Flash News

പമ്പയുടെ ഹാന്‍ഡ് സാനിറ്റൈസര്‍, പി പി ഇ വിതരണം മാതൃകാപരം: സ്റ്റേറ്റ് സെനറ്റര്‍ ജോണ്‍ സബറ്റീന

May 26, 2020 , ജോര്‍ജ്ജ് ഓലിക്കല്‍

IMG_2486ഫിലാഡല്‍ഫിയ: പമ്പ മലയാളി അസ്സോസിയേഷനിലെ അംഗങ്ങളുടെ സഹകരണത്തോടെ ഹാന്‍ഡ് സാനിറ്റൈസറും പി പി ഇ യും മെയ് 23 ശനിയാഴ്ച നോര്‍ത്ത് ഈസ്റ്റ് ഫിലഡല്‍ഫിയയിലുള്ള ക്രിസ്തോസ് ചര്‍ച്ച് പാര്‍ക്കിംഗ് ലോട്ട് (9999 Gantry Road, Philadelphia, PA 19115) ഡ്രൈവ് ത്രൂവിലൂടെ സൗജന്യമായി വിതരണം ചെയ്തു. കോവിഡ്- 19 അടിയന്തരാവസ്ഥയില്‍, ഗവണ്മെന്‍റ് നിയമങ്ങള്‍ പാലിച്ചുകൊണ്ടായിരുന്നു വിതരണം ക്രമീകരിച്ചിരുന്നത്.

Pampa Logo smallപെന്‍സില്‍വേനിയ സ്റ്റേറ്റ് സെനറ്റര്‍ ജോണ്‍ സബറ്റീന വിതരണത്തില്‍ പങ്കുചേര്‍ന്ന് ഈ സാഹചര്യത്തിലെ പമ്പയുടെ പ്രവര്‍ത്തനങ്ങളെ ശ്ലാഘിച്ചു. ഫിലാഡല്‍ഫിയ ഇന്ത്യന്‍ ഓര്‍ത്തോഡക്സ് ചര്‍ച്ച് വികാരിയും സാമൂഹ്യ പ്രവര്‍ത്തകനുമായ ഫാ. എം.കെ. കുര്യാക്കോസും വിതരണത്തില്‍ പങ്കെടുത്ത് ആശംസകള്‍ നേര്‍ന്നു. ഈ മഹാമാരിയുടെ ഭീകരതയിലൂടെ കടന്നുപോയ തന്‍റെ അനുഭവങ്ങള്‍ പറഞ്ഞതും ഈ രോഗത്തെ അച്ചനും കുടുംബവും നേരിട്ട രീതികള്‍ വിശദീകരച്ചതും പുതിയൊരനുഭവമായി. അതോടൊപ്പം ഇപ്പോള്‍ നല്‍കുന്ന നിര്‍ദ്ദേശങ്ങളായ സാമുഹിക അകലവും, ശുചിത്വവും, ഫേസ്മാസ്ക്കും, പി പി ഇ യും ധരിക്കേണ്ടതിന്റെ ആവശ്യകതയും എടുത്തു പറഞ്ഞു.

ശനിയാഴ്ച 2:00-മണി മുതല്‍ നിരവധി വാഹനങ്ങളിലായി മുന്‍‌നിര ആരോഗ്യ സം‌രക്ഷണ പ്രവര്‍ത്തകര്‍, സാമൂഹ്യ പ്രവര്‍ത്തകര്‍, സുരക്ഷാ ജീവനക്കാരുള്‍പ്പടെയുള്ളവര്‍ കിറ്റുകള്‍ വാങ്ങുവാന്‍ എത്തിയിരുന്നു. ദൗര്‍ല്ലഭ്യമായിരുന്ന പി പി ഇ സാമഗ്രികള്‍ എത്തിക്കാന്‍ വിന്‍സന്‍റ് ഇമ്മാനുവലിന്‍റെ സഹകരണം എറെ പ്രയോജനപ്പെട്ടു.

പമ്പ പ്രസിഡന്റ് അലക്സ് തോമസിന്‍റെ നേതൃത്വത്തില്‍ ജോണ്‍ പണിക്കര്‍, ജോര്‍ജ്ജ് ഓലിക്കല്‍, ഫിലിപ്പോസ് ചെറിയാന്‍, മോഡി ജേക്കബ്, സുധ കര്‍ത്ത, ബാബു വറുഗീസ്, തോമസ് പോള്‍, സുമോദ് നെല്ലിക്കാല, ജോസ് ആറ്റുപുറം, ജേക്കബ് കോര, മാക്സ്വെല്‍ ഗിഫോര്‍ഡ്, ജോര്‍ജ്ജ് നടവയല്‍, റോണി വറുഗീസ്, ഈപ്പന്‍ ദാനിയേല്‍ എന്നിവര്‍ ഈ സംരംഭത്തില്‍ അണിനിരന്നു.

IMG_2485 IMG_2488 IMG_2494 PIC 2



Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top