പഴയ ലെക്കിടി മര്‍ഹമ പാലിയേറ്റീവ് കെയര്‍ ക്ലിനിക്കിന് കീഴിലുള്ള ആംബുലന്‍സ് ഫ്രറ്റേണിറ്റി പ്രവര്‍ത്തകര്‍ അണുവിമുക്തമാക്കുന്നു

പാലക്കാട്: പഴയ ലെക്കിടിയില്‍ പ്രവര്‍ത്തിക്കുന്ന മര്‍ഹമ പാലിയേറ്റീവ് ക്ലിനിക്കിന് കീഴിലുള്ള ഓഫീസും ആംബുലന്‍സും ഒറ്റപ്പാലം മണ്ഡലത്തിലെ ഫ്രറ്റേണിറ്റി പ്രവര്‍ത്തകര്‍ അണുവിമുക്തമാക്കി. എസ്.എസ്.എല്‍.സി പരീക്ഷ നടന്ന മൂന്നു ദിവസവും അകലൂര്‍ ഗവ. ഹൈസ്ക്കൂളില്‍ മണ്ഡലം കമ്മിറ്റിക്ക് കീഴില്‍ പ്രവര്‍ത്തകര്‍ ക്ലാസ് മുറികള്‍ അണുവിമുക്തമാക്കി. പുലാപ്പറ്റ എം.എന്‍.കെ.എം.ജി.എച്ച്.എസ്.എസില്‍ പി.ടി.എ കമ്മിറ്റിക്കും സന്നദ്ധ പ്രവര്‍ത്തകര്‍ക്കും കീഴില്‍ നടക്കുന്ന ക്ലാസ് മുറികളുടെ അണുവിമുക്തമാക്കലിലും ഫ്രറ്റേണിറ്റി പ്രവര്‍ത്തകര്‍ പങ്കാളികളായി. ഇരു സ്ക്കൂളുകളിലേക്കും ഫ്രറ്റേണിറ്റി മാസ്ക്കും സാനിറ്റൈസറും നല്‍കി.