Flash News

ബാങ്ക് ഓഫ് ഇന്ത്യ തട്ടിപ്പ് കേസില്‍ ബിജെപി നേതാവിനും മറ്റ് നാല് പേര്‍ക്കുമെതിരെ സിബിഐ കേസ്

June 18, 2020 , ശ്രീജ

ന്യൂദല്‍ഹി: ബാങ്ക് ഓഫ് ഇന്ത്യയില്‍ നിന്ന് 67 കോടി രൂപയുടെ വായ്പയുമായി ബന്ധപ്പെട്ട ക്രിമിനല്‍ ഗൂഢാലോചന, തട്ടിപ്പ്, വ്യാജരേഖ ചമയ്ക്കല്‍ എന്നീ കേസുകളില്‍ മഹാരാഷ്ട്ര ബിജെപി നേതാവ് മോഹിത് കമ്പോജിനും മറ്റ് നാല് പേര്‍ക്കുമെതിരെ സിബിഐ കേസ് രജിസ്റ്റര്‍ ചെയ്തു. ഏവിയന്‍ ഓവര്‍സീസ് പ്രെെവറ്റ് ലിമിറ്റഡിന്‍റെയും കെബിജെ ഹോട്ടല്‍സ് ഗോവ പ്രെെവറ്റ് ലിമിറ്റഡിന്‍റെയും പേരുകള്‍ സിബിഐ എഫ്ഐആറില്‍ രജിസ്റ്റര്‍ ചെയ്തിട്ടുണ്ട്.

2013 നും 2018 നും ഇടയില്‍ സ്വര്‍ണ്ണാഭരണ കയറ്റുമതി കമ്പനിയായ ഏവിയന്‍ ഓവര്‍സീസ് പ്രെെവറ്റ് ലിമിറ്റഡ് (ഇപ്പോള്‍ ബാഗ്ല ഓവര്‍സീസ്) നടത്തിയ വഞ്ചനാപരമായ ഇടപാടുകളുമായി ബന്ധപ്പെട്ടതാണ് കേസുകള്‍ എന്നാണ് റിപ്പോര്‍ട്ട്. കമ്പനിയുടെ മാനേജിംഗ് ഡയറക്ടറായിരുന്ന കമ്പോജ്, ബാങ്കിന് സ്വകാര്യ ഗ്യാരന്‍റിയും നല്‍കിയിരുന്നു. 2015 ല്‍ അദ്ദേഹം കമ്പനിയില്‍ നിന്ന് രാജിവച്ചു.

കമ്പോജ് ഉള്‍പ്പെടെയുള്ള പ്രതികളുടെ വീടുകളും ഓഫീസുകളും ഉള്‍പ്പെടെ മുംബൈയിലെ അഞ്ച് സ്ഥലങ്ങളില്‍ സിബിഐ റെയ്ഡ് നടത്തിയതായി അധികൃതര്‍ അറിയിച്ചു. കബോജിന്‍റെ പേരും ജിതേന്ദ്ര ഗുല്‍ഷന്‍ കപൂര്‍, നരേഷ് മദന്‍ജി കപൂര്‍ (ഇപ്പോള്‍ മരിച്ചു), സിദ്ധാന്ത് ബാഗ്ല, ഇര്‍തേഷ് മിശ്ര എന്നിവരും പ്രതിപ്പട്ടികയിലുണ്ടെന്ന് സിബിഐയുടെ എഫ്ഐആര്‍ പറയുന്നു.

ദുബായ്, സിംഗപ്പൂര്‍, ഹോങ്കോംഗ്, മറ്റ് വിദേശ രാജ്യങ്ങളിലേക്ക് കൈകൊണ്ട് നിര്‍മ്മിച്ച സ്വര്‍ണ്ണാഭരണങ്ങള്‍ നിര്‍മ്മിച്ച് കയറ്റുമതി ചെയ്യുന്നതില്‍ ഏര്‍പ്പെട്ടിരിക്കുന്ന ഏവിയന്‍ ഓവര്‍സീസ് പ്രെെവറ്റ് ലിമിറ്റഡിന്‍റെ ഗ്യാരന്‍ററും മാനേജിംഗ് ഡയറക്ടറുമാണ് കമ്പോജ് എന്ന് ബാങ്ക് ആരോപിക്കുന്നു. 2015 ല്‍ അദ്ദേഹം രാജിവച്ചിരുന്നു.

