ഇതുവരെ മഹാരാഷ്ട്രയിലെ ജയിലുകളില്‍ 269 തടവുകാര്‍ക്ക് കൊറോണ ബാധിച്ചതായി കണ്ടെത്തി. കൊറോണയുടെ ലക്ഷണങ്ങള്‍ കാണിച്ച തടവുകാരെ മാത്രമാണ് പരിശോധിച്ചതെന്ന് ജയില്‍ വകുപ്പ് പറയുന്നു. എന്നിരുന്നാലും, രോഗബാധിതരുമായി സമ്പര്‍ക്കം പുലര്‍ത്തുന്നവര്‍ക്കും രോഗലക്ഷണങ്ങളില്ലാത്തവര്‍ക്കും നിര്‍ബന്ധിത പരിശോധന ആവശ്യപ്പെടുന്ന ഐസിഎംആറിന്‍റെ മാര്‍ഗ്ഗനിര്‍ദ്ദേശങ്ങള്‍ക്ക് വിരുദ്ധമാണിത്.

മുംബൈ: മഹാരാഷ്ട്രയിലെ മൂന്ന് വ്യത്യസ്ത ജയിലുകളിലായി നാല് തടവുകാരുടെ മരണശേഷം അവരുടെ കൊറോണ പരിശോധന നടത്തിയതായി ആരോപണം. എന്നാല്‍, മരിച്ചവരുമായി സമ്പര്‍ക്കം പുലര്‍ത്തിയ മറ്റ് തടവുകാരുടെയോ ജയില്‍ ഉദ്യോഗസ്ഥരുടെയോ കോണ്‍ടാക്റ്റ് കണ്ടെത്തുന്നതിനായി ഈ ജയിലുകള്‍ ഒരു തരത്തിലുള്ള പരിശോധനയും നടത്തിയിട്ടില്ല.

ഈ മൂന്ന് ജയിലുകളില്‍ നാല് മരണം നടന്നെന്ന് മഹാരാഷ്ട്ര അഡീഷണല്‍ പോലീസ് ജനറല്‍ സുനില്‍ രമണന്ദ് തയ്യാറാക്കിയ സത്യവാങ്മൂലത്തിലൂടെയാണ് ഇക്കാര്യം വെളിപ്പെടുത്തിയിരിക്കുന്നത്. സംസ്ഥാനത്തെ 60 ജയിലുകളില്‍ 10 എണ്ണത്തിലും കൊറോണ പടര്‍ന്നു പിടിക്കുകയും 269 തടവുകാര്‍ക്ക് കൊറോണ അണുബാധ സ്ഥിരീകരിക്കുകയും ചെയ്തിട്ടുണ്ട്.

ജയിലുകള്‍ അണുവിമുക്തമാക്കാന്‍ അതീവ ജാഗ്രത പുലര്‍ത്തുന്നുണ്ടെന്ന് ജയില്‍ ഭരണകൂടം ശക്തമായി അവകാശപ്പെടുന്ന സമയത്താണ് ഈ കേസുകള്‍ രജിസ്റ്റര്‍ ചെയ്തിരിക്കുന്നത്. പീപ്പിള്‍സ് യൂണിയന്‍ ഫോര്‍ സിവില്‍ ലിബര്‍ട്ടീസും (പി.യു.സി.എല്‍) മനുഷ്യാവകാശ അഭിഭാഷകരായ അര്‍ച്ചന റുപ്പത്തും അഫ്രീന്‍ ഖാനും സമര്‍പ്പിച്ച പൊതുതാല്‍പര്യ ഹരജിക്ക് മറുപടിയായാണ് ജൂണ്‍ 15ന് സത്യവാങ്മൂലം സമര്‍പ്പിച്ചത്.

കൊറോണയുടെ ലക്ഷണങ്ങളുള്ള തടവുകാര്‍ക്ക് മാത്രമാണ് കൊറോണ പരിശോധന നടത്തുന്നതെന്ന് ജയില്‍ വകുപ്പ് നേരത്തെ വ്യക്തമാക്കിയിരുന്നു. കൊറോണ ബാധിച്ച വ്യക്തിയുമായും രോഗലക്ഷണങ്ങളില്ലാത്തവരുമായും ബന്ധപ്പെടുന്നവരുടെ നിര്‍ബന്ധിത പരിശോധന ആവശ്യപ്പെടുന്ന ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചിന്‍റെ (ഐസിഎംആര്‍) മാര്‍ഗ്ഗനിര്‍ദ്ദേശങ്ങള്‍ക്ക് വിരുദ്ധമാണിത്.

