Flash News

കൊവിഡ് പോരാളികള്‍ക്ക് ആദരം; ആശുപത്രികള്‍ക്ക് മുകളില്‍ പുഷ്പവൃഷ്ടി നടത്തി ഇന്ത്യന്‍ സേന

May 3, 2020

senaന്യൂഡല്‍ഹി: കൊവിഡ്-19 രോഗത്തോട് പോരാടുന്ന ആരോഗ്യപ്രവര്‍ത്തകരോടുള്ള ആദരവ് പ്രകടിപ്പിച്ച് ഇന്ത്യന്‍ സൈന്യം. ആശുപത്രികള്‍ക്ക് മുകളില്‍ പുഷ്പവൃഷ്ട നടത്തിയും നാവികസേന കപ്പലുകളില്‍ ലൈറ്റ് തെളിയിച്ചുമാണ് ആദരവ് അറിയിക്കുന്നത്.

ശ്രീനഗര്‍ മുതല്‍ തിരുവനന്തപുരം വരെയും ദിബ്രിഗഡ് മുതല്‍ കച്ച് വരെയുമുള്ള പ്രധാന നഗരങ്ങളെ ബന്ധിപ്പിച്ച് കൊണ്ട് വിമാനങ്ങള്‍ പറക്കും.  കൊറോണ വൈറസ് രോഗികള്‍ക്ക് ചികിത്സ നല്‍കുന്ന ആശുപത്രികള്‍ക്ക് മുകളിലാണ് പുഷ്പവൃഷ്ടി നടത്തുന്നത്.

വ്യോമസേനയുടെ ട്രാന്‍സ്‌പോര്‍ട്ട് വിമാനങ്ങളും മിഗ് യുദ്ധവിമാനങ്ങളും ഫ്‌ളൈ പാസ്റ്റില്‍ പങ്കെടുക്കുന്നുണ്ട്. സേനയുടെ ബാന്‍ഡ് മേളവും വിവിധയിടങ്ങളില്‍ നടക്കും. ആദരസൂചകമായി നാവികസേന കപ്പലുകള്‍ ദീപാലകൃതമാക്കി. ദീപാലംകൃതമാക്കുന്നതിന്റെ റിഹേഴ്‌സല്‍ ഇന്നലെ മുംബൈയില്‍ നാവിക സേന നടത്തിയിരുന്നു.

ചീഫ് ഓഫ് ഡിഫന്‍സ് സ്റ്റാഫ് (സിഡിഎസ്) ജനറല്‍ ബിപിന്‍ റാവത്ത് നേരത്തെ പ്രഖ്യാപിച്ച പ്രകാരം ഇന്ത്യന്‍ വ്യോമസേനയുടെ (ഐഎഎഫ്) യുദ്ധവിമാനങ്ങളും യാത്രാ വിമാനങ്ങളും ഞായറാഴ്ച രാജ്യത്തിന്റെ വിവിധ ഭാഗങ്ങളില്‍ ഇന്ന് പറക്കും. ഫ്‌ളൈ പാസ്റ്റിനെ പ്രധാനമന്ത്രി സ്വാഗതം ചെയ്തു.

വിവിധയിടങ്ങളില്‍ പുഷ്പവൃഷ്ടി നടത്തി. രാവിലെ 9നും പത്തിനുമിടയ്ക്ക് അഹമ്മദാബാദിലെയും ഗാന്ധിനഗറിലെയും ആശുപത്രികള്‍ക്ക് മുകളിലാണ് വ്യോമസേന പുഷ്പവൃഷ്ടി നടത്തി. ഇറ്റാനഗര്‍, ഗുവാഹത്തി, ഷില്ലോങ്, കൊല്‍ക്കത്ത എന്നിവിടങ്ങളില്‍ 10.30നും വ്യോമസേന പുഷ്പവൃഷ്ടി നടത്തി. യുപിയില്‍ 10.15നും 10.30നുമിടയ്ക്കാണ് പുഷ്പവൃഷ്ടി. ഡല്‍ഹിയില്‍ 10നും 11നുമിടയ്ക്ക് വിമാനങ്ങള്‍ പറക്കും. കേരളത്തില്‍ തിരുവനന്തപുരം മെഡിക്കല്‍ കോളേജിനും ജനറല്‍ ആശുപത്രിയ്ക്കും മുകളിലാണ് വ്യോമസേനയുടെ പുഷ്പവൃഷ്ടിയുണ്ടാവുക.



Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top