Flash News

കോവിഡ്-19 ലോക്ക്ഡൗണ്‍ കാലത്ത് സംസ്ഥാനത്തെ ജനങ്ങളുടെ വൈദ്യുതി ബില്‍ വര്‍ധിച്ചത് അധിക ഉപഭോഗം മൂലമാണെന്ന് മുഖ്യമന്ത്രി

June 18, 2020 , ശ്രീജ

തിരുവനന്തപുരം: സംസ്ഥാനത്ത് കോവിഡ്-19 ലോക്ക്ഡൗണ്‍ കാലത്ത് ജനങ്ങളുടെ വൈദ്യുതി ബില്‍ വര്‍ധിച്ചത് അധിക ഉപഭോഗം മൂലമാണെന്ന് മുഖ്യമന്ത്രി. വൈദ്യുതി ബില്ലില്‍ വ്യാപക പരാതികളും പ്രതിഷേധവുമുയര്‍ന്ന സാഹചര്യത്തിലാണ് മുഖ്യമന്ത്രി വിശദീകരണവുമായി രംഗത്തെത്തിയത്. കെഎസ്ഇബിയുടെ ഭാഗത്ത് എന്തെങ്കിലും പിശകുകളുണ്ടെങ്കില്‍ തിരുത്താന്‍ സര്‍ക്കാര്‍ നിര്‍ദേശം നല്‍കിയിട്ടുണ്ടെന്നും മുഖ്യമന്ത്രി പറഞ്ഞു.

അതേസമയം പരാതികളുയര്‍ന്ന സാഹചര്യത്തില്‍ വൈദ്യുതി ബില്ലില്‍ ഇളവുകളുണ്ടാകും. ലോക്ക്ഡൗണ്‍ കാലത്ത് മൂന്ന് തവണകളായി ബില്‍ അടയ്ക്കാം എന്നത് അഞ്ച് തവണയാക്കി മാറ്റി.

40 യൂണിറ്റ് വരെ ഉപയോഗിക്കുന്ന 500 യൂണിറ്റില്‍ താഴെ കണക്ടഡ് ലോഡുള്ളവര്‍ക്ക് വൈദ്യുതി ഇപ്പോള്‍ തന്നെ സൗജന്യമാണ്. ഈ വിഭാഗത്തിലുള്ളവര്‍ക്ക് ഇപ്പോള്‍ ഉപയോഗിക്കുന്ന വൈദ്യുതിയുടെ അളവ് നോക്കാതെ തന്നെ സൗജന്യം അനുവദിക്കും. 50 യൂണിറ്റ് വരെ ഉപയോഗിക്കുന്നവരുടെ അധികബില്‍ തുകയുടെ പകുതി സബ്‌സിഡി നല്‍കും. 100 യൂണിറ്റ് വരെയുള്ള ഉപഭോഗത്തിന് ബില്‍ തുകയുടെ വര്‍ധനവില്‍ 30 ശതമാനം സബ്‌സിഡി നല്‍കും. 150 യൂണിറ്റ് ഉപയോഗിക്കുന്നവര്‍ക്ക് അധിക ഉപഭോഗം മൂലമുണ്ടായ വര്‍ധനവിന്റെ 20 ശതമാനം സബ്‌സിഡി അനുവദിക്കും. സബ്‌സിഡികള്‍ നല്‍കുന്നത് വഴി 200 കോടിയുടെ അധികബാധ്യത കെഎസ്ഇബിയ്ക്കുണ്ടാകുമെന്നും 90 ലക്ഷം ഗാര്‍ഹിക ഉപഭോക്താക്കള്‍ക്ക് ഇളവുകളുടെ ഗുണം ലഭിക്കുമെന്നും മുഖ്യമന്ത്രി പറഞ്ഞു.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top