അഞ്ച് മുതല്‍ പത്ത് ദിവസം വരെ പരിശോധനകള്‍ നടത്തേണ്ടതുണ്ടെന്ന് മെയ് 18 ന് പുറത്തിറക്കിയ ഐസിഎംആര്‍ പ്രോട്ടോക്കോള്‍ പറയുന്നു. ജൂണ്‍ എട്ടിന് ജയില്‍ ഭരണകൂടം മറുപടിയില്‍ പറഞ്ഞത് എല്ലാ തടവുകാരേയും ഒരുമിച്ച് പരിശോധന നടത്താനാവില്ല എന്നാണ്.

ചീഫ് ജസ്റ്റിസ് ദീപങ്കര്‍ ദത്ത, ജസ്റ്റിസ് എസ്.എസ്. ഷിന്‍ഡെ എിവരടങ്ങിയ ബഞ്ച് ജയിലില്‍ ടെസ്റ്റിംഗ് പ്രോട്ടോക്കോള്‍ സംബന്ധിച്ച വിവരങ്ങള്‍ അവതരിപ്പിക്കാന്‍ ജയില്‍ വകുപ്പിനോട് ആവശ്യപ്പെട്ടിരുന്നു. ജയിലില്‍ പരിശോധനയുടെ അഭാവം, ഐസിഎംആര്‍ പ്രോട്ടോക്കോള്‍ അനുസരിക്കാത്തതില്‍ പരാതിക്കാര്‍ ആശങ്ക പ്രകടിപ്പിച്ചിരുന്നു.

ജയിലിലെ ഈ നാല് മരണങ്ങളില്‍ ഒന്ന് യെര്‍‌വാവാഡ സെന്‍ട്രല്‍ ജയിലിലായിരുന്നു. ശ്വസിക്കാന്‍ ബുദ്ധിമുട്ടുണ്ടെന്ന് പരാതിപ്പെട്ടതിനെത്തുടര്‍ന്ന് മെയ് 7 നാണ് ഇയാളെ സസ്സൂണ്‍ ആശുപത്രിയില്‍ പ്രവേശിപ്പിച്ചത്. രണ്ട് ദിവസത്തിന് ശേഷം അദ്ദേഹം മരിച്ചു. അദ്ദേഹത്തിന്‍റെ മരണശേഷം നടത്തിയ പരിശോധനയില്‍ കൊറോണ ബാധിച്ചതായി കണ്ടെത്തി.

കൊറോണ ബാധിച്ചതായി കണ്ടെത്തിയതിനെത്തുടര്‍ന്ന് ജയിലിലെ ആരെയും ജയില്‍ ഭരണകൂടം പരിശോധിച്ചിട്ടില്ലെന്ന് ഹൈക്കോടതിയില്‍ സമര്‍പ്പിച്ച സത്യവാങ്മൂലത്തില്‍ പറയുന്നു. ഇതുവരെ ഒരാള്‍ മാത്രമാണ് കൊറോണ പരിശോധനയ്ക്ക് വിധേയനായത്, അതും മരണപ്പെട്ട 80 വയസ്സുകാരനെ.

ജൂണ്‍ 13 വരെ 4,466 തടവുകാരെ പരിശോധനയ്ക്ക് വിധേയമാക്കിയതായി എ.ഡി.ജി.പി രാമണന്ദ് പറയുന്നു. അതുപോലെ, ഈ വര്‍ഷം ഏപ്രില്‍ 24 ന് തലോജ സെന്‍ട്രല്‍ ജയിലിലെ 53 കാരനെ ജെജെ ആശുപത്രിയില്‍ പ്രവേശിപ്പിച്ചെങ്കിലും അതേ ദിവസം തന്നെ മരിക്കുകയും ചെയ്തു.

