Flash News

ഭരണഘടനയിലെ 370-ാം അനുഛേദം പൂര്‍ണ്ണമായും എടുത്തുകളയുമെന്ന് ബിജെപി ദേശീയ സെക്രട്ടറി

June 29, 2019

1557822734_bjp-leader-ram-madhav-addresses-press-conference-new-delhiഭരണഘടനയില്‍ താത്ക്കാലികമായി എഴുതിച്ചേര്‍ത്ത 370-ാം അനുഛേദം പൂര്‍ണ്ണമായും എടുത്തുകളയുമെന്ന് ബിജെപി. ജമ്മു കശ്മീരിന് പ്രത്യേക അധികാരം നല്‍കുന്നതാണ് ഈ അനുഛേദം. പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള സര്‍ക്കാര്‍ അതിന് പ്രതിജ്ഞാബദ്ധമാണെന്ന് ബിജെപി ദേശീയ സെക്രട്ടറി റാം മാധവ് വ്യക്തമാക്കി .

ഇക്കാര്യത്തില്‍ എന്താണ് ഞങ്ങളുടെ നിലപാടെന്ന് എല്ലാവര്‍ക്കും അറിയാവുന്നതാണ്. 370-ാം അനുഛേദം പൂര്‍ണമായും എടുത്തുകളയുമെന്ന് പാര്‍ലിമെന്റില്‍ ആഭ്യന്തര മന്ത്രി വ്യക്തമാക്കിയതാണെന്ന് അദ്ദേഹം വാര്‍ത്താ ഏജന്‍സിയായ എ.എന്‍.എയോട് പ്രതികരിച്ചു.

നിലവില്‍ കശ്മീരിലെ എല്ലാ പ്രശ്നങ്ങളും പരിഹരിക്കാന്‍ ഈ സര്‍ക്കാര്‍ പ്രതിജ്ഞാബദ്ധമാണ്. ആ വഴിക്കാണ് സര്‍ക്കാര്‍ മുന്നോട്ടുപോകുന്നത്. മുന്‍ പ്രധാനമന്ത്രിയായ ജവഹര്‍ലാല്‍ നെഹ്‌റു 370-ാം അനുഛേദം കൊണ്ടുവന്നത് താത്ക്കാലിക സംവിധാനമെന്ന നിലയ്ക്കായിരുന്നു. അദ്ദേഹത്തിന് പോലും അത് എടുത്തുമാറ്റണമെന്നുണ്ടായിരുന്നുവെന്നും റാം മാധവ് പറഞ്ഞു.

ഞങ്ങളുടെ ആദ്യം മുതലേയുള്ള നിലപാടാണ് 370-ാം അനുഛേദം എടുത്തുമാറ്റുക എന്നത്. ചില നടപടിക്രമങ്ങള്‍ ഇതിനായിയുണ്ടെന്നും അതിന്റെതായ സമയം ഇതിനായി വേണ്ടിവരുമെന്നും റാം മാധവ് പറഞ്ഞു. ഇതിനുള്ള നപടികള്‍ സര്‍ക്കാര്‍ സ്വീകരിക്കുമെന്നും അദ്ദേഹം വ്യക്തമാക്കി.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top