റാഞ്ചി: കോവിഡ് 19 ന്‍റെ ആദ്യ പോസിറ്റീവ് കേസ് ഝാര്‍ഖണ്ഡില്‍ നിന്ന് റിപ്പോര്‍ട്ട് ചെയ്തു. റാഞ്ചിയിലെ ഒരു പള്ളിയില്‍ മറ്റ് 17 വിദേശികളോടൊപ്പം ഒളിച്ചിരിക്കുന്ന നിലയില്‍ കണ്ടെത്തിയ ഒരു മലേഷ്യന്‍ യുവതി കൊറോണ വൈറസ് പോസിറ്റീവ് ആണെന്ന് കണ്ടെത്തി.

പ്രിന്‍സിപ്പല്‍ ഹെല്‍ത്ത് സെക്രട്ടറി നിതിന്‍ മദന്‍ കുല്‍ക്കര്‍ണിയെ ഉദ്ധരിച്ചുള്ള റിപ്പോര്‍ട്ടിന്റെ അടിസ്ഥാനത്തില്‍ ചൊവ്വാഴ്ച 17 വിദേശികള്‍ ഉള്‍പ്പെടെ 24 പേരോടൊപ്പം പള്ളിയില്‍ ഒളിച്ചിരിക്കുന്ന നിലയില്‍ കണ്ടെത്തിയവരില്‍ ഒരു യുവതി കൊവിഡ്-19 പോസിറ്റീവാണെന്ന് കണ്ടെത്തി.

റാഞ്ചി പോലീസ് തിങ്കളാഴ്ച (മാര്‍ച്ച് 30) റാഞ്ചിയിലെ ഒരു പള്ളിയില്‍ റെയ്ഡ് നടത്തിയിരുന്നു. അവിടെ 17 വിദേശികള്‍ ഉള്‍പ്പെടെ 24 പേര്‍ ഒളിച്ചിരിക്കുന്നതായി കണ്ടെത്തുകയായിരുന്നു.

പിടികൂടിയവരെ റാഞ്ചിയിലെ ഖേല്‍ ഗാവോണിലെ ക്വാറന്റൈന്‍ കേന്ദ്രത്തിലേക്കയച്ചു. 17 വിദേശികളില്‍ എട്ട് പേര്‍ മലേഷ്യ, മന്നു ബ്രിട്ടീഷ് പൗരര്‍, രണ്ട് വെസ്റ്റ് ഇന്‍ഡീസ്, രണ്ട് ഗാംബിയ, ഹോളണ്ട്, ബംഗ്ലാദേശ് എന്നിവിടങ്ങളില്‍ നിന്നുള്ളവരാണ്.

റാഞ്ചിയിലെ ഹിന്ദ്പിരി പോലീസ് സ്റ്റേഷന് കീഴിലുള്ള ബാഡി മസ്ജിദ് എന്ന പള്ളിയില്‍ ചിലര്‍ താമസിക്കുന്നതായി റാഞ്ചി പോലീസിന് വിവരം ലഭിച്ചതനുസരിച്ചാണ് റെയ്ഡ് നടത്തിയത്.

മെഡിക്കല്‍ സംഘവുമായി പോലീസ് പള്ളിയിലെത്തിയപ്പോള്‍ അവിടെ ഒളിച്ചിരുന്നവര്‍ കഴിഞ്ഞ ഒരു മാസമായി പള്ളിയില്‍ താമസിക്കുതായി കണ്ടെത്തി.

കഴിഞ്ഞയാഴ്ച റാഞ്ചിയുടെ പ്രാന്തപ്രദേശത്തുള്ള ബുണ്ടുവിലെ പള്ളിയില്‍ ഒമ്പത് മുസ്ലീങ്ങള്‍ ഒളിച്ചിരിക്കുന്നതായി കണ്ടെത്തിയിരുന്നു. അവരെ ക്വാറന്റൈന്‍ വാര്‍ഡുകളിലേക്ക് അയച്ചു. അവരില്‍ ചിലര്‍ ചൈനയില്‍ നിന്നുള്ളവരായിരുന്നു.