ലഡാക്കിലെ ഗാല്‍വാന്‍ താഴ്‌വരയില്‍ ചൈനീസ് സൈനികരുമായി അക്രമാസക്തമായ ഏറ്റുമുട്ടലില്‍ 20 ഇന്ത്യന്‍ സൈനികര്‍ രക്തസാക്ഷിത്വം വരിച്ചതിനു ശേഷം ആദ്യമായി സംസാരിച്ച പ്രധാനമന്ത്രി മോദി ബുധനാഴ്ച ഉച്ചയ്ക്ക് പറഞ്ഞു, “നമ്മുടെ സൈനികരുടെ ത്യാഗം വെറുതെയാവില്ലെന്ന് രാജ്യത്തിന് ഉറപ്പ് നല്‍കാന്‍ ഞാന്‍ ആഗ്രഹിക്കു. ഞങ്ങളെ സംബന്ധിച്ചിടത്തോളം, ഇന്ത്യയുടെ സമഗ്രതയും പരമാധികാരവും പരമപ്രധാനമാണ്, അതിനെ സംരക്ഷിക്കുന്നതില്‍ നിന്ന് ഞങ്ങളെ തടയാന്‍ ആര്‍ക്കും കഴിയില്ല.” അതേക്കുറിച്ച് ആശയക്കുഴപ്പവും സംശയവും ആര്‍ക്കും വേണ്ട. ഇന്ത്യക്ക് സമാധാനം ആവശ്യമാണെങ്കിലും പ്രകോപനത്തെക്കുറിച്ച് എല്ലാ സാഹചര്യങ്ങളിലും ഉചിതമായ ഉത്തരം നല്‍കാന്‍ കഴിയും. മരിച്ചവരും രക്തസാക്ഷികളുമായ നമ്മുടെ സൈനികരെ ഓര്‍ത്ത് രാജ്യം അഭിമാനിക്കുന്നു എന്നും പ്രധാനമന്ത്രി കൂട്ടിച്ചേര്‍ത്തു.

ഇന്ത്യ-ചൈന അതിര്‍ത്തിയിലെ സ്ഥിതിഗതികള്‍ ചര്‍ച്ച ചെയ്യുന്നതിനായി പ്രധാനമന്ത്രി നരേന്ദ്ര മോദി ജൂണ്‍ 19 ന് സര്‍വകക്ഷി ഡിജിറ്റല്‍ യോഗം വിളിച്ചിട്ടുണ്ട്.

ഇന്ത്യയുടെയും ചൈനയുടെയും അതിര്‍ത്തി പ്രദേശങ്ങളിലെ സ്ഥിതിഗതികള്‍ ചര്‍ച്ച ചെയ്യുന്നതിനായി പ്രധാനമന്ത്രി നരേന്ദ്ര മോദി സര്‍‌വ്വ കക്ഷി യോഗം വിളിച്ചിട്ടുണ്ട്. ജൂണ്‍ 19 ന് വൈകുന്നേരേം 5 മണിക്ക് അത് നടക്കുമെന്ന് പ്രധാനമന്ത്രി ഓഫീസ് ട്വീറ്റ് ചെയ്തു. വിവിധ പാര്‍ട്ടികളുടെ പ്രസിഡന്റുമാര്‍ ഈ ഡിജിറ്റല്‍ യോഗത്തില്‍ പങ്കെടുക്കും.

അതേസമയം, ഗാല്‍വാന്‍ താഴ്‌വരയില്‍ സൈനികരെ നഷ്ടപ്പെട്ടത് വളരെ അസ്വസ്ഥതയുളവാക്കുന്നുവെന്ന് ചൈനീസ് സൈന്യവുമായി അക്രമാസക്തമായ ഏറ്റുമുട്ടലില്‍ രക്തസാക്ഷിത്വം വരിച്ച ഇന്ത്യന്‍ സൈനികര്‍ക്ക് ആദരാഞ്ജലി അര്‍പ്പിക്കുമ്പോള്‍ പ്രതിരോധമന്ത്രി രാജ്നാഥ് സിംഗ് ബുധനാഴ്ച പറഞ്ഞു.

