IANANT നഴ്സസ് വീക്ക്‌ ഗാല 2019 ഉത്സവമായി

FB_IMG_1557799785798ഡാളസ് : നഴ്സസ് വീക്ക് വാര്‍ഷികാഘോഷങ്ങളുടെ ഭാഗമായി ഇന്ത്യന്‍ അമേരിക്കന്‍ നഴ്സസ് അസോസിയേഷന്‍ ഓഫ് നോര്‍ത്ത് ടെക്സാസ് (IANANT) സംഘടിപ്പിച്ച നാഷണല്‍ നഴ്സസ് വീക്ക് ഗാല 2019 തികച്ചും ഉത്സവമായി.

ഉന്നത ധാര്‍മിക മൂല്യങ്ങള്‍ മെഡിക്കല്‍ രംഗത്ത് പുലരുന്നതിനു അനുഗുണമായ രീതിയില്‍ നഴ്സുമാരുടെ സേവന പ്രവര്‍ത്തനങ്ങള്‍ പൂര്‍ണമായി തന്നെ എത്താറുണ്ട്. വിവിധ രാജ്യങ്ങളില്‍ നിന്നും വ്യത്യസ്ത ജീവിത സാഹചര്യങ്ങളില്‍ നിന്നും അനുപേക്ഷണീയമായ ഒരു ജീവിത സാഹചര്യം സ്വീകരിക്കാനായി വന്നിട്ടുള്ളവരാണ് ഈ സിറ്റിയിലെ ജനതയില്‍ അധികവും. ദ്രുതഗതിയിലുള്ള വികസനവും, വിപുലമായ സമഗ്രമായ തൊഴിലവസരങ്ങളും ഈ സിറ്റിയെ ഒരു അതുല്യ സിറ്റിയായി മാറ്റിക്കൊണ്ടിരിക്കുന്നുവെന്നും. ‘സിക്കാ’ വെറസ് നിയന്ത്രണ പ്രതിരോധ പ്രവര്‍ത്തനങ്ങളും, പൊതുജനാരോഗ്യ വിഷയങ്ങളിലും ഇര്‍വിംഗ് സിറ്റി ശാസ്ത്രീയമായ രീതിയില്‍ തന്നെ വൈദ്യ ശാസ്ത്രരംഗത്തെ പ്രയോജനപ്പെടുത്തുകയുണ്ടായിയെന്നും ഭദ്രദീപം കൊളുത്തി നടത്തിയ ഉത്ഘാടന പ്രസംഗത്തില്‍ ഇര്‍വിംഗ് സിറ്റി മേയര്‍ റിച്ചാര്‍ഡ് സ്റ്റോപ്ഫെര്‍ സംസാരിക്കുകയുണ്ടായി.

Screenshot_2019-05-13-21-14-45ദേശീയ നഴ്സസ് ഡേ ആഘോഷിക്കുന്ന മെയ് മാസത്തില്‍ തന്നെ നഴ്സസ് വാരമായി ആഘോഷിക്കാന്‍ IANANT തീരുമാനമെടുക്കുകയുണ്ടായി. 1995 മുതല്‍ പര്യാപ്തമായ വിധം നഴ്സസ് വീക്ക് ആഘോഷം നടത്താറുണ്ടെന്നും IANANT എന്ന സംഘടനയുടെ അഭിമാനകരമായ പ്രവര്‍ത്തനത്തിന്‍റെയും മുന്നേറ്റത്തിന്‍റെയും നയങ്ങള്‍ വിശദീകരിച്ചും ഓര്‍മപ്പെടുത്തിയും സ്വാഗതപ്രസംഗത്തില്‍ പ്രസിഡന്‍റ് മഹേഷ് പിള്ള സംസാരിച്ചു. സെക്രട്ടറി റീനെ ജോണ്‍ വാര്‍ഷിക റിപ്പോര്‍ട്ട് അവതരിപ്പിച്ചു. മുന്‍ പ്രസിഡന്‍റ് ഹരിദാസ് തങ്കപ്പന്‍ ആശംസകളര്‍പ്പിച്ചു സംസാരിച്ചു. ഏലിക്കുട്ടി ഫ്രാന്‍സിസിനു ലൈഫ് ടൈം അചീവ്മെന്‍റ് അവാര്‍ഡ് നല്‍കി ആദരിക്കുകയുണ്ടായി. പ്യാരി എബ്രഹാം, സൂസമ്മ സാമുല്‍, ഡോ. നിഷ ജേക്കബ്, സുമി തോമസ്, മോളി ഐപ്പ് എന്നിവര്‍ ഈ വര്‍ഷത്തെ നഴ്സസ് അവാര്‍ഡിന് അര്‍ഹരായി. ഡോ. ജാക്കി മൈക്കല്‍, ആലിസ് മാത്യു, മേരി എബ്രഹാം, ആനി മാത്യു എന്നിവരുടെ സാന്നിദ്ധ്യം ശ്രദ്ധേയമായിരുന്നു. കൂടാതെ കമ്മിറ്റി അംഗങ്ങളായ കവിത നായര്‍, എജല്‍ ജ്യോതി, ഡോ. ജിജി വര്‍ഗീസ്, വിജി ജോര്‍ജ്, ലിഫി ചെറിയാന്‍, മേഴ്സി അലക്സാണ്ടര്‍, ജെയ്സി സോണി എന്നിവരുടെ പ്രവര്‍ത്തനവും ഈ മേളക്ക് പ്രത്യേകം മികവ് വരുത്തുകയുണ്ടായി.

കേരന്‍ ജോബി അമേരിക്കന്‍ ദേശീയ ഗാനവും അല്‍സ്റ്റാര്‍ മാമ്പിള്ളി ഇന്ത്യന്‍ ദേശീയ ഗാനവും ആലപിച്ചു. ഹരിദാസ്, ജെയ്സണ്‍, ദീപാ, നിഷ എന്നിവര്‍ ഗാനങ്ങള്‍ ആലപിച്ചു. ഭരതനാട്യം, മിമിക്രി, സിനിമാറ്റിക് ഡാന്‍സ് തുടങ്ങിയ കലാപരിപാടികളും IANANT 2019ന്‍റെ പരിപാടിക്ക് മാറ്റ് കൂട്ടി. ഡോ. ജിജി വര്‍ഗീസും, വിജി ജോര്‍ജജും ആയിരുന്നു പ്രസ്തുത പരിപാടി ക്രമീകരിച്ചത്. വൈസ് പ്രസിഡന്‍റ് ഡോ. നിഷ ജേക്കബ് നന്ദി രേഖപ്പെടുത്തി.

FB_IMG_1557743333862 FB_IMG_1557799745063 FB_IMG_1557799753763 Screenshot_2019-05-13-21-07-23 Screenshot_2019-05-13-21-11-13 Screenshot_2019-05-13-21-17-40 Screenshot_2019-05-13-21-17-49FB_IMG_1557743328869

Print Friendly, PDF & Email

Related News

Leave a Comment