ദോഹ : ദോഹ അല്‍ മദ്‌റസ അല്‍ ഇസ്‌ലാമിയയില്‍ പുതുതായിചേര്‍ന്ന വിദ്യാര്‍ത്ഥികള്‍ക്ക് പ്രവേശനോത്സവം സംഘടിപ്പിച്ചു. വിദ്യാര്‍ത്ഥികളുടെ വിവിധ കലാവിഷ്‌കാരങ്ങള്‍ അരങ്ങേറി. മദ്‌റസ ഓഡിറ്റോറിയത്തില്‍ നടന്ന പരിപാടി വീക്ഷിക്കാന്‍ രക്ഷിതാക്കളും എത്തിയിരുന്നു. മദ്‌റസ പ്രധാനാധ്യാപകന്‍ സഫീര്‍ മമ്പാട് പരിപാടി ഉദ്ഘാടനം ചെയ്തു. പെണ്‍കുട്ടികളുടെ അറബിക് ഡാന്‍സ്, ഒപ്പന, ആണ്‍കുട്ടികള്‍ അവതരിപ്പിച്ച സ്വോഡ് ഡാന്‍സ്, കോല്‍ക്കളി എന്നിവ പരിപാടിക്ക് കൊഴുപ്പേകി. ഹന ഫാത്തിമ & പാര്‍ട്ടി സംഘഗാനവും, ഹൈസ, സേബ എന്നിവര്‍ ഗാനവുമാലപിച്ചു. നിദഫാത്തിമയുടെ ആക്ഷന്‍ സോംഗ് ശ്രദ്ധേയമായി. മുഹമ്മദ് ഖിറാഅത്ത് നടത്തി. അധ്യാപകരായ സുഹൈല്‍ ശാന്തപുരം, അബുല്ലൈസ് എന്നിവര്‍ നേതൃത്വം നല്‍കി. അധ്യാപികമാരായ ആമിന, ആനി സിയാദ്, ഫാരിസ എന്നിവരാണ് പരിപാടി രൂപകല്‍പ്പന ചെയ്തത്.

Like our page https://www.facebook.com/MalayalamDailyNews/ and get latest news update from USA, Europe, India, Gulf and around the world. Stay updated with latest News in Malayalam, English and Hindi.