വെസ്റ്റ് ചെസ്റ്റര്‍ മലയാളി അസോസിയേഷന്റെ ഓണഘോഷത്തില്‍ പൂമരം എന്ന സ്റ്റേജ് ഷോയും

വെസ്റ്റ് ചെസ്റ്റര്‍ മലയാളി അസോസിയേഷന്റെ ഈ വര്‍ഷത്തെ ഓണഘോഷത്തില്‍നമ്മളെ സന്തോഷിപ്പിക്കാനും ഓണ വിരുന്തുകളുമായി പൂമരം എന്ന സ്റ്റേജ് ഷോയും എത്തുന്നു. പൂമരം ഷോയില്‍ കേരളത്തില്‍ നിന്നും എത്തുന്ന 14 ല്‍ പരം കലാകാരന്മാര്‍ പങ്കെടുക്കുന്നു. വൈക്കം വിജയ ലക്ഷ്മിയും കല്ലറ ഗോപനും പാട്ടുകാരായി എത്തുന്നു എന്ന പ്രേത്യേകതയും ഈ ഷോയിക്ക് ഉണ്ട്.

കേരള സിനിമയിലെ ഒരുകൂട്ടം പ്രസിദ്ധ നടിനടന്മാര്‍ പങ്കെടുത്തു നമ്മെ സന്തോഷത്തിന്റെ കൊടുമുടിയില്‍ എത്തിക്കുന്ന കലാപരിപാടികള്‍ ആണ് പൂമരം ഷോയില്‍ അണിയിച്ചൊരുക്കിയിരിക്കുന്നത്. കുട്ടികള്‍ക്കും മുതിര്‍ന്നവര്‍ക്കും ഒരു പോലെ ആസ്വദിക്കാന്‍ പറ്റുന്ന ഫ്യൂഷന്‍ , മിമിക്രി , സ്ക്രിപ്റ്റ് , പാട്ടുകള്‍ തുടങ്ങി നിരവധി കലാപരിപാടികള്‍ ഉള്‍പ്പെടുത്തിയാണ് ആണ് ഈ സ്റ്റേജ് ഷോ ചിട്ടപ്പെടുത്തിയിട്ടുള്ളത് . പ്രസിദ്ധ സിനിമ നിര്‍മാതാവും അമേരിക്കന്‍ മലയാളിയുമായ രഞ്ജിത് നായര്‍ ആണ് ഈ ഷോ അമേരിക്കയില്‍ സ്‌പോണ്‍സര്‍ ചെയുന്നത് . ഈ കലാകാരന്‍ മാരോടൊപ്പം അടിയിയും പാടിയും ഈ വര്‍ഷത്തെ ഓണം നമുക്കു ഒരുമിച്ചാഘോഷിക്കാം.

വെസ്റ്റ് ചെസ്റ്റര്‍ മലയാളി അസോസിയേഷന്റെ ഈ വര്‍ഷത്തെ ഓണഘോഷം സെപ്റ്റംബര്‍ 7 ശനിയാഴ്ച 11 മണിമുതല്‍ 6.00 മണിവരെ ന്യൂ റോഷലില്‍ ഉള്ള ആല്‍ബര്‍ട്ട് ലിണാര്‍ഡ് സ്കൂളില്‍ വെച്ചു (25 Gerada Ln , New Rochelle , NY 10804 ) അതിവിപുലമായ രീതിയിലാണ് നടത്തുന്നു.

ഓണക്കാലത്തിന്റെ എല്ലാ അനുഭൂതിയും ഉണര്‍ത്തുന്ന മറ്റു പരിപാടികളും ക്രമീകരിച്ചിരിച്ചിട്ടുണ്ട്. അതി വിപുലമായ ഓണ സദ്യയോട് ആരംഭിച്ചു , ചെണ്ടമേളവും,ശിങ്കാരി മേളത്തോടും കുടി താലപ്പൊലിയുമായി മാവേലി തമ്പുരാനെ വരവേല്‍ക്കുന്നതോടെ തുടങ്ങുന്ന പരിപാടികളില്‍ അത്തപ്പൂക്കളവും, തിരുവാതിരകളിയും, പുലിക്കളിയും അങ്ങനെ കേരളത്തിലെ ഓണത്തിന്റെ എല്ലാ ആഘോഷങ്ങളോടും കേരള തനിമയോട് കുടി വെസ്‌റ്‌ചെസ്റ്റര്‍ മലയാളി അസോസിയേഷന്റെ ഓണം കൊണ്ടാടുബോള്‍ നമുക്ക് ഒരുമിച്ചാഘോഷിക്കാം. . ഏവര്‍ക്കും സ്വാഗതം .

ഓണഘോഷം വിജയപ്രദമാക്കുവാന്‍ വെസ്റ്റ്‌ചെസ്റ്റര്‍ , ന്യൂ യോര്‍ക്ക് നിവാസികളായ എല്ലാ മലയാളി സഹോദരങ്ങളുടെയും സഹായ സഹകരണങ്ങള്‍ അഭ്യര്‍ത്ഥിക്കുന്നതായി പ്രസിഡന്റ് ജോയി ഇട്ടന്‍ , വൈസ് പ്രസിഡന്റ് ശ്രീകുമാര്‍ ഉണ്ണിത്താന്‍ ,സെക്രട്ടറി നിരീഷ് ഉമ്മന്‍ , ട്രഷറര്‍ ടെറന്‍സണ്‍ തോമസ് , ജോയിന്റ് സെക്രട്ടറി നിരീഷ് ഉമ്മന്‍ , ട്രസ്റ്റി ബോര്‍ഡ് ചെയര്‍മാന്‍ രാജന്‍ ടി ജേക്കബ് ,കോര്‍ഡിനേറ്റര്‍ ആന്റോ വര്‍ക്കി എന്നിവര്‍ അറിയിച്ചു.

poomaram

 

Print Friendly, PDF & Email

Related News

Leave a Comment