മങ്കട ഗവ: സ്കൂള്‍ ബൂത്ത് ഉദ്ഘാടനം പോലീസ് സൂപ്രണ്ട് ഫ്രറ്റേണിറ്റി മങ്കട മണ്ഡലം കണ്‍വീനര്‍ നബീല്‍ അമീന് പ്രതിരോധ കിറ്റ് കൈമാറി നിര്‍വഹിക്കുന്നു

മങ്കട: “അതിജീവനത്തിനായി സാഹോദര്യത്തിന്റെ കരുതല്‍” എന്ന ക്യാമ്പയിനിന്റെ ഭാഗമായി ഫ്രറ്റേണിറ്റി മൂവ്മെന്റ് സംസ്ഥാന കമ്മിറ്റി തീരുമാനിച്ച കോവിഡ് – 19 പ്രതിരോധ ബൂത്തുകള്‍ മങ്കട പഞ്ചായത്തില്‍ സ്ഥാപിച്ചു. പരീക്ഷ തുടങ്ങിയ ദിനം രാവിലെത്തന്നെ ബൂത്തുകള്‍ പ്രവര്‍ത്തനമാരംഭിച്ചു.

മങ്കട സര്‍ക്കാര്‍ സ്കൂളിനു മുമ്പില്‍ പോലീസ് സൂപ്രണ്ട് പ്രതിരോധ കിറ്റ് ഫ്രറ്റേണിറ്റി മങ്കട മണ്ഡലം കണ്‍വീനര്‍ നബീല്‍ അമീന് കൈമാറി ഉദ്ഘാടനം ചെയ്തു. മാസ്ക്, സാനിറ്റൈസര്‍, ഹാന്‍ഡ് വാഷ്, പ്രതിരോധ മാര്‍ഗനിര്‍ദേശങ്ങള്‍ എന്നിവയാണ് ബൂത്തില്‍ സജ്ജീകരിച്ചിരിക്കുന്നത്.

കോവിഡ്-19 സുരക്ഷാ മാനദണ്ഡങ്ങള്‍ പൂര്‍ണമായും പാലിച്ചുകൊണ്ടാണ് ബൂത്തുകള്‍ ഒരുക്കിയിരിക്കുന്നത്. കൂടാതെ മങ്കട പഞ്ചായത്തില്‍ പരീക്ഷാ കേന്ദ്രങ്ങളില്‍ എത്താന്‍ പ്രയാസപ്പെടുന്ന വിദ്യാര്‍ത്ഥികള്‍ക്ക് യാത്രാ സൗകര്യവും ഫ്രറ്റേണിറ്റി ഏര്‍പ്പെടുത്തിയിട്ടുണ്ട്.

കമ്മിറ്റി അംഗങ്ങളായ ജസീല്‍, അലി അംജദ് ,മുര്‍ഷിദ്, അഷ്ഫാഖ്, അബ്ദുല്ല, സുഹ, നഷ്‌വ, മുര്‍ഷിദ, അഫ്‌ല എന്നിവര്‍ പരിപാടിയില്‍ പങ്കെടുത്തു.

ഇതുമായി ബന്ധപ്പെട്ട എന്തെങ്കിലും സഹായം ആവശ്യമുള്ളവര്‍ 7025239192 എന്ന നമ്പറില്‍ ബന്ധപ്പെടുക.