ന്യൂയോര്‍ക്ക്: ഏപ്രില്‍ ഏഴിന് ന്യൂയോര്‍ക്കില്‍ നിര്യാതയായ മറിയാമ്മ മാത്യുവിന്റെ സംസ്ക്കാരം ഏപ്രില്‍ 14 ചൊവ്വാഴ്ച (നാളെ) രാവിലെ 11:30ന് വെസ്റ്റ്ബറിയിലുള്ള ഹോളി റൂഡ് സെമിത്തേരിയില്‍ നടക്കും. രാവിലെ 9:00 മണി മുതല്‍ 11:00 മണിവരെ മിനിയോളയിലുള്ള കാസിഡി ഫ്യൂണറല്‍ ഹോമില്‍ പൊതുദര്‍ശനം ഉണ്ടായിരിക്കും. നിലവിലെ സാഹചര്യത്തില്‍ കുടുംബാംഗങ്ങള്‍ക്ക് മാത്രമേ സര്‍‌വീസില്‍ പങ്കെടുക്കാനുള്ള അനുമതിയുള്ളൂ. മറ്റുള്ളവര്‍ക്ക് സംസ്ക്കാര ശുശ്രൂഷകള്‍ ലൈവ് സ്‌ട്രീമിംഗിലൂടെ ദര്‍ശിക്കാവുന്നതാണ്. https://youtu.be/2w-Z26umr7Q

തൊടുപുഴ കരിം‌കുന്നം പുത്തന്‍‌പുരയില്‍ പരേതനായ കുരുവിളയുടെ മകളും, നെടിയശാല പുത്തന്‍‌വീട്ടില്‍ മാത്യു കോശിയുടെ ഭാര്യയുമാണ് പരേതയായ മറിയാമ്മ മാത്യു (80). ന്യൂ ഹൈഡ് പാര്‍ക്ക് നിവാസിയായ പരേത ലോംഗ് ഐലന്റിലെ എന്‍‌വൈ‌യു വിന്‍‌ത്രോപ്പ് ആശുപത്രിയില്‍ കൊവിഡ്-19 സംബന്ധമായ അസുഖത്തിന് ചികിത്സയിലിരിക്കെയാണ് മരണത്തിന് കീഴടങ്ങിയത്.

മക്കള്‍: വിനി, വിജു, ജിജു.

മരുമക്കള്‍: ഷാജു സാം (കേരള സമാജം മുന്‍ പ്രസിഡന്റ്), ഷിജി, സബ്ലിയ.

പതിനൊന്ന് പേരക്കുട്ടികളും രണ്ട് കൊച്ചുമക്കളുമുണ്ട്.