സെവന്‍ ഇലവന്‍ എന്ന മാന്ത്രിക സംഖ്യയില്‍ ജനിച്ച അത്ഭുത ശിശു

Family and baby_സെന്റ് ലൂയിസ്: അമേരിക്കയിലെ പ്രമുഖ വ്യവസായ ശൃംഖലയാണ് സെവന്‍ ഇലവന്‍. ഈ മാന്ത്രിക സംഖ്യയോട് നൂറ് ശതമാനവും നീതി പുലര്‍ത്തി ജനിച്ച അത്ഭുത ശിശുവിന്റെ കഥ വൈറലായി.

മിസൗറി സംസ്ഥാനത്തെ സെന്റ് ലൂയിസില്‍ ജൂലൈ 11 വ്യാഴാഴ്ച (7/11) , വൈകീട്ട് 7:11 ന് ജനിച്ച കുട്ടിക്ക് മറ്റൊരു പ്രത്യേകത കൂടി ഉണ്ടായിരുന്നു. ജനിച്ച് വീണപ്പോള്‍ കുട്ടിയുടെ ഭാരം എഴ് പൗണ്ടും പതിനൊന്ന് ഔണ്‍സും ആയിരുന്നു. ലേഗ് ഫോര്‍ഡ് – റെയ്ച്ചല്‍ ദമ്പതികള്‍ക്കാണ് ഈ അത്ഭുത ശിശു ജനിച്ചത്.

ഗര്‍ഭകാലഘട്ടത്തില്‍ റെയ്ച്ചലിന് 7/11 നോട് പ്രത്യേക മമത ഉണ്ടായിരുന്നതായി ഭര്‍ത്താവ് ലേഗ്‌ ഫോര്‍ഡ് പറയുന്നു. റെയ്ച്ചല്‍ ഏത് സമയം ക്ലോക്കില്‍ നോക്കുമ്പോഴും ദൃഷ്ടിയില്‍ പെട്ടിരുന്നത് 7:11 സമയമായിരുന്നു എന്നതും ഒരു പ്രത്യേകതയായി ചൂണ്ടിക്കാണിക്കുന്നു.

ഈ നമ്പറിന്റെ പ്രത്യേക സാമ്യം സെവന്‍ ഇലവന്‍ വ്യവസായ ശൃംഖലയെ അറിയിക്കാനാണ് മാതാപിതാക്കളുടെ തീരുമാനം. അമ്മയും കുഞ്ഞും സുഖമായിരിക്കുന്നുവെന്നും, ഇത്തരത്തിലുള്ള ജനനം വളരെ അപൂര്‍വ്വമാണെന്നും ആശുപത്രി അധികൃതര്‍ പറയുന്നു.

Print Friendly, PDF & Email

Related News

Leave a Comment