. തോമസ്, രമേശ് ചെന്നിത്തല, ഉമ്മന്‍‌ചാണ്ടി എന്നിവരെ ഒഴിവാക്കി; തീരുമാനം പ്രധാനമന്ത്രിയുടെ ഓഫീസിന്റേത്

June 14, 2017

E-SREEDHARAN_InPixioകൊച്ചി: കൊച്ചി മെട്രോയുടെ ഉദ്ഘാടനവേദിയിൽനിന്ന് ഇ.ശ്രീധരനും കെഎംആർഎൽ എംഡി ഏലിയാസ് ജോർജുമടക്കമുള്ള പ്രമുഖരെ ഒഴിവാക്കി. സ്ഥലം എംഎൽഎ പി.ടി.തോമസ്, കെ.വി.തോമസ് എംപി, പ്രതിപക്ഷ നേതാവ് രമേശ് ചെന്നിത്തല, മുൻമുഖ്യമന്ത്രി ഉമ്മൻ ചാണ്ടി എന്നിവരെയും ഒഴിവാക്കിയിട്ടുണ്ട്. വേദിയിൽ ഇരിക്കുന്ന നാലുപേരുടെ പട്ടികയാണ് ഇപ്പോൾ പുറത്തുവന്നിരിക്കുന്നത്. പ്രധാനമന്ത്രി നരേന്ദ്ര മോദി, ഗവർണർ പി.സദാശിവം, മുഖ്യമന്ത്രി പിണറായി വിജയൻ, കേന്ദ്രമന്ത്രി വെങ്കയ്യ നായിഡു എന്നിവരാണ് അത്. എന്നാൽ കൊച്ചി മേയറും ഗതാഗതമന്ത്രിയും ഉൾപ്പെടെ മറ്റു മൂന്നുപേർകൂടി പട്ടികയിൽ ഉൾപ്പെടുമെന്നാണ് അറിയുന്നത്.

വേദിയിൽ ഇരിക്കേണ്ട പതിമൂന്നു പേരുടെ പട്ടികയാണ് കെഎംആർഎൽ തയാറാക്കി നൽകിയിരുന്നത്. എന്നാൽ എസ്പിജി സുരക്ഷാ ചർച്ചകൾക്കുശേഷം അത് ചുരുക്കുകയായിരുന്നു.

ജനപ്രതിനിധികളെ വേദിയിൽനിന്ന് ഒഴിവാക്കിയത് അവഹേളനമാണെന്ന് പി.ടി.തോമസ് എംഎൽഎ പറഞ്ഞു. നടപടിക്കെതിരെ പ്രതിഷേധമുയർത്തുമെന്നും അദ്ദേഹം വ്യക്തമാക്കി. എന്നാൽ അസ്വാഭാവികത ഇല്ലാത്ത തീരുമാനമാണെന്നും അത് അംഗീകരിക്കുന്നതായും ഇ.ശ്രീധരൻ പറഞ്ഞു. മെട്രോയുടെ തുടക്കം മുതൽ ഒപ്പമുണ്ടായിരുന്നവരാണ് ഇ.ശ്രീധരനും ഏലിയാസ് ജോർജും.

ശനിയാഴ്ച രാവിലെ 11നാണ് കൊച്ചി മെട്രോയുടെ ഔദ്യോഗിക ഉദ്ഘാടനം നടക്കുന്നത്. ആലുവയിൽ നടത്താനിരുന്ന ഉദ്ഘാടനച്ചടങ്ങ് എസ്പിജിയുടെ നിർദേശപ്രകാരം കലൂർ സ്റ്റേഡിയത്തിലേക്ക് മാറ്റുകയായിരുന്നു. രാവിലെ 10.30ന് പാലാരിവട്ടത്തെത്തുന്ന പ്രധാനമന്ത്രി അവിടെനിന്നു മെട്രോയിൽ പത്തടിപ്പാലം വരെയും തിരിച്ചു പാലാരിവട്ടത്തേക്കും യാത്ര ചെയ്യും.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top