Flash News

ആറ് വര്‍ഷം മുമ്പ് കാണാതായ മദ്ധ്യവയസ്‌ക്കയുടെ മൃതദേഹം നദിയില്‍ നിന്നും കണ്ടെടുത്തു

January 20, 2020 , പി.പി. ചെറിയാന്‍

USW5ZXO45RHG5E55ZISORGQQN4ന്യൂജേഴ്‌സി: 2014 ജനുവരി 17 ന് അപ്രത്യക്ഷയായ വനേസാ സ്‌മോള്‍‌വുഡിന്റെ (46) മൃതദേഹം നദിയില്‍ മുങ്ങികിടന്നിരുന്ന കാറില്‍ നിന്നും കണ്ടെത്തി.

മേപ്പിള്‍ ഷേയ്ഡില്‍ താമസിച്ചിരുന്ന സ്‌മോള്‍വുഡിന്റെ മൃതദേഹം ചെറി ഹില്ലിലുള്ള സാലേം നദിയിലെ മാലിന്യങ്ങള്‍ നീക്കം ചെയ്യുന്നതിനിടയില്‍ അവിടെ മുങ്ങിക്കിടന്നിരുന്ന വാനില്‍ നിന്നാണ് കണ്ടെത്തിയത്.

ജനുവരി 17 ന് അവസാനമായി ഇവരെ കാണുന്നത് ചെറി ഹില്ലിലെ ഡ്രൈ ക്ലീനേഴ്‌സ് സ്‌റ്റോറിലായിരുന്നു. എഫ് ബി ഐ മിസ്സിംഗ് പേഴ്‌സന്റെ ലിസ്റ്റില്‍ ഇവരെ ഉള്‍പ്പെടുത്തി അന്വേഷണം നടത്തിയിരുന്നു. കാണാതായ അന്നുമുതല്‍ ഇവരുടെ സെല്‍ഫോണോ ക്രെഡിറ്റ് കാര്‍ഡോ ഉപയോഗിച്ചിരുന്നില്ലെന്നും പോലീസ് പറഞ്ഞു.

ഇവര്‍ ധരിച്ചിരുന്ന വെഡ്ഡിംഗ് റിംഗ് തിരിച്ചറിയലിന് സഹായിച്ചു. കാറില്‍ നിന്നും ലഭിച്ച ശരീരാവശിഷ്ടങ്ങള്‍ സതേണ്‍ റീജിയണല്‍ കൊറോണേഴ്‌സ് ഓഫീസില്‍ ഓട്ടോപ്‌സിക്ക് അയച്ചിരിക്കുകയാണ്.

ഇവരുടെ മരണത്തെ കുറിച്ച് കുടുംബാംഗങ്ങള്‍ സംശയം പ്രകടിപ്പിച്ചു. പോലീസ് വീണ്ടും അന്വേഷണം ആരംഭിച്ചിട്ടുണ്ട്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top