2018 ല്‍ ഒറ്റത്തവണ പേയ്മെന്‍റിനായി കമ്പനി ബാങ്കുമായി കരാറിലേര്‍പ്പെട്ടതായും 30 കോടി രൂപ ബാങ്കിലേക്ക് അടച്ചതായും ഭാരതീയ ജനത യുവ മോര്‍ച്ചയുടെ മുംബൈ യൂണിറ്റ് ജനറല്‍ സെക്രട്ടറി കമ്പോജ് ഫോണിലൂടെ പറഞ്ഞു. കമ്പനിയില്‍ നിന്ന് പേയ്മെന്‍റ് സ്വീകരിച്ച് ഞങ്ങള്‍ക്ക് ‘നോ ഡ്യൂ’ സര്‍ട്ടിഫിക്കറ്റ് നല്‍കി രണ്ടര വര്‍ഷത്തിന് ശേഷമാണ് ബാങ്ക് കേസ് രജിസ്റ്റര്‍ ചെയ്തത്. ‘ഇത് വ്യക്തിപരമായ ശത്രുതയുടെ ഒരു കേസാകാം. സിബിഐ അന്വേഷണവുമായി ഞാന്‍ സഹകരിക്കും,’ കമ്പോജ് പറയുന്നു.

120ബി (ക്രിമിനല്‍ ഗൂഢാലോചന), 406 (ക്രിമിനല്‍ വിശ്വാസലംഘനം), 420 (വഞ്ചന), 468 (വ്യാജരേഖ), 471 (അഴിമതി) എന്നീ വകുപ്പുകള്‍ ചേര്‍ത്ത് അന്വേഷണ ഏജന്‍സി കേസ് ഫയല്‍ ചെയ്തതായി ബാങ്ക് ഓഫ് ഇന്ത്യയുടെ പരാതിയില്‍ പറയുന്നു. പ്രിവന്‍ഷന്‍ നിയമത്തിലെ വ്യവസ്ഥകള്‍ പ്രകാരം എഫ്ഐആര്‍ രജിസ്റ്റര്‍ ചെയ്തിട്ടുണ്ട്.

സര്‍ക്കാര്‍ സ്വീകര്‍ത്താക്കളും ഗ്യാരണ്ടറും സര്‍ക്കാര്‍ ഫണ്ട് ദുരുപയോഗം ചെയ്തുവെന്നും, വഞ്ചനയും വ്യാജരേഖ ചമച്ചതായും ബാങ്ക് ഓഫ് ഇന്ത്യ ആരോപിക്കുന്നു. വ്യാജ രേഖകള്‍ തയ്യാറാക്കിയതു വഴി ബാങ്ക് ഓഫ് ഇന്ത്യയ്ക്ക് 67.26 കോടി രൂപയുടെ നഷ്ടം സംഭവിച്ചുവെന്നും ബാങ്ക് ആരോപിച്ചു.

മുംബൈയിലെ റെയ്ഡില്‍ കുറ്റകൃത്യം നടന്നതിനു തെളിവായി ചില രേഖകള്‍ കണ്ടെത്തിയിട്ടുണ്ട്. അതില്‍ സ്വത്ത്, വായ്പ, നിരവധി ബാങ്ക് അക്കൗണ്ടുകള്‍, ലോക്കറുകളുടെ താക്കോലുകള്‍ മുതല്‍ ബന്ധപ്പെട്ട രേഖകളും ഉള്‍പ്പെടുന്നു.

നിരവധി ക്രമക്കേടുകള്‍ കണ്ടെത്തിയ 2015 ല്‍ കമ്പനിയില്‍ പരിശോധന നടത്തിയെന്ന് സിബിഐക്ക് നല്‍കിയ പരാതിയില്‍ ബാങ്ക് ആരോപിച്ചു. പലിശ അടയ്ക്കാത്തതും ബില്ലുകള്‍ വര്‍ദ്ധിപ്പിച്ചതും കഴിഞ്ഞ് 2015 മാര്‍ച്ച് 31 ന് ബാങ്ക് വായ്പയെ നിഷ്ക്രിയ ആസ്തിയായി (എന്‍പിഎ) പ്രഖ്യാപിച്ചു.

കഴിഞ്ഞ വര്‍ഷം ബാങ്ക് ഓഫ് ബറോഡ, കംബോജിനെ ഏവിയന്‍ ജ്വല്ലറി വായ്പ തിരിച്ചടക്കുന്നതില്‍ വീഴ്ച വരുത്തിയതായി പ്രഖ്യാപിച്ചിരുന്നു

ഭാരതീയ ജനത യുവ മോര്‍ച്ചയുടെ മുംബൈ യൂണിറ്റ് ജനറല്‍ സെക്രട്ടറി കമ്പോജ് 2014 ല്‍ ദിന്ദോഷി നിയമസഭാ സീറ്റില്‍ നിന്ന് പാര്‍ട്ടി സ്ഥാനാര്‍ത്ഥിയായിരുന്നു. 2019 ജനുവരിയില്‍ അദ്ദേഹം തന്‍റെ പേരിന്‍റെ അവസാന വാക്ക് ‘ഇന്ത്യന്‍’ എന്ന് മാറ്റി.


Like our page https://www.facebook.com/MalayalamDailyNews/ and get latest news update from USA, India and around the world. Stay updated with latest News in Malayalam, English and Hindi.

Print This Post Print This Post
To toggle between English & Malayalam Press CTRL+g

Leave a Reply

Your email address will not be published. Required fields are marked *

Read More

Scroll to top