വെല്‍ഫെയര്‍ പാര്‍ട്ടി പാലക്കാട് ടൗണില്‍ സംഘടിപ്പിച്ച പ്രതിഷേധ പ്രകടനം

പാലക്കാട്: പ്രവാസികളുടെ നാട്ടിലേക്കുള്ള വരവ് ഏത് വിധേനയും തടയാനുള്ള കേന്ദ്ര സംസ്ഥാനസര്‍ക്കാറുകളുടെ നടപടിക്കെതിരെ വെല്‍ഫെയര്‍ പാര്‍ട്ടിയുടെ നേതൃത്വത്തില്‍ മണ്ഡലം കേന്ദ്രങ്ങളില്‍ പ്രതിഷേധ പ്രകടനം നടത്തി. പാലക്കാട് മണ്ഡലം കമ്മിറ്റി ടൗണില്‍ സംഘടിപ്പിച്ച പ്രതിഷേധ പ്രകടനം ജിള്ളാആ ജനറല്‍ സെക്രട്ടറി എം.സുലൈമാന്‍ ഉദ്ഘാടനം ചെയ്തു.

‘ക്വാറന്‍റൈന്‍ അപര്യാപ്തതയുടെ പേരുപറഞ്ഞ് പ്രവാസികളുടെ മടക്കയാത്ര തടയുന്ന് നിലപാട് മനുഷ്യത്വ വിരുദ്ധമാണെന്നും
വിമാന സര്‍വീസിന്‍റെ എണ്ണം കുറക്കാന്‍ കേന്ദ്രത്തോട് ആവശ്യപ്പെട്ടും ചാര്‍ട്ടേഡ് വിമാനങ്ങള്‍ക്ക് അനുമതി നല്‍കാതെയും പ്രവാസികളില്‍ നിന്നും ക്വാറെന്‍റെന്‍ ചാര്‍ജ് ഈടാക്കിയുമൊക്കെ പ്രവാസി സമൂഹത്തെ സംസ്ഥാന സര്‍ക്കാര്‍ വഞ്ചിക്കുകയാണെന്നും ഇതിനെതിരായി രാജ്യവ്യാപകമായി ശക്തമായ പ്രതിഷേധങ്ങള്‍ ഉയര്‍ന്നു വരണമെന്നും അദ്ദേഹം ആവശ്യപ്പെട്ടു.

മണ്ഡലം പ്രസിഡണ്ട് റിയാസ് ഖാലിദ് അധ്യക്ഷത വഹിച്ചു. ജില്ലാ വൈസ് പ്രസിഡണ്ട് പി. ലുഖ്മാന്‍, മണ്ഡലം വൈസ് പ്രസിഡണ്ട് കെ.സലാം, കെ. റഫീഖ് തുടങ്ങിയവര്‍ നേതൃത്വം നല്‍കി.