ചിക്കാഗോ മലയാളി അസോസിയേഷന്‍ ഫുഡ് ഡ്രൈവ്

CMA TITLEചിക്കാഗോ: വ്യത്യസ്തമായ പല കര്‍മ്മപരിപാടികളും നടത്തിക്കൊണ്ടിരിക്കുന്ന ചിക്കാഗോ മലയാളി അസോസിയേഷന്‍ നടത്തുന്ന ജീവകാരുണ്യ പ്രവര്‍ത്തനങ്ങളുടെ ഭാഗമായ ഫുഡ് ഡ്രൈവ് നവംബര്‍ 28 വൈകുന്നേരം ഡെസ്‌പ്ലെയിന്‍സിലുള്ള കാത്തോലിക് ചാരിറ്റീസില്‍ നടത്തപ്പെടുന്നതാണ് . ഈ വര്‍ഷം രണ്ടാമത്തെ പ്രാവശ്യമാണ് ഈ ഫുഡ് ഡ്രൈവ് നടത്തുന്നത്.

ഭവന രഹിതരും നിരാലംബരുമായ ആളുകള്‍ക്ക് സൗജന്യമായി ഭക്ഷണം വിതരണം ചെയ്യുന്ന ഈ പരിപാടിക്ക് ആവശ്യമായ തുക സമാഹരിച്ചത് മലയാളി അസോസിയേഷന്‍ ബോര്‍ഡ് അംഗങ്ങളുടെ പക്കല്‍ നിന്ന് മാത്രമാണ്. ഈ പണം ബോര്‍ഡ് അംഗങ്ങളുടെ പക്കല്‍ നിന്നും സമാഹരിക്കുന്നതിനു നേതൃത്വം നല്‍കിയത് വൈസ് പ്രസിഡന്റ് ജോണ്‍സന്‍ കണ്ണൂക്കാടന്‍ ആണ് . ഈ കാരുണ്യ പ്രവര്‍ത്തനത്തില്‍ പങ്കെടുക്കാന്‍ താല്പര്യമുള്ളവര്‍ നവംബര്‍ 28 ചൊവ്വാഴ്ച വൈകുന്നേരം 5 മണിക്ക് കാത്തോലിക് ചാരിറ്റീസില്‍ (1717 Rand Rd, Desplaines, IL ) എത്തുക. ഇതുപോലെയുള്ള ജീവകാരുണ്യ പ്രവര്‍ത്തനങ്ങള്‍ ചിക്കാഗോയിലും നാട്ടിലുമായി ചിക്കാഗോ മലയാളീ അസോസിയേഷന്‍ നടത്തുമ്പോള്‍ സഹകരിക്കുവാന്‍ ആഗ്രഹിക്കുന്നവര്‍ ഭാരവാഹികളുമായി ബന്ധപെടുക . ഒരു നോണ്‍ പ്രോഫിറ്റ് ഓര്‍ഗനൈസേഷന്‍ ആയ ചിക്കാഗോ മലയാളീ അസോസിയേഷന് നല്‍കുന്ന സംഭാവനകള്‍ എല്ലാം നികുതി വിമുക്തമായിരിക്കും.

ഫുഡ് ഡ്രൈവിന് ഭാരവാഹികളായ രഞ്ജന്‍ എബ്രഹാം, ജിമ്മി കണിയാലി , ഫിലിപ്പ് പുത്തന്‍പുരയില്‍, ജിതേഷ് ചുങ്കത്, ഷാബു മാത്യു, അച്ചന്‍ കുഞ്ഞു മാത്യു, ചാക്കോ തോമസ് മറ്റത്തില്‍പറമ്പില്‍ , ജേക്കബ് മാത്യു പുറയംപള്ളില്‍, ജോഷി മാത്യു പുത്തൂരാന്‍ , ജോഷി വള്ളിക്കളം, ജോസ് സൈമണ്‍ മുണ്ടപ്ലാക്കില്‍, മത്തിയാസ് പുല്ലാപ്പള്ളില്‍, മനു നൈനാന്‍, ഷിബു മുളയാനികുന്നേല്‍, സിബിള്‍ ഫിലിപ്പ്, സ്റ്റാന്‍ലി കളരിക്കമുറി, സണ്ണി മൂക്കെട്ട്, സക്കറിയ ചേലക്കല്‍, ടോമി അമ്പേനാട്ട്, ബിജി സി മാണി തുടങ്ങിയവര്‍ നേതൃത്വം നല്‍കും

Print Friendly, PDF & Email

Related News

Leave a Comment