ജൂലൈ 15 മുതല്‍ 18 വരെ ന്യൂജേഴ്‌സിയിലെ അറ്റ്‌ലാന്‍റ്റിക് സിറ്റിയില്‍ റാഡിസണ്‍ ക്ലാറിഡ്ജ് ഹോട്ടലിലില്‍ വച്ച് നടക്കുന്ന നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി/യൂത്ത് കോണ്‍ഫറന്‍സ് ഫണ്ട് ശേഖരണാര്‍ത്ഥം പ്രതിനിധികള്‍ സെന്‍റ് ബസേലിയോസ് ഗ്രീഗോറിയോസ് ഇടവകസന്ദര്‍ശിച്ചു.

മാര്‍ച്ച് 1 ന് വി ശുദ്ധകുര്‍ബാനക്ക് ശേഷം നടന്ന ചടങ്ങില്‍ വികാരി ഫാ. വിജയ് തോമസ് കമ്മിറ്റി അംഗങ്ങളായ ബാബു പാറയ്ക്കല്‍ , അജോയ് ജോര്‍ജ്, എന്നിവരെ സ്വാഗതം ചെയ്തു. യോഗത്തില്‍ ഫാ. മാത്യുസി.ചാക്കോയും ഇടവകയുടെ സെക്രട്ടറി റോബിന്‍ മാത്യുവും സംബന്ധിച്ചു.

ബാബു പാറയ്ക്കലും അജോയ് ജോര്‍ജും ചേര്‍ന്ന് കോണ്‍ഫറന്‍സിനെകുറിച്ചും, രജിസ്‌ട്രേഷന്‍നെ കുറിച്ചും, സുവനീറിലേക്കു നല്‍കാവുന്ന, പരസ്യങ്ങള്‍, ലേഖനങ്ങള്‍, ചെറുകഥകള്‍, ഗാനങ്ങള്‍ എന്നിവയെക്കുറിച്ചും വിവരിച്ചു.

ഫാ.വിജയ് തോമസും, ബാബു പാറയ്ക്കലും ചേര്‍ന്ന് രജിസ്‌ട്രേഷന്‍ കിക്ക് ഓഫ് നിര്‍വഹിച്ചു. തുടര്‍ന്ന്അംഗങ്ങള്‍ രജിസ്റ്റര്‍ചെയ്യുകയും പരസ്യങ്ങള്‍ നല്‍കുകയും ചെയ്തു. ഇടവകയില്‍ നിന്നുംനല്‍കിയ സഹായങ്ങള്‍ക്ക് കമ്മിറ്റിനന്ദി അറിയിച്ചു.