കൊറോണയും ന്യൂമോണിയയുമാണ് മരണ കാരണമെന്ന് റിപ്പോര്‍ട്ടില്‍ പറയുന്നു. രോഗം വഷളായതിനെത്തുടര്‍ന്നാണ് അദ്ദേഹത്തെ ആശുപത്രിയിലെത്തിച്ചെങ്കിലും അതേ ദിവസം തന്നെ മരിച്ച സാഹചര്യത്തിലും, ജയില്‍ ഭരണകൂടം കോണ്‍ടാക്റ്റ് ട്രെയ്സിംഗോ ടെസ്റ്റുകളോ നടത്തിയിട്ടില്ല.

മെയ് 27 ന് തലോജ ജയിലില്‍ 33 കാരനായ മറ്റൊരു തടവുകാരന്‍ ആത്മഹത്യ ചെയ്തു. മരണശേഷം നടത്തിയ പരിശോധനയില്‍ തടവുകാരന് കൊറോണ വൈറസ് സ്ഥിരീകരിച്ചു.

തലോജ ജയിലില്‍ രണ്ട് തടവുകാര്‍ മരിച്ചുവെങ്കിലും ഭരണകൂടം രണ്ട് പരിശോധനകള്‍ മാത്രമാണ് നടത്തിയത്. ഇരുവരും മരിച്ചതിനുശേഷമാണ് പരിശോധന നടത്തിയത്. തലോജ സെന്‍ട്രല്‍ ജയിലില്‍ 2,217 തടവുകാരെ പരിശോധനയ്ക്ക് വിധേയമാക്കിയതായി ജയില്‍ ഭരണകൂടം പറയുന്നുമുണ്ട്. മറ്റ് തടവുകാരുടെ കൊറോണ പരിശോധന ജയില്‍ ഭരണകൂടം നടത്താത്തതിനാല്‍ അണുബാധയുടെ വ്യാപനം കണ്ടെത്താന്‍ ഒരു മാര്‍ഗവുമില്ല.

അത്തരമൊരു കേസ് 23 കാരനായ തടവുകാരന്‍ മരണപ്പെട്ട ധൂലെ ജില്ലയിലെ ആശുപത്രിയില്‍ നിന്നും റിപ്പോര്‍ട്ട് ചെയ്തു. മെയ് 9 മുതല്‍ മെയ് 12 വരെയാണ് ഈ തടവുകാരന്‍ ജയിലില്‍ കിടന്നത്. ജയില്‍ ഭരണകൂടത്തിന്‍റെ വിശദീകരണത്തില്‍ ഈ തടവുകാരന് രോഗ ലക്ഷണങ്ങള്‍ കണ്ട് ഒരു ദിവസത്തിനുശേഷം മരണപ്പെടുകയായിരുന്നു. അമിതമായ ലഹരി ഉപയോഗിച്ചതു മൂലമാണ് മരിച്ചതെന്നാണ് ഡോക്ടര്‍മാര്‍ പറയുന്നത്. എന്നാല്‍, തടവുകാരന്‍റെ മരണശേഷം മാത്രമാണ് കൊറോണ ബാധിച്ചതെന്ന് കണ്ടെത്തിയതെന്ന് സത്യവാങ്മൂലത്തില്‍ പറയുന്നു.

കോവിഡ് 19 അണുബാധ കണക്കിലെടുത്ത് ജയിലുകളില്‍ തിക്കും തിരക്കും ഒഴിവാക്കാന്‍ മാര്‍ച്ച് 23 ന് മഹാരാഷ്ട്ര സര്‍ക്കാര്‍ സുപ്രീം കോടതിയുടെ ഉത്തരവ് ലംഘിച്ചുവെന്നാണ് റിപ്പോര്‍ട്ടുകളില്‍ നിന്ന് വ്യക്തമാകുന്നത്. എല്ലാ സംസ്ഥാനങ്ങളെയും കേന്ദ്ര പ്രദേശങ്ങളെയും നാല് മുതല്‍ ആറ് ആഴ്ച വരെ പരോളില്‍ വിട്ടയച്ച തടവുകാരുടെ വിഭാഗങ്ങള്‍ നിര്‍ണ്ണയിക്കാന്‍ ഉന്നതതല സമിതികള്‍ രൂപീകരിക്കാന്‍ നിര്‍ദ്ദേശം നല്‍കി.