Flash News

ആ ഉത്തരവിട്ടത് ട്രം‌പ്; ബാഗ്ദാദ് വിമാനത്താവളത്തില്‍ റോക്കറ്റ് ആക്രമണം നടത്തിയത് അമേരിക്കയാണെന്ന് പെന്റഗണ്‍

January 3, 2020

imageവാഷിംഗ്ടണ്‍: ഇറാഖിലെ ബാഗ്ദാദ് വിമാനത്താവളത്തില്‍ റോക്കറ്റ് ആക്രമണം നടത്തി ഇറാന്‍ റവല്യൂഷനറി ഗാര്‍ഡ്‍സ് കമാന്‍ഡര്‍ കാസെം സൊലൈമാനിയെ വധിക്കാന്‍ യുഎസ് പ്രസിഡന്‍റ് ഡോണള്‍ഡ് ട്രംപ് ഉത്തരവിട്ടിരുന്നതായി പെന്‍റഗണ്‍. ബാഗ്‍ദാദിലെ യുഎസ് ഉദ്യോഗസ്ഥരെ സംരക്ഷിക്കുന്നതിനുള്ള നിര്‍ണായകമായ നടപടിയെന്നാണ് സൊലൈമാനിയുടെ വധത്തെ പെന്‍റഗണ്‍ വിശേഷിപ്പിച്ചത്. സൊലൈമാനിയുടെ വധത്തിന് പിന്നാലെ വിശദീകരണങ്ങളൊന്നുമില്ലാതെ ട്രംപ് യുഎസ് ദേശീയപതാക ട്വീറ്റ് ചെയ്‍തു.

ഇറാന്‍ പൗരസേന കമാന്‍ഡന്‍ അബു മഹ്‍ദിയും അഞ്ച് ഇറാന്‍ കമാന്‍ഡോകളും കൊല്ലപ്പെട്ടിട്ടുണ്ട്. ഇവരുടെ വാഹനത്തിന് നേരേ മിസൈലുകള്‍ പതിച്ചെന്ന് ഇറാന്‍ പറഞ്ഞു.

കാസെം സൊലൈമാനിയുടെ വധത്തിന് പിന്നാലെ പ്രതികാരം ചെയ്യുമെന്ന് വ്യക്തമാക്കി ഇറാന്‍ റവല്യൂഷണറി ഗാര്‍ഡ് മുന്‍ മേധാവി പ്രതികരിച്ചു. ഇതോടെ യുഎസ് -ഇറാന്‍ ബന്ധം കൂടുതല്‍ വഷളാകുമെന്ന് വ്യക്തമായിരിക്കുകയാണ്. ആക്രമണത്തിന് പിന്നാലെ ക്രൂഡ് ഓയില്‍ വില വര്‍ധിക്കുകയും ചെയ്‍തു.

soleimaniറവല്യൂഷണറി സേനയിലെ രഹസ്യസേനയായ ഖുദ്‍സ് ഫോഴ്‍സിന്‍റെ മേധാവിയാണ് സൊലൈമാനി. ഇറാന്‍ ആത്മീയാചാര്യന്‍ ആയത്തൊള്ള ഖൊമൈനിയുമായി ഏറ്റവും അടുപ്പമുള്ള നേതാക്കളിലൊരാളാണ് സൊലൈമാനി.

ഇറാഖിലും പശ്‍ചിമേഷ്യയിലെ മറ്റിടങ്ങളിലും പ്രവര്‍ത്തിക്കുന്ന അമേരിക്കന്‍ നയതന്ത്ര പ്രതിനിധികളെയും മറ്റു ഉദ്യോഗസ്ഥരെയും ആക്രമിക്കാന്‍ നിരന്തരം പദ്ധതികള്‍ തയ്യാറാക്കുകയായിരുന്നു ജനറല്‍ സൊലൈമാനിയെന്ന് യുഎസ് പ്രതിരോധ വകുപ്പ് പറഞ്ഞു. നൂറുകണക്കിന് അമേരിക്കന്‍ സൈനികരുടെ മരണത്തിനും ആയിരക്കണക്കിനാളുകള്‍ക്ക് പരിക്കേറ്റതിനും ഉത്തരവാദി സൊലൈമാനിയും അയാളുടെ ഖുദ്‍സ് സേനയുമാണെന്നും യുഎസ് പ്രതിരോധ വകുപ്പ് വിശദീകരിച്ചു.

ബാഗ്‍ദാദിലെ യുഎസ് എമ്പസി ഇറാന്‍ അനുകൂലികള്‍ ആക്രമിച്ചതിന് പിന്നാലെയാണ് യുഎസ് പശ്ചിമേഷ്യയിലെ നടപടികള്‍ ശക്തമാക്കിയത്. പശ്ചിമേഷ്യയിലേക്ക് 750 ട്രൂപ്പ് സേനയെ അയക്കുമെന്ന് കഴിഞ്ഞ ദിവസം യുഎസ് അറിയിച്ചിരുന്നു. യുഎസ് പൗരന്‍മാരുടെ സംരക്ഷണത്തിനായി എന്തും ചെയ്യുമെന്നും ഇറാന്‍ കരുതിയിരിക്കണമെന്നും ട്രംപ് മുന്നറിയിപ്പ് നല്‍കുകയും ചെയ്‍തിരുന്നു.



Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top