ജീവന്‍ രക്ഷാമരുന്ന് പോലീസിന് കൈമാറുന്ന ടീം വെല്‍ഫെയര്‍ ജില്ലാ ക്യാപ്റ്റന്‍ ബാബു തരൂര്‍

പാലക്കാട്: നെല്ലിയാമ്പതിയിലെ നിര്‍ധനനായ വ്യക്തിക്കുള്ള ജീവന്‍ രക്ഷാ മരുന്ന് തൃശൂര്‍ മെഡിക്കല്‍ കോളേജില്‍ നിന്നും പോലീസ് സഹായത്തോടെ ടീം വെല്‍ഫെയര്‍ വളണ്ടിയര്‍മാര്‍ രോഗിയുടെ വീട്ടിലെത്തിച്ചു. നെല്ലിയാമ്പതി പാടഗിരി സ്റ്റേഷനിലെ പോലീസ് ഉദ്യോഗസ്ഥന്‍ അരവിന്ദാക്ഷന് ടീം വെല്‍ഫെയര്‍ ജില്ലാ ക്യാപ്റ്റന്‍ ബാബു തരൂര്‍ മരുന്നുകള്‍ കൈമാറി. സ്റ്റേഷനില്‍ നിന്നും രോഗിയുടെ വീട്ടില്‍ മരുന്നെത്തിച്ചു.

വെല്‍ഫെയര്‍ പാര്‍ട്ടി, ഫ്രറ്റേണിറ്റി, ടീം വെല്‍ഫെയര്‍ എന്നിവയുടെ സംയുക്താഭിമുഖ്യത്തില്‍ പോലീസ് ഹെല്‍പ്പ് ലൈനിൻ്റെ സഹായത്തോടെ ജില്ലയില്‍ നിരവധി രോഗികള്‍ക്ക് അവശ്യമരുന്നുകള്‍ എത്തിച്ചു വരുന്നുണ്ട്.