Flash News

മാംസഭുക്കുകള്‍ക്ക് കഷ്ടകാലം, കുട്ടികളെ ലക്ഷ്യം വെച്ച ആ അദൃശ്യ രോഗം എന്ത്?

May 7, 2020 , ജോര്‍ജ് തുമ്പയില്‍

May 7 bannerന്യൂജേഴ്‌സി: കൊറോണ വൈറസ് പകര്‍ച്ചവ്യാധിയെത്തുടര്‍ന്ന് ന്യൂജേഴ്‌സിയില്‍ പ്രഖ്യാപിച്ച പൊതുജനാരോഗ്യ അടിയന്തരാവസ്ഥ 30 ദിവസത്തേക്ക് ഗവര്‍ണര്‍ ഫില്‍ മര്‍ഫി നീട്ടി. മാര്‍ച്ച് 9 ന് ന്യൂജേഴ്‌സിയില്‍ പകര്‍ച്ചവ്യാധി പടരാന്‍ തുടങ്ങിയപ്പോള്‍ മര്‍ഫി അടിയന്തരാവസ്ഥയും പൊതുജനാരോഗ്യ അടിയന്തരാവസ്ഥയും പ്രഖ്യാപിച്ചു. ഒരു മാസത്തിനുശേഷം ഏപ്രില്‍ 7 ന് അദ്ദേഹം പൊതുജനാരോഗ്യ അടിയന്തരാവസ്ഥ നീട്ടി. അടിയന്തരാവസ്ഥ അനിശ്ചിതമായി നിലനില്‍ക്കുന്നുണ്ടെങ്കിലും പൊതുജനാരോഗ്യ അടിയന്തരാവസ്ഥ 30 ദിവസത്തിന് ശേഷം അവസാനിക്കുമെന്ന് ഗവര്‍ണര്‍ പറഞ്ഞു.

കോവിഡ് 19 അനുബന്ധ കാരണങ്ങളാല്‍ സംസ്ഥാനത്ത് 8,549 പേര്‍ മരിച്ചു. ബുധനാഴ്ച 308 പേര്‍ കൂടി മരണമടഞ്ഞതായി അധികൃതര്‍ അറിയിച്ചു. സ്ഥിരീകരിച്ചതോ സംശയിക്കപ്പെടുന്നതോ ആയ കൊറോണ വൈറസ് കേസുകളുമായി ആശുപത്രിയില്‍ പ്രവേശിപ്പിച്ചവരുടെ എണ്ണം ബുധനാഴ്ച രാത്രി അഞ്ച് ആഴ്ചയ്ക്കുള്ളില്‍ ആദ്യമായി 5,000 ല്‍ താഴെയായി.

കൊറോണ മൂലം അടച്ചിട്ടിരുന്ന ചില അനിവാര്യ ബിസിനസുകള്‍ ഉടന്‍ തന്നെ വീണ്ടും തുറക്കാന്‍ അനുവദിക്കാമെന്നും അനിവാര്യമല്ലാത്ത നിര്‍മ്മാണം പോലെയുള്ളവ ദിവസങ്ങള്‍ക്കുള്ളില്‍ പുനരാരംഭിക്കാമെന്നും ഗവര്‍ണര്‍ പറഞ്ഞു. ഈ വേനല്‍ക്കാലത്ത് ബീച്ചുകള്‍ എങ്ങനെ പ്രവര്‍ത്തിക്കണം എന്നതിനെക്കുറിച്ച് സംസ്ഥാനം ഉടന്‍ മാര്‍ഗനിര്‍ദേശം നല്‍കുമെന്നും മര്‍ഫി പറഞ്ഞു. അതേസമയം, അമേരിക്കയില്‍ ഇതുവരെ 74810 പേര്‍ മരിച്ചു. 1263243 പേര്‍ക്ക് രോഗം ബാധിച്ചു. ഇതില്‍ 213109 പേര്‍ കോവിഡ് മുക്തരായിട്ടുണ്ട്.

