സംവിധായകന്‍ ആഷിഖ് അബു ഒരുക്കുന്ന ഗാംങ്‌സറ്ററിന്റെ ചിത്രീകരണം ഉടന്‍ ആരംഭിക്കുന്നു. അഭിലാഷ് എസ്. കുമാറും അഹ്‌മദ് സിദ്ദിഖുമാണ് സിനിമയ്ക്ക് തിരക്കഥ ഒരുക്കിയിരിക്കുന്നത്. നേരം, അല്‍ഫോണ്‍സ് പുത്രന്‍ എന്നീ സിനിമകള്‍ ഇവര്‍ മുമ്പ് ഒരുക്കിയിട്ടുണ്ട്.

അടുത്തിടെ മമ്മൂട്ടി അഭിനയിച്ച ജവാന്‍ ഓഫ് വെള്ളിമല, താപ്പാന തുടങ്ങി ഏഴോളം ചിത്രങ്ങള്‍ ബോസ്‌റ്റോഫീസില്‍ തകര്‍ന്നടിഞ്ഞിരുന്നു. ഗാംങ്സ്റ്ററിലൂടെ മമ്മൂട്ടിക്ക് ഒരു തിരിച്ചുവരവ് നടത്താന്‍ കഴിയുമെന്നാണ് സിനിമയുടെ അണിയറ പ്രവര്‍ത്തകര്‍ പറയുന്നത്.

സാള്‍ട്ട് ആന്റ് പെപ്പര്‍, 22 ഫീമെയില്‍ കോട്ടയം എന്നീ സൂപ്പര്‍ ഹിറ്റ് ചിത്രങ്ങളൊരുക്കിയ ആഷിഖ് അബു ഗാംങ്സ്റ്ററും നല്ലരീതിയിലാണ് കൈകാര്യം ചെയ്തിരിക്കുന്നത്. മമ്മൂട്ടി ആഷിക് അബു കൂട്ടുകെട്ടില്‍ പിറന്ന ഡാഡി കൂള്‍ വമ്പന്‍ പരാജയമായിരുന്നു.

കാസര്‍കോട്ടെ അധോലോക നായകന്‍മാരെ കേന്ദ്ര കഥാപാത്രമാക്കിയാണ് ഗാംങ്സ്റ്ററില്‍ മമ്മൂട്ടി അഭിനയിക്കുന്നത്. സിനിമയില്‍ കാസര്‍കോട് ഭാഷയാണ് മമ്മൂട്ടി  സംസാരിക്കുന്നത്. ആഷിക് അബു മമ്മൂട്ടി കൂട്ടുകെട്ടൊരുക്കുന്ന ഗാംങ്സ്റ്റര്‍ 2014 ലെ സൂപ്പര്‍ഹിറ്റ് ആകുമെന്നാണ്  അണിയറ പ്രവര്‍ത്തകര്‍ പറയുന്നത്.