ഷിക്കാഗോ: പുതുതായി ചാര്‍ജ് ഏറ്റെടുത്ത ഇന്ത്യന്‍ കോണ്‍സുല്‍ ജനറല്‍ സുധാകര്‍ ദലീലയെ ഷിക്കാഗോ മലയാളി അസോസിയേഷന്‍ പ്രസിഡന്റ് ജോണ്‍സണ്‍ കണ്ണൂക്കാടന്‍ സെക്രട്ടറി ജോഷി വള്ളിക്കളം, ജോസ് മണക്കാട് എന്നിവര്‍ സന്ദര്‍ശിച്ച് ആശംസകള്‍ നേര്‍ന്നു.

കോണ്‍സുല്‍ ജനറലുമായി ഏകദേശം 30 മിനിട്ടോളം ചര്‍ച്ച നടത്തി. ഇന്ത്യക്കാര്‍ അഭിമുഖീകരിക്കുന്ന വിവിധ വിഷയങ്ങള്‍ ചര്‍ച്ചക്കിടയായി. ഒ.സി.ഐ. കാര്‍ഡ്, സ്വത്തു കൈമാറ്റം ചെയ്യുന്നത്, നാട്ടിലുള്ള സ്വത്തുക്കള്‍ സംരക്ഷിക്കുന്നത്, താത്കാലിക വിസ തുടങ്ങിയ വിവിധ വിഷയങ്ങളില്‍ ഉണ്ടാകുന്ന ബുദ്ധിമുട്ടുകള്‍ ചൂണ്ടിക്കാട്ടി.

ഇതു സംബന്ധിച്ച് വിശദമായി ചര്‍ച്ച നടത്തുന്നതിന് അസോസിയേഷന് അവസരം ഒരുക്കി തരുന്നതാണെന്ന് അദ്ദേഹം പറഞ്ഞു.