ഫ്രറ്റേണിറ്റി മൂവ്മെന്‍റ് സംസ്ഥാന പ്രസിഡന്‍റ് ഷംസീര്‍ ഇബ്രാഹിം നയിക്കുന്ന സാഹോദര്യ രാഷ്ട്രീയ ജാഥക്ക് മലപ്പുറത്ത് നല്‍കിയ സ്വീകരണം

മലപ്പുറം: ‘വിവേചനങ്ങളെ വിചാരണ ചെയ്യുക, വിധേയത്വങ്ങളോട് വിസമ്മതിക്കുക’ മുദ്രാവാക്യമുയര്‍ത്തി ഫ്രറ്റേണിറ്റി മൂവ്മെന്‍റ് സംസ്ഥാന പ്രസിഡന്‍റ് ഷംസീര്‍ ഇബ്രാഹിം നയിക്കുന്ന സാഹോദര്യ രാഷ്ട്രീയ ജാഥ ജില്ലയില്‍ പര്യടനം തുടങ്ങി.

ചൊവ്വാഴ്ച ഉച്ചക്ക് ശേഷം ജില്ലാ അതിര്‍ത്തിയായ കരിങ്കല്ലത്താണിയില്‍ വെച്ച് ജില്ലയിലേക്ക് പ്രവേശിച്ചു. പെരിന്തല്‍മണ്ണ പൂപ്പലം അജാസ് കോളേജിലെ സ്വീകരണത്തിന് ശേഷം മലപ്പുറം നഗരത്തില്‍ റാലിയും സ്വീകരണ സമ്മേളനവും നടന്നു. നാളെ ജൂലൈ 10 ന് തിരൂര്‍ക്കാട് നസ്റ കോളേജ്, മങ്കട ഗവ: കോളേജ്, സഫ കോളേജ്, കെ.എം.സി.ടി ലോ കോളേജ്, എം.ഇ.എസ് പൊന്നാനി എന്നിവിടങ്ങളിലെ സ്വീകരണങ്ങള്‍ക്ക് ശേഷം പൊന്നാനി ചമ്രവട്ടം ജംഗ്ഷനിലെ റാലിക്കും, സ്വീകരണ സമ്മേളനത്തോടെയും സമാപിക്കും.

ജൂലൈ 11 ന് തിരൂര്‍ ടി.എം.ജി, മലയാളം യൂനിവേഴ്സിറ്റി, സക്കരിയ, ഷഹീദ് ഫൈസല്‍ എന്നിവരുടെ വീട് സന്ദര്‍ശനം, പി.എസ്.എം.ഒ കോളേജ്, കാലിക്കറ്റ് യൂനിവേഴ്സിറ്റി എന്നിവിടങ്ങളിലെ സ്വീകരണങ്ങള്‍ക്ക് ശേഷം കൊണ്ടോട്ടി ടൗണില്‍ സമാപിക്കും.

ജൂലൈ 12 ന് ഗവ: കോളേജ് മലപ്പുറം, എന്‍.എസ്.എസ് മഞ്ചേരി, സുല്ലമുസ്സലാം, എം.ഇ.എസ് മമ്പാട്, നിലമ്പൂര്‍ ടൗണ്‍, അപ്പന്‍കാവ് കോളനി സന്ദര്‍ശനം എന്നിവക്ക് ശേഷം വണ്ടൂര്‍ ടൗണിലെ സ്വീകരണത്തോടെ ജില്ലയിലെ പര്യടനങ്ങള്‍ക്ക് സമാപനം കുറിക്കും.