ബര്‍മിംഗ്ഹാം: ബ്രിട്ടനിലെ ബര്‍മിംഗ്ഹാം നഗരത്തില്‍ കൊവിഡ്-19 ബാധിച്ച ഒരു അമ്മയ്ക്ക് പ്രസവശേഷം കുട്ടിയെ ഒന്നു തൊടാന്‍ പോലും കഴിഞ്ഞില്ല. കൊറോണ ഇരുവരെയും എന്നന്നേക്കുമായി വേര്‍പെടുത്തി. പ്രസവിച്ച് കുറച്ച് ദിവസങ്ങള്‍ക്ക് ശേഷം കൊറോണ ബാധിച്ച അമ്മ മരിച്ചു.

ഫൗസിയ ഹനീഫ് (29) ആണ് ആ ഹതഭാഗ്യ. കുഞ്ഞിന് ജന്മം നല്‍കിയ ഉടനെ തന്നെ അവരെ പ്രത്യേക വാര്‍ഡിലേക്ക് മാറ്റി. കുറച്ച് ദിവസങ്ങള്‍ക്ക് ശേഷം ഐസിയുവിലേക്ക് മാറ്റുകയും ആറു ദിവസത്തിനുശേഷം മരണപ്പെടുകയുമായിരുന്നു. കൊവിഡ്-19 ആണെന്ന് പിന്നീട് സ്ഥിരീകരിച്ചു.

ഗര്‍ഭാവസ്ഥയില്‍ ഫൗസിയക്ക് പതിവായി പ്രസവ പരിശോധന ഉണ്ടായിരുന്നുവെന്നും ഒരു പ്രാവശ്യം നേരിയ പനി ഉള്ളതായി കണ്ടെത്തിയെന്നും പിന്നീട് കോവിഡ് -19 ന് പോസിറ്റീവ് ആയെന്നും ബന്ധുക്കള്‍ പറഞ്ഞു. ഭര്‍ത്താവ് വാജിദ് അലി പറഞ്ഞത് അവളെ ആശുപത്രിയില്‍ സൂക്ഷിക്കാന്‍ പോകുന്നുവെന്നും അവര്‍ ഒരു കോവിഡ് ടെസ്റ്റ് നടത്താന്‍ പോകുന്നുവെന്നുമാണ്.

രോഗലക്ഷണങ്ങള്‍ വളരെ കുറവായതിനാല്‍ ഡിസ്ചാര്‍ജ് ചെയ്തു വീട്ടില്‍ പോയി. പക്ഷേ പിന്നീട് ഫൗസിയയ്ക്ക് ശ്വാസം മുട്ടല്‍ ഉണ്ടാകുകയും ആശുപത്രിയില്‍ വീണ്ടും പ്രവേശിപ്പിക്കുകയും ചെയ്തു. കുട്ടിയുടെ ഫോട്ടോ കാണിച്ചു കൊടുത്തു. ഉടനെ വീട്ടിലേക്ക് പോകാമെന്നും പറഞ്ഞു. പക്ഷെ, നിര്‍ഭാഗ്യവശാല്‍ അതിനു കഴിഞ്ഞില്ലെന്നും വാജിദ് പറഞ്ഞു.

യു കെയില്‍ ഇതുവരെ 2,831,785 പേരെ കൊറോണ ബാധിച്ചു, 197,306 പേര്‍ മരിച്ചു. 143,464 പേര്‍ കൊറോണ പോസിറ്റീവ് ആണെന്ന് കണ്ടെത്തിയിട്ടുണ്ട്. ബ്രിട്ടനില്‍ സാമൂഹിക അകലം പാലിക്കാന്‍ ആളുകളോട് ആവശ്യപ്പെട്ടിട്ടുണ്ട്. ബോറിസ് ജോണ്‍സണ്‍ വരെ രാജ്യത്തിന്‍റെ പ്രധാനമന്ത്രി കൊറോണയുടെ പിടിയിലായിരുന്നു. എന്നാല്‍ ചികിത്സയ്ക്ക് ശേഷം അദ്ദേഹം സുഖം പ്രാപിച്ചു.