#WATCH — I would like to assure the nation that the sacrifice of our jawans will not be in vain. India wants peace but it is capable to give a befitting reply if instigated: PM Narendra Modi #IndiaChinaFaceOff pic.twitter.com/Z0ynT06dSz

— ANI (@ANI) June 17, 2020

‘സൈനികരുടെ ധീരതയും ത്യാഗവും രാജ്യം ഒരിക്കലും മറക്കില്ലെന്നും അദ്ദേഹം ട്വീറ്റ് ചെയ്തു. രക്തസാക്ഷികളായ സൈനികരുടെ കുടുംബങ്ങള്‍ക്ക് എന്‍റെ അനുശോചനം. ഈ ദുഷ്കരമായ സമയത്ത് രാജ്യം അവരോടൊപ്പം തോളോട് തോള്‍ ചേര്‍ന്ന് നില്‍ക്കുന്നു. ഇന്ത്യയിലെ നായകന്മാരുടെ ധീരതയിലും ധൈര്യത്തിലും ഞങ്ങള്‍ അഭിമാനിക്കുന്നു,’ അദ്ദേഹം പറഞ്ഞു.

കിഴക്കന്‍ ലഡാക്കിലെ ഗാല്‍വാന്‍ താഴ്‌വരയില്‍ ഇന്ത്യന്‍ സൈന്യവുമായി ഉണ്ടായ ശക്തമായ ഏറ്റുമുട്ടലില്‍ 35 ചൈനീസ് സൈനികര്‍ മരിച്ചു. യുഎസ് രഹസ്യാന്വേഷണ റിപ്പോര്‍ട്ടുകള്‍ ഉദ്ധരിച്ച് ഔദ്യോഗിക വൃത്തങ്ങള്‍ ബുധനാഴ്ചയാണ് ഈ വിവരം നല്‍കിയത്. കൊല്ലപ്പെട്ട സൈനികരെയും പരിക്കേറ്റ സൈനികരെയും അതില്‍ ഉള്‍പ്പെടും. ഏറ്റുമുട്ടലില്‍ പീപ്പിള്‍സ് ലിബറേഷന്‍ ആര്‍മിക്ക് ഉണ്ടായ അപകടങ്ങളെക്കുറിച്ച് ചൈന ഇതുവരെ ഒരു വിവരവും നല്‍കിയിട്ടില്ല.

സ്ഥിതിഗതികള്‍ നിരീക്ഷിച്ച് യു.എസ്.

കിഴക്കന്‍ ലഡാക്കില്‍ ഇന്ത്യന്‍, ചൈനീസ് സൈന്യങ്ങള്‍ തമ്മിലുള്ള അക്രമ സംഘര്‍ഷത്തെത്തുടര്‍ന്ന് സ്ഥിതിഗതികള്‍ അമേരിക്ക സൂക്ഷ്മമായി നിരീക്ഷിക്കുന്നുണ്ടെന്നും തര്‍ക്കം സമാധാനപരമായി പരിഹരിക്കപ്പെടുമെന്നും യുഎസ് സ്റ്റേറ്റ് ഡിപ്പാര്‍ട്ട്മെന്‍റ് അറിയിച്ചു. യഥാര്‍ത്ഥ നിയന്ത്രണ രേഖയില്‍ ഇന്ത്യന്‍-ചൈനീസ് സൈന്യങ്ങള്‍ തമ്മിലുള്ള സ്ഥിതി ഞങ്ങള്‍ സൂക്ഷ്മമായി നിരീക്ഷിച്ചുകൊണ്ടിരിക്കുകയാണെന്ന് വിദേശകാര്യ വകുപ്പ് വക്താവ് പറഞ്ഞു. കൊല്ലപ്പെട്ട 20 ഇന്ത്യന്‍ സൈനികരുടെ കുടുംബങ്ങള്‍ക്ക് അനുശോചനം അറിയിക്കുന്നുവെന്നും അദ്ദേഹം പറഞ്ഞു.

ഇന്ത്യയും ചൈനയുമായുള്ള പിരിമുറുക്കം കുറയ്ക്കണമെന്ന ആഗ്രഹമുണ്ടെന്നും നിലവിലെ സ്ഥിതി സമാധാനപരമായി പരിഹരിക്കാന്‍ അമേരിക്ക പിന്തുണയ്ക്കുന്നുവെന്നും വക്താവ് പറഞ്ഞു.

2020 ജൂണ്‍ 2 ന് യുഎസ് പ്രസിഡന്‍റ് ഡൊണാള്‍ഡ് ട്രംപും പ്രധാനമന്ത്രി നരേന്ദ്ര മോദിയും തമ്മിലുള്ള ഫോണ്‍ സംഭാഷണത്തിനിടെ ഇരു നേതാക്കളും ഇന്ത്യയിലെയും ചൈന അതിര്‍ത്തിയിലെയും സ്ഥിതിഗതികള്‍ ചര്‍ച്ച ചെയ്തിരുന്നു.