- Malayalam Daily News - https://www.malayalamdailynews.com -

പിന്നോക്ക മേഖലകളില്‍ കെഎച്ച്എന്‍എ കൂടുതല്‍ സേവന പദ്ധതികള്‍ നടപ്പിലാക്കും: ഡോ. രേഖാ മേനോന്‍

palaപാലക്കാട്: കേരള ഹിന്ദൂസ് ഓഫ് നോര്‍ത്ത് അമേരിക്ക കേരളത്തിലെ പിന്നോക്ക മേഖലകളില്‍ കൂടുതല്‍ പദ്ധതികള്‍ ആവിഷ്ക്കരിക്കുമെന്ന് പ്രസിഡന്റ് ഡോ. രേഖാ മേനോന്‍. വിദ്യാര്‍ത്ഥികള്‍ക്ക് സ്കോളര്‍ഷിപ്പ് ഉള്‍പ്പെടെ വിവിധ സാമൂഹ്യ സേവന പ്രവര്‍ത്തനങ്ങള്‍ കേരളത്തില്‍ നടത്തുന്നുണ്ട്. അതു തുടരുന്നതിനൊപ്പം മറ്റു മേഖലകളില്‍ കൂടി വിപുലീകരിക്കും. സംഘടനയുടെ പ്രളയ പുനരുദ്ധാരണ പദ്ധതിയുടെ ഉദ്ഘാടനം നിര്‍വഹിക്കുകയായിരുന്നു ഡോ. രേഖ മേനോന്‍. ആലത്തൂര്‍ താലൂക്കില്‍ സ്ഥിതി ചെയ്യുന്ന വണ്ടാഴി ഗ്രാമപഞ്ചായത്തിലെ ആദിവാസി മേഖലയായ തളിങ്ങകല്ലില്‍ അംഗന്‍വാടി കെട്ടിടം നിര്‍മ്മിച്ചു നല്‍കുന്ന പദ്ധതിക്കാണ് തുടക്കമിട്ടത്. പ്രളയത്തില്‍ അംഗന്‍വാടിയുടെ കെട്ടിടങ്ങള്‍ തകര്‍ന്നിരുന്നു.

palakതകര്‍ന്ന പ്രധാന കെട്ടിടം ഗ്രാമപഞ്ചായത്തിന്റെ നേതൃത്വത്തില്‍ നിര്‍മ്മിക്കും. 600 ചതുരശ്ര അടി വിസ്തീര്‍ണ്ണമുള്ള ഹാള്‍ ആണ് കെ എച്ച് എന്‍ എ നിര്‍മ്മിച്ചു നല്‍കുക. അഞ്ചു ലക്ഷം രൂപ ചെലവഴിച്ചുള്ള നിര്‍മ്മാണത്തിന്റെ മേല്‍നോട്ടം ഗംഗോത്രി ചാരിറ്റബിള്‍ ട്രസ്റ്റിനാണ്.

നെന്മാറ ഗംഗോത്രി ഇംഗ്ലീഷ് മീഡിയം സ്ക്കൂളില്‍ നടക്കുന്ന ചടങ്ങില്‍ ഗംഗോത്രി ട്രസ്റ്റ് സെക്രട്ടറി ഡോ. പി യു രാമാനന്ദ് അദ്ധ്യക്ഷത വഹിച്ചു. ട്രസ്റ്റ് ചെയര്‍മാന്‍ എന്‍ എം വിജയഗോപാലന്‍, കോയമ്പത്തൂര്‍ രാംവാസ് ചാരിറ്റബിള്‍ ട്രസ്സ് ചെയര്‍മാന്‍ ഒ പി രാമന്‍കുട്ടി, ഡോ എം ആര്‍ കെ മേനോന്‍ , ടി എസ് മറിയ, വി വൃന്ദ എന്നിവര്‍ സംസാരിച്ചു.

palakaഅമേരിക്കയില്‍ പ്രവര്‍ത്തിക്കുന്ന വിവിധ മലയാളി ഹിന്ദു സംഘടനകലുടെ കൂട്ടായ്മയാണ് കേരള ഹിന്ദൂസ് ഓഫ് നോര്‍ത്ത് അമേരിക്ക. രണ്ടു വര്‍ഷത്തിലൊരിക്കല്‍ നടക്കുന്ന ദേശീയ കണ്‍വന്‍ഷനാണ് പ്രധാന പരിപാടി. അതോടൊപ്പം വിവിധ സാമൂഹ്യ സേവന പ്രവര്‍ത്തനങ്ങള്‍ നടത്താറുണ്ട്. അതിന്റെ ഭാഗമാണ് അംഗന്‍വാടി കെട്ടിടം നിര്‍മ്മാണം

കെ എച്ച് എന്‍ എയുടെ പത്താമത് ദേശീയ കണ്‍വന്‍ഷന്‍ 2019 ആഗസ്റ്റ് 30 മുതല്‍ സെപ്റ്റംബര്‍ 2 വരെ ന്യൂജെഴ്സി ചെറി ഹില്‍ ക്രൗണ്‍ പ്ലാസ ഹോട്ടലിലാണ് നടക്കുക. പൊതുസമ്മേളനം, വിശിഷ്ടാതിഥികളുടെ പ്രഭാഷണം, സാംസ്കാരിക സമ്മേളനങ്ങള്‍, സെമിനാറുകള്‍, കലാപരിപാടികള്‍, ചര്‍ച്ചകള്‍ തുടങ്ങിയവ കണ്‍വെന്‍ഷന്റെ ഭാഗമായി നടക്കും.

Untitled-3


Like our page https://www.facebook.com/MalayalamDailyNews/ [1] and get latest news update from USA, India and around the world. Stay updated with latest News in Malayalam, English and Hindi.
[2] [3] [4] [5] [6]