നോണ്‍ വെജുകാര്‍ നക്ഷത്രമെണ്ണും
നോണ്‍ വെജു കഴിക്കുന്നവര്‍ ജാഗ്രതൈ. സംഗതിക്ക് വളരെ ക്ഷാമമാകുന്നുവെന്ന് റിപ്പോര്‍ട്ടുണ്ട്. കോവിഡ് 19 മീറ്റ് പാക്കിങ് ജീവനക്കാരില്‍ പടരുന്നുവെന്ന സ്ഥിരീകരിക്കാത്ത വാര്‍ത്ത കാരണം വലിയ ഗ്രോസറി ഷോപ്പുകള്‍ ഉള്‍പ്പെടെയുള്ളവ ഇവയുടെ സ്റ്റോക്കിങ് നിര്‍ത്തിയിട്ടുണ്ട്. എന്നാല്‍ തങ്ങള്‍ സ്‌റ്റോക്കിങ് നിര്‍ത്തിയതല്ലെന്നും ഉത്പാദനത്തിലാണ് വലിയ കുറവ് വന്നിരിക്കുന്നതെന്നുമാണ് ഇവരുടെ അഭിപ്രായം. എന്തായാലും മാംസത്തിന് റേഷനിങ് ഏര്‍പ്പെടുത്തി കഴിഞ്ഞു. ന്യൂജേഴ്‌സി സംസ്ഥാനത്ത് ഇത് നടപ്പിലായിട്ടുണ്ട്. മറ്റുള്ള സംസ്ഥാനങ്ങൡും വൈകാതെ സംഭവിച്ചേക്കും. നോണ്‍ വെജ് ആസക്തിയുള്ളവര്‍ സൂക്ഷിക്കുന്നത് നന്നായിരിക്കും.

മാംസം ഡിസ്‌പ്ലേ ചെയ്തു വയ്ക്കുന്നത് വളരെയധികം ബുദ്ധിമുട്ടായതു കൊണ്ടു മാത്രമല്ല കൊറോണ കാരണമാണ് ഇപ്പോള്‍ ഗ്രോസറി ഷോപ്പുകളില്‍ ഇത് ഡിസ്‌പ്ലേയ്ക്ക് വെക്കാത്തതെന്നു കടയുടമകള്‍ പറയുന്നു. എന്നാല്‍ ഇതിനു വില്‍പ്പന പരിധി ഏര്‍പ്പെടുത്തിയതാണ് കാരണമെന്നു പകല്‍ പോലെ വ്യക്തം.

Costco 2കൊറോണ സമയത്ത് ഷോപ്പര്‍മാര്‍ ടോയ്‌ലറ്റ് പേപ്പര്‍ മുതല്‍ മാംസം വരെ എല്ലാം ആവശ്യത്തില്‍ കൂടുതല്‍ സൂക്ഷിക്കാന്‍ തുടങ്ങിയതോടെ സൂപ്പര്‍ മാര്‍ക്കറ്റുകള്‍ ബീഫ്, ചിക്കന്‍, പോര്‍ക്ക് എന്നിവ ഉപഭോക്താക്കള്‍ക്ക് എത്രത്തോളം വാങ്ങാമെന്നതിന് പരിധി നിശ്ചയിക്കുകയായിരുന്നു. ഇപ്പോള്‍ ഒട്ടുമിക്ക സൂപ്പര്‍മാര്‍ക്കറ്റുകളും ഏതാണ്ട് ഇതേ രീതിയിലാണ്. അവരും പരിധികള്‍ നിശ്ചയിക്കുന്നു. ചില സാഹചര്യങ്ങളില്‍ ഒരാള്‍ക്ക് ഒന്നോ രണ്ടോ പാക്കേജ് മാംസം മാത്രം വാങ്ങാന്‍ അനുവദിക്കുന്നു.

മീറ്റ്പാക്കിംഗ് പ്ലാന്റുകളിലെ ആയിരക്കണക്കിന് തൊഴിലാളികള്‍ക്ക് കോവിഡ് 19 ബാധിച്ചിരിക്കുന്നുവെന്ന വാര്‍ത്തകള്‍ വന്നതോടെയാണ് ചിലരെങ്കിലും ഭക്ഷ്യ വിതരണ ശൃംഖല തകരുമെന്ന് ആശങ്കപ്പെടുന്നത്. ഇതോടെ കൂടുതല്‍ മാംസം വാങ്ങി സൂക്ഷിക്കാന്‍ ചില ഉപയോക്താക്കള്‍ ശ്രമിച്ചതോടെയാണ് കടകള്‍ ഈ വിധത്തില്‍ വാങ്ങല്‍ പരിധി നിശ്ചയിച്ചത്. ഈ മേഖലയില്‍ പ്രവര്‍ത്തിക്കുന്ന ഒരു ലക്ഷത്തോളം ജീവനക്കാരെ കൊറോണയില്‍ നിന്നും സുരക്ഷിതരാക്കാന്‍ ശ്രമിക്കുന്നതിനിടയിലാണിത്. കോവിഡ് സംശയത്തെ തുടര്‍ന്ന് ഇറച്ചി ഉല്‍പന്നങ്ങള്‍ നശിപ്പിക്കുന്നതിലെ ബുദ്ധിമുട്ട് വിവരിക്കുന്ന ടൈസണ്‍ ഫുഡ്‌സ് അടുത്തിടെ ന്യൂയോര്‍ക്ക് ടൈംസിലും മറ്റ് പത്രങ്ങളിലും ഇക്കാര്യം വ്യക്തമാക്കി ഒരു ഫുള്‍ പേജ് പരസ്യം നല്‍കി.

ക്ഷാമം ഒഴിവാക്കാന്‍, പ്രതിരോധ ഉല്‍പാദന നിയമപ്രകാരം ഇറച്ചി ‘ദേശീയ പ്രതിരോധത്തിന് അത്യന്താപേക്ഷിതവും നിര്‍ണായകവുമായ വസ്തുവാണ്’ എന്ന് പ്രഖ്യാപിക്കുന്ന എക്‌സിക്യൂട്ടീവ് ഉത്തരവില്‍ പ്രസിഡന്റ് ഡോണള്‍ഡ് ട്രംപ് കഴിഞ്ഞ ആഴ്ച ഒപ്പിട്ടു. ആക്‌മെ, കോസ്റ്റ്‌കോ, സാംസ് ക്ലബ്, ഷോപ്പ് റൈറ്റ്, വെഗ്മാന്‍സ്, ലിയോനാര്‍ഡ്‌സ് എന്നിവയാണ് ഇറച്ചിക്ക് വാങ്ങല്‍ പരിധി നിശ്ചയിച്ചിട്ടുള്ള വലിയ സൂപ്പര്‍മാര്‍ക്കറ്റുകള്‍. ചിക്കന്‍ ബ്രെസ്റ്റ് വില്‍ക്കുന്നത് താല്‍ക്കാലികമായി നിര്‍ത്തിയതിനാല്‍ സ്‌റ്റോറുകള്‍ക്ക് പെന്‍സില്‍വേനിയയിലെ കര്‍ഷകരില്‍ നിന്ന് ലഭിക്കുന്ന മുഴുവന്‍ ബ്രെസ്റ്റ് ഭാഗങ്ങളും നല്‍കാമെന്ന് കണക്റ്റിക്കട്ട് ആസ്ഥാനമായുള്ള നോര്‍വാര്‍ക്ക് ചീഫ് എക്‌സിക്യൂട്ടീവ് സ്റ്റീവ് ലിയോനാര്‍ഡ് ജൂനിയര്‍ മാധ്യമപ്രവര്‍ത്തകരോട് പറഞ്ഞു. ചിക്കന്‍ബ്രെസ്റ്റ് വില്‍പ്പന ഏകദേശം 60% ഉയര്‍ന്നു, ലിയോനാര്‍ഡ് കൂട്ടിച്ചേര്‍ത്തു. മാര്‍ച്ചില്‍ ന്യൂയോര്‍ക്ക് ആസ്ഥാനമായുള്ള വെഗ്മാന്‍സ് ബീഫ്, ചിക്കന്‍, പോര്‍ക്ക് എന്നിവ ഒരു കുടുംബത്തിന് രണ്ട് പായ്ക്കറ്റായി പരിമിതപ്പെടുത്തിയിരുന്നു.

കുട്ടികള്‍ക്കൊപ്പം ഒബാമയും മിഷേലും
കൊറോണ മൂലം അമേരിക്കന്‍ വിദ്യാഭ്യാസ സമ്പ്രദായം തന്നെ മാറി മറിയുന്നു. നാല്‍പ്പത്തഞ്ചോളം സംസ്ഥാനങ്ങളില്‍ സ്‌കൂളുകള്‍ ഈ അധ്യയനവര്‍ഷം തുറക്കേണ്ടതില്ലെന്നാണ് തീരുമാനം. അതേസമയം, മിക്കയിടത്തും ഓണ്‍ലൈന്‍ ക്ലാസുകളും നടക്കുന്നു. എന്നാല്‍, രാജ്യമെമ്പാടുമുള്ള സ്‌കൂളുകള്‍ക്ക് പരമ്പരാഗത ബിരുദദാനച്ചടങ്ങുകള്‍ ഉപേക്ഷിക്കേണ്ടി വരുന്നുവെന്നതാണ് ഖേദകരം. ഇവര്‍ക്കൊക്കെയും ഒരു അധ്യയന വര്‍ഷം നഷ്ടപ്പെടേണ്ടി വന്നേക്കുമെന്നാണ് സൂചനകള്‍. ഈ വിഷമം ഒഴിവാക്കാനായി ഇപ്പോള്‍, മുന്‍ പ്രസിഡന്റ് ബരാക്ക് ഒബാമയും മിഷേല്‍ ഒബാമയും വിദ്യാര്‍ത്ഥികളെ പിന്തുണയ്ക്കാന്‍ അണിനിരക്കുന്നു.

മെയ് 16 ശനിയാഴ്ച, ഇരുവരും കോളേജുകളെയും സര്‍വകലാശാലകളെയും കേന്ദ്രീകരിച്ചുള്ള ‘ഷോ മി യുവര്‍ വാക്ക്, എച്ച്ബിസിയു’ വിന്റെ ഭാഗമാകും. അന്ന് രാത്രി ‘ഗ്രാജുവേറ്റ് ടുഗെദര്‍’, ഹൈസ്‌കൂള്‍ ക്ലാസുകളെക്കുറിച്ചുള്ള ഒരു മണിക്കൂര്‍ പ്രത്യേക പരിപാടിയിലും ഇരുവരും പങ്കെടുക്കും. ഇത് ഓണ്‍ലൈനിലും നെറ്റ്‌വര്‍ക്ക് ടിവിയിലും സംപ്രേഷണം ചെയ്യും.

വിദ്യാര്‍ത്ഥികള്‍ക്കു വേണ്ടി ജൂണ്‍ 6 ന്, ബരാക് ഒബാമ, മിഷേല്‍ ഒബാമ, ലേഡി ഗാഗ, ബിടിഎസ്, മലാല യൂസഫ്‌സായ്, മുന്‍ സ്‌റ്റേറ്റ് സെക്രട്ടറി കോണ്ടലീസ റൈസ്, ആല്‍ഫബെറ്റ് / ഗൂഗിള്‍ സിഇഒ സുന്ദര്‍ പിച്ചായ്, മുന്‍ പ്രതിരോധ സെക്രട്ടറി എന്നിവരുമായി യൂട്യൂബ് പ്രത്യേക പരിപാടി നടത്തുന്നുണ്ട്. ലോസ് ഏഞ്ചല്‍സിലെ സീനിയര്‍ ഹൈസ്‌കൂള്‍ വിദ്യാര്‍ത്ഥി ലിങ്കണ്‍ ഡെബെന്‍ഹാം ഒരു അഭ്യര്‍ത്ഥന ട്വീറ്റ് ചെയ്തതിന് ശേഷമാണ് ഈ പ്രഖ്യാപനം വന്നത്. ഞായറാഴ്ച 18 വയസ്സ് തികയുന്ന ഡെബെന്‍ഹാം ജൂണില്‍ ഹൈസ്‌കൂള്‍ ബിരുദം നേടാനിരിക്കുകയായിരുന്നു. പൊളിറ്റിക്കല്‍ സയന്‍സില്‍ മുഖ്യവിഷയമായെടുത്ത് ലോസ് ഏഞ്ചല്‍സിലെ കാലിഫോര്‍ണിയ സ്‌റ്റേറ്റ് യൂണിവേഴ്‌സിറ്റിയില്‍ ചേരാന്‍ ആഗ്രഹിച്ചിരുന്ന ഈ കൗമാരക്കാരന്റെ മോഹങ്ങളെയാണ് കൊറോണ തകര്‍ത്തത്. അത്തരത്തില്‍ വിഷമിച്ചിരിക്കുന്ന വിദ്യാര്‍ത്ഥികള്‍ എന്താണ് കേള്‍ക്കാന്‍ ആഗ്രഹിക്കുന്നതെന്ന് ചിന്തിച്ചതിന്റെ ഫലമാണ് ഈ നീക്കം.

Obamas to address gradsഏപ്രില്‍ 14 ന് ഡെബെന്‍ഹാം പോസ്റ്റുചെയ്തു. ‘മിക്ക ഹൈസ്‌കൂള്‍ / കോളേജ് സീനിയേഴ്‌സിനെയും പോലെ, ബിരുദധാനചടങ്ങെന്ന് ഒരു വിദ്യാര്‍ത്ഥിയുടെ ജീവിതത്തിലെ ഏറ്റവും വലിയ നാഴികക്കല്ലു നഷ്ടപ്പെട്ടതില്‍ ഞാന്‍ മറ്റു വിദ്യാര്‍ത്ഥികളെ പോലെ വിഷമിക്കുന്നു. ഈ ദുരിതസമയത്ത്, നിങ്ങളുടെ ശബ്ദം കേള്‍ക്കാനായാല്‍ ഇത് ഞങ്ങള്‍ക്ക് വലിയ ആശ്വാസം നല്‍കും. ഇത്തരത്തിലൊരു ദേശീയ പ്രാരംഭ പ്രസംഗം നടത്തുന്നത് പരിഗണിക്കാന്‍ ഞങ്ങള്‍ നിങ്ങളോട് ആവശ്യപ്പെടുന്നു.’

ഏപ്രിലില്‍ തന്റെ ട്വീറ്റ് ശക്തി പ്രാപിച്ചതിന് ശേഷം, മുന്‍ വൈസ് പ്രസിഡന്റ് ജോ ബിഡനെ പ്രസിഡന്റായി ഒബാമ അംഗീകരിക്കുന്നതായി കേട്ടപ്പോഴാണ് ഈ ആശയം തനിക്ക് വന്നതെന്ന് ഈഗിള്‍ റോക്ക് ഹൈസ്‌കൂളിലെ വിദ്യാര്‍ത്ഥി ഡെബെന്‍ഹാം പറഞ്ഞു. ബരാക് ഒബാമ 2016 ല്‍ റട്‌ജേഴ്‌സ് യൂണിവേഴ്‌സിറ്റിയില്‍ ഇത്തരത്തിലൊരു പ്രാരംഭ പ്രസംഗം നടത്തി. പ്രസിഡന്റായി അദ്ദേഹം അധികാരമേറ്റതിനുശേഷം നല്‍കിയ നിരവധി പ്രഭാഷണങ്ങളില്‍ ഒന്നായിരുന്നു ഇത്.

വൈറ്റ് ഹൗസില്‍ ആരംഭിച്ച മിഷേല്‍ ഒബാമയുടെ റീച്ച് ഹയര്‍ സംരംഭവും ‘2020 ലെ പ്രിയ ക്ലാസ്’ ഇവന്റിനായി യൂട്യൂബുമായി സഹകരിച്ചു. അലീഷ്യ കീസ്, സെന്‍ഡയ, ക്ലോയി എക്‌സ് ഹാലെ, കെല്ലി റോളണ്ട്, കെറി വാഷിംഗ്ടണ്‍ എന്നിവരും ഒപ്പമുണ്ട്.

കുട്ടികളില്‍ അപൂര്‍വ്വരോഗം, പടരുന്നത് കോവിഡ് കവസാക്കി?
ക്വീന്‍സ് റിച്ച്മണ്ട് ഹില്ലിലെ എട്ടു വയസ്സുള്ള ആരോഗ്യവാനായ കുട്ടിയായിരുന്നു ജെയ്ഡന്‍ ഹാര്‍ഡോവര്‍. മാതാപിതാക്കളും മൂന്ന് സഹോദരങ്ങളും. കുടുംബത്തില്‍ ആരും കൊറോണ വൈറസിന് വിധേയരായിരുന്നില്ല. ഏപ്രില്‍ അവസാനത്തോടെ, ജെയ്ഡന് പനിയും വയറിളക്കവും തുടങ്ങി. മാതാപിതാക്കള്‍ ശിശുരോഗവിദഗ്ദ്ധന്റെ അടുത്തേക്ക് കൊണ്ടുപോയി, താമസിയാതെ കുട്ടി ടൈലിനോളിനോട് നന്നായി പ്രതികരിക്കുന്നതായി കാണപ്പെട്ടു. കുറച്ച് ദിവസങ്ങള്‍ക്ക് ശേഷം അവന്റെ ശരീരത്തില്‍ നല്ല ചൂട് തോന്നിയെന്നും ശ്വാസതടസ്സം കാണിച്ചുവെന്നും അമ്മ നവിത ഹാര്‍ഡോവര്‍ പറഞ്ഞു. ഇതൊക്കെയും വയറിളക്കം മൂലമാകാമെന്ന് അവര്‍ വിശ്വസിച്ചതിനാല്‍ വിഷമിച്ചിരുന്നില്ല.

‘മെല്ലെ, അവന്റെ ശരീരശക്തി കുറയാന്‍ തുടങ്ങി, അവന്‍ അല്‍പ്പം ദുര്‍ബലനായിത്തുടങ്ങി,’ ജെയ്ഡന്റെ പിതാവും കോണ്‍ എഡിസന്റെ ജോലിക്കാരനുമായ റൂപ്പ് ഹാര്‍ഡോവര്‍ പറഞ്ഞു. ഏപ്രില്‍ 29 ന് ജയ്ഡന്‍ പൂര്‍ണ്ണമായും കിടപ്പിലായി. ടിവി ഓണാക്കാന്‍ തുടങ്ങിയപ്പോള്‍ അവന്‍ അമ്മേ എന്നു വളരെ ദുര്‍ബലമായി വിളിച്ചതായി നവിത പറഞ്ഞു. അവര്‍ നോക്കുമ്പോള്‍ കുട്ടിയുടെ തലയും കൈകളും പിന്നോട്ട് അനിയന്ത്രിതമായി വളച്ചൊടിയ്ക്കുന്നത് കണ്ടു. അവര്‍ നോക്കുമ്പോള്‍ അവന്റെ ചുണ്ടുകള്‍ എല്ലാം നീലയായിരുന്നു. അവന്റെ പേര് വിളിച്ചു കരയാന്‍ തുടങ്ങി, പക്ഷേ ജെയ്ഡന്‍ പ്രതികരിച്ചില്ല. പള്‍സ് കണ്ടെത്താന്‍ പിതാവ് റൂപ്പ് പാടുപെടുന്നതിനിടയില്‍ ജയ്ഡന്റെ ജ്യേഷ്ഠന്‍ ടൈറോണ്‍ 911 -ല്‍ വിളിച്ചു. രണ്ട് മിനിറ്റിനുള്ളില്‍ ആംബുലന്‍സ് എത്തിയതായും താമസിയാതെ ജയ്ഡനെ ജമൈക്ക ആശുപത്രിയിലേക്ക് കൊണ്ടുപോയെന്നും അവര്‍ പറഞ്ഞു.
അവിടെ നിന്ന് അവെ നാസു കൗണ്ടിയിലെ കോഹന്‍ ചില്‍ഡ്രന്‍സ് ഹോസ്പിറ്റലിലേക്ക് മാറ്റി. അവിടെ സമാനമായ രോഗത്തിനു ചികിത്സിക്കുന്ന നാല്‍പ്പതോളം ശിശുരോഗികളുണ്ടെന്ന് എന്‍ബിസി ന്യൂയോര്‍ക്ക് ആദ്യം റിപ്പോര്‍ട്ട് ചെയ്തു. ജെയ്ഡനെ തീവ്രപരിചരണ വിഭാഗത്തിലെ വെന്റിലേറ്ററില്‍ വേഗത്തില്‍ എത്തിച്ചു.

‘ഇത്തരത്തില്‍ ആറ് പേര്‍ എന്റെ തീവ്രപരിചരണ വിഭാഗത്തില്‍ ഇപ്പോള്‍ ഉണ്ട്. ഈ കുട്ടികള്‍ ഗുരുതര രോഗികളാകാം. ഈ സിന്‍ഡ്രോം വികസിപ്പിക്കുമ്പോള്‍ രക്തക്കുഴലുകളെ ബാധിക്കുകയും അത് കഠിനമായ ഹൃദ്രോഗത്തിലേക്ക് നയിക്കുകയും ചെയ്യും,’ ആശുപത്രിയിലെ പീഡിയാട്രിക് ക്രിട്ടിക്കല്‍ കെയര്‍ മേധാവി ഡോ. ജെയിംസ് ഷ്‌നൈഡര്‍ പറഞ്ഞു.

‘ജയ്ഡന്‍ ഇപ്പോള്‍ എവിടെയാണെന്ന് ഓര്‍ക്കുമ്പോള്‍ എനിക്ക് ഇപ്പോഴും ഒരു പേടിസ്വപ്‌നമാണ്. കഴിഞ്ഞ ആഴ്ച ഈ സമയത്ത് ഞങ്ങള്‍ എല്ലാവരും ഒരുമിച്ച് അത്താഴം കഴിക്കുക, കളിക്കുക, വീട്ടില്‍ നിന്ന് ജോലി ചെയ്യുക, വീട്ടില്‍ നിന്ന് പഠിപ്പിക്കുക, വീട്ടില്‍ നിന്ന് പഠിക്കുക ഒക്കെ ചെയ്തതാണ്. എന്നാലിപ്പോള്‍…,’ പബ്ലിക് സ്‌കൂള്‍ അധ്യാപികയായ നവിത പറഞ്ഞു.

ലോംഗ് ഐലന്റ് ഹോസ്പിറ്റല്‍ ജയ്ഡന് ഒന്നിലധികം പരിശോധനകള്‍ നടത്തിയതായി മാതാപിതാക്കള്‍ പറഞ്ഞു, എല്ലാവരും നെഗറ്റീവ് ആകുമെന്ന് അവര്‍ കരുതി. എന്നാല്‍ ആന്റിബോഡി പരിശോധന നടത്തിയപ്പോള്‍ കുട്ടിക്ക് നേരത്തെ കോവിഡ് 19 ബാധിച്ചതായി ഡോക്ടര്‍മാര്‍ പറഞ്ഞു. തന്റെ മകന് എങ്ങനെയാണ് വൈറസ് ബാധിച്ചതെന്ന് ഡാഡ് റൂപ്പിന് ഇപ്പോഴും ഉറപ്പില്ല.

കുടുംബത്തിലെ മറ്റുള്ളവര്‍ ആന്റിബോഡി പരിശോധന പൂര്‍ത്തിയാക്കി, കൂടാതെ ജെയ്ഡന് അവരില്‍ ഏതെങ്കിലും ഒരാളില്‍ നിന്ന് ഇത് ലഭിച്ചോ എന്ന് അറിയാന്‍ കാത്തിരിക്കുകയാണ്. അവര്‍ക്ക് ഇപ്പോഴും അവനെ സന്ദര്‍ശിക്കാന്‍ കഴിയില്ല, അവര്‍ക്ക് അവനെ കാണണമെങ്കില്‍ വീഡിയോ ചാറ്റ് ചെയ്യണം. ആശുപത്രിയില്‍ പ്രവേശിപ്പിച്ച് മൂന്ന് ദിവസത്തിന് ശേഷം വെന്റിലേറ്ററില്‍ നിന്ന് പുറത്തു കടക്കാന്‍ ജയ്ഡന് കഴിഞ്ഞു.

സമാനമായ പ്രശ്‌നങ്ങള്‍ കാണിച്ച രണ്ട് രോഗികളെ കൂടി ഞായറാഴ്ച രാത്രി പ്രവേശിപ്പിച്ചതായി കോഹന്‍ ചില്‍ഡ്രന്‍സ് ഹോസ്പിറ്റലില്‍ ജോലി ചെയ്യുന്ന ഡോ. ജെയിംസ് ഷ്‌നൈഡര്‍ പറഞ്ഞു. അവര്‍ക്ക് ഇപ്പോള്‍ അത്തരം ആറ് കേസുകള്‍ ഐസിയുവില്‍ ഉണ്ട്. കോവിഡ് 19 മായി ബന്ധമുള്ള കുട്ടികളില്‍ ഒരു പുതിയ സിന്‍ഡ്രോം തിങ്കളാഴ്ച ലോകമെമ്പാടുമുള്ള വിദഗ്ധര്‍ തിരിച്ചറിഞ്ഞു, ഇത് ശരീരത്തെ ദുര്‍ബലമാക്കുന്ന അവസ്ഥയിലേക്ക് മാറ്റുകയും അവയവങ്ങളുടെ തകരാറിന് കാരണമാവുകയും ചെയ്യുമെന്ന് ബോസ്റ്റണ്‍ ചില്‍ഡ്രന്‍സ് ഹോസ്പിറ്റലിലെ കവസാക്കി പ്രോഗ്രാം ഡയറക്ടര്‍ ജെയ്ന്‍ ന്യൂബര്‍ഗര്‍ പറഞ്ഞു, ഈ പുതിയ രോഗം അമേരിക്കയിലുടനീളമുള്ള ഒന്നിലധികം നഗരങ്ങളില്‍ കണ്ടുവരികയാണെന്നും ന്യൂയോര്‍ക്ക് നഗരത്തില്‍ റിപ്പോര്‍ട്ട് ചെയ്യപ്പെട്ട 15 കേസുകളേക്കാള്‍ കൂടുതലാവാന്‍ സാധ്യതയുണ്ടെന്നും പറഞ്ഞു.

ഇത് നഗരത്തെ സംബന്ധിച്ചിടത്തോളം ആശങ്കാജനകമാണെന്നും 21 വയസ്സിന് താഴെയുള്ള കുട്ടികളില്‍ സമാനമായ കേസുകള്‍ ഉടന്‍ റിപ്പോര്‍ട്ട് ചെയ്യണമെന്നും ന്യൂയോര്‍ക്ക് മേയര്‍ ബില്‍ ഡി ബ്ലാസിയോ പറഞ്ഞു. ലക്ഷണങ്ങള്‍ ടോക്‌സിക് ഷോക്ക് സിന്‍ഡ്രോം കൂടാതെ/അല്ലെങ്കില്‍ കവസാക്കി രോഗവുമായി സാമ്യമുണ്ടെന്ന് വിദഗ്ദ്ധര്‍ പറയുന്നു. കവസാക്കി ഒരു സ്വയം രോഗപ്രതിരോധ രോഗമാണ്, ഇത് വൈറല്‍ അണുബാധയ്ക്ക് കാരണമാവുകയും വേഗത്തില്‍ ചികിത്സിച്ചില്ലെങ്കില്‍ ധമനികള്‍ക്കും ഹൃദയത്തിനും ജീവന്‍ അപകടത്തിലാക്കുകയും ചെയ്യും.

കൊറോണ വൈറസ് കുട്ടികളെ ശരിക്കും ബാധിക്കുന്നില്ല എന്ന മുന്‍ ധാരണയെ ഈ അപൂര്‍വ്വ രോഗം നിരാകരിക്കുന്നതായും പുതിയ കേസുകള്‍ പ്രത്യക്ഷപ്പെടുന്നതായും എഫ്ഡിഎയുടെ മുന്‍ മേധാവിയും ന്യൂയോര്‍ക്ക് സിറ്റി എമര്‍ജന്‍സി റൂം ഫിസിഷ്യനുമായ സ്‌കോട്ട് ഗോട്‌ലീബ് പറഞ്ഞു. നാഷണല്‍ ഇന്‍സ്റ്റിറ്റിയൂട്ട് ഓഫ് എപ്പിഡെമിക്ക് ഡിസീസ് ഡയറക്ടര്‍ ഡോ. ആന്റണി ഫൗസിയും മുന്നറിയിപ്പ് നല്‍കിയിട്ടുണ്ട്.

സമൂഹമാധ്യമങ്ങളിലെ ബോധവത്ക്കരണം
ഇത് സോഷ്യല്‍ മീഡിയ മേളിക്കുന്ന സമയമാണല്ലോ. കാരണത്തിനും അകാരണത്തിനുമൊക്കെ പലരും മുന്നിലുണ്ട്. ഓരോ പോസ്റ്റിട്ട് ആഹ്ലാദിക്കുന്ന ഒട്ടേറെ പേര്‍. പക്ഷേ, ഇന്ന് കണ്ട ഒരു പോസ്റ്റിങ് ശ്രദ്ധേയമായി തോന്നി. അതിപ്രകാരമാണ്, നിബന്ധനകളില്‍ ഇളവുകളില്‍ നല്‍കിയിട്ടുള്ളത് സര്‍ക്കാരാണ്. കൊറോണ യാതൊരു വിധ ഇളവുകളും നല്‍കിയിട്ടില്ല. അതു കൊണ്ട് ഇളവുകളുടെ സമയത്തും വളരെ ശ്രദ്ധിക്കുക, സുരക്ഷിതരായിരിക്കുക.



Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top