Flash News

ട്രം‌പിന്റെ ജന്മദിനത്തില്‍ റിക്കാര്‍ഡ് ധനസമാഹരണം

June 16, 2020 , പി.പി. ചെറിയാന്‍

വാഷിംഗ്ടണ്‍: ട്രം‌പിന്റെ ജന്മദിനമായ ജൂണ്‍ 14-ന് റിപ്പബ്ലിക്കന്‍ നാഷണല്‍ കമ്മിറ്റിയും തിരഞ്ഞെടുപ്പ് പ്രചരണ കമ്മിറ്റിയും സം‌യുക്തമായി സംഘടിപ്പിച്ച ഓണ്‍ലൈന്‍ തിരഞ്ഞെടുപ്പ് ഫണ്ട് സമാഹരണത്തിന്റെ ഭാഗമായി 14 മില്യണ്‍ ഡോളര്‍ ലഭിച്ചതായി ആര്‍ എന്‍ സിയുടെ പ്രസ്താവനയില്‍ പറയുന്നു. ഇത് സര്‍‌വ്വകാല റിക്കാര്‍ഡാണ്.

2016 ഒക്ടോബറില്‍ നടത്തിയ ഓണ്‍ലൈന്‍ ഫണ്ട് കളക്ഷന് ആകെ ലഭിച്ചത് 10 മില്യണ്‍ ഡോളറായിരിരുന്നു.

കഴിഞ്ഞ മൂന്നു വര്‍ഷം കൊണ്ട് ട്രoപിന്റെ തിരഞ്ഞെടുപ്പ് ഫണ്ടിലേക്ക് 225 മില്യണ്‍ ഡോളര്‍ ലഭിച്ചപ്പോള്‍ ഡമോക്രാറ്റിക്ക് സ്ഥാനാര്‍ത്ഥി ബൈഡന് ലഭിച്ചത് 100 മില്യണ്‍ ഡോളറാണ്.

ജൂണ്‍ 14ന് 74 -ാം വയസിലേക്ക് പ്രവേശിച്ച ട്രoപിന് ഓണ്‍ലൈനിലൂടെ ശരാശരി 46 ഡോളര്‍ വീതമാണ് ഗിഫ്റ്റായി ലഭിച്ചത്.

കഴിഞ്ഞ വര്‍ഷം പ്രസിഡന്റ് സ്ഥാനത്തേക്ക് വീണ്ടും മല്‍സരിക്കുന്നു എന്ന് പ്രഖ്യാപിച്ചപ്പോള്‍ 24 മണിക്കൂറിനുള്ളില്‍ 25 മില്യണ്‍ പിരിക്കാന്‍ കഴിഞ്ഞതായി മേക്ക് അമേരിക്ക ഗ്രേറ്റ് എഗയ്ൻന്‍കമ്മിറ്റി വക്താവ് അറിയിച്ചു.

തിരഞ്ഞെടുപ്പ് ഫണ്ട് സമാഹരണത്തില്‍ ഡമോക്രാറ്റിക് പാര്‍ട്ടി സ്ഥാനാര്‍ത്ഥി ജൊ ബൈഡനെ ട്രംപ് ബഹുദൂരം പിന്നിലാക്കിയെങ്കിലും നാഷണല്‍ പോളിംഗില്‍ ജൊ ബൈഡനാണ് ഇതുവരെ മുന്‍തൂക്കം ലഭിച്ചിട്ടുള്ളത്.

തിരഞ്ഞെടുപ്പ് അടുക്കുന്നതോടെ ഡൊണാള്‍ഡ് ട്രംപ് പ്രചരണത്തിലും സര്‍വേകളിലും മുന്‍പില്‍ എത്തുമെന്നാണ് രാഷ്ട്രീയ നിരീക്ഷകര്‍ വിലയിരുത്തുന്നത്.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top