- Malayalam Daily News - https://www.malayalamdailynews.com -

പുത്തുമലയില്‍ ഇനി കണ്ടെത്താനുള്ളത് അഞ്ചുപേരെ; ദുരന്തനിവാരണ സേന തിരച്ചില്‍ അവസാനിപ്പിക്കുന്നു

kavalapparaവയനാട്: വയനാട് പുത്തുമലയില്‍ ഉരുള്‍പൊട്ടലില്‍ കാണാതായവര്‍ക്കുവേണ്ടിയുള്ള ദേശീയ ദുരന്തനിവാരണ സേനയുടെ തിരച്ചില്‍ അവസാനിപ്പിച്ചു. അഞ്ചുപേരെക്കൂടി കണ്ടെത്താന്‍ ബാക്കിനില്‍ക്കെയാണ് തിരച്ചില്‍ അവസാനിപ്പിച്ചത്. ഇനി കണ്ടെത്താനുള്ളവരുടെ ബന്ധുക്കള്‍ അനുമതി നല്‍കിയതിനെ തുടര്‍ന്നാണ് തിരച്ചില്‍ നിര്‍ത്താന്‍ തീരുമാനിച്ചത്. ഇനി നാട്ടുകാരുടെ നേതൃത്വത്തിലായിരിക്കും തിരച്ചില്‍ നടത്തുക.

അതേസമയം, കാണാതായ അ!ഞ്ച് പേരില്‍ ഒരാളായ ഹംസക്കുവേണ്ടിയുള്ള തിരച്ചില്‍ തുടരും. അദ്ദേഹത്തിനായി ഒരുപ്രദേശത്ത് കൂടി തിരച്ചില്‍ നടത്തണമെന്ന ഹംസയുടെ മകന്റെ അഭ്യര്‍ഥന പ്രകാരമാണ് തിരച്ചില്‍ നടത്തുക. മസ്ജിദിനോട് ചേര്‍ന്ന പ്രദേശത്തായിരിക്കും പോലീസും ഫയര്‍ഫോഴ്‌സും ഹംസക്കായി തിരച്ചില്‍ നടത്തുക.

16 ദിവസം നീണ്ട തിരച്ചിലിനൊടുവില്‍ 12 പേരുടെ മൃതദേഹം കണ്ടെടുത്തിരുന്നു. കഴിഞ്ഞ ദിവസങ്ങളില്‍ നടത്തിയ തിരച്ചിലുകള്‍ ഫലം കണ്ടിരുന്നില്ല.


Like our page https://www.facebook.com/MalayalamDailyNews/ [1] and get latest news update from USA, India and around the world. Stay updated with latest News in Malayalam, English and Hindi.
[2] [3] [4] [